2月17日 星期二 (松島 > 山形 > 藏王山)
睇完日出浸完個私家風呂就去食早餐喇~~
朝食係響酒店餐廳，我地約左七點......餐廳望出去都係個無敵海景~~
早餐又係已經set定晒響度~
前菜、漬物
沙律
魚餅，好彈牙嫁~~
魷魚刺身
呢兩條魚好好味~~
溫泉蛋
海苔湯
白飯+麥茶.......日本人極度男尊女卑！D飯同茶總係放響女性嗰邊，都就快2010啦，食餐飯都仲要女人服侍
紫菜
唔知係咩，好似係魚春醃埋一舊野....好salty嫁，好難食
又有最難頂嘅納豆！
老爺又響度攪攪震.....
一路食一路可以欣賞窗外嘅海景~
食飽飽就返入房執行李....攪掂後就再欣賞下個海灣曬曬日光....
Hehe....忍唔住又再好快速咁浸多次個風呂.....
終於攪到差唔多八點半先去check out......
酒店仲有紀念品贈送....好開心
Check out 後將D行李寄存響酒店，之後就正式開始今日嘅行程喇~~~
2月17日 星期二 (松島 > 山形 > 藏王溫泉)
好快去到第四日喇！今日係我嘅生日，先同自己講聲Happy Birthday~~~
唔知響邊本書睇過或聽人講過，話松島灣會睇到日出....不過老爺對我呢個說法有D疑惑
點都好，都要試下起身睇架，所以一早較定鬧錶....
五點鐘晨咁早就被叫醒，不過望出去漆黑一片，於是繼續瞓.....
5:20到老爺嘅鬧錶響，佢起身望下，依然一線曙光都無喎，繼續去瞓......
5:45最後一個鬧錶響，老爺推極佢都唔肯理我，唯有自己捲住張被碌過去昅下.....咦，好似有D光喎....拿拿聲碌返去搖醒老爺.....
兩個傻仔天濛光著返件羽絨就走出去露台stand by~~
福浦橋呢邊個月亮仲響度喎.....
等到6:00仲係咁上下......
調較定個溫泉水先，一陣一路睇日出一路浸浴.....
6:05.....
福浦橋呢邊好似光左D.....
6:08.....等到開始有D悶.....
6:10 天都光晒啦，點解仲未見個朝陽嘅?????
等到呆晒.....
6:15.....相信個太陽已經唔知響邊度升起左???......我地開始猶疑係咪應該放棄守候改去浸浴算數.....
6:26 正當我地預備除衫跳落個溫泉時，忽然見到有D曙光啦)))))
6:27....好緊張.....個太陽閞始見邊啦~~~~
6:28 出黎喇出黎喇~~
6:29....Yeah!!! 終於睇到日出啦
6:30.....好靚呀))))))
6:32成個蛋黃見晒~~
6:33 旭日完全初升~~~
影晒相終於可以舒舒服服去浸浴啦~~~~
一路浸浴一路睇住個太陽慢慢升高，嗰種感覺真係好正~~
6:50浸夠就起身著衫，因為7:00要去食早餐.....(待續)
