PIGGYBREAD: 2013

2013年12月30日星期一

2013年12月新加坡熱辣辣四日 - Day 1

月頭走左轉新加坡....已經好多年無踏足過呢個地方，對上一次去係2000年，已經係13年前嘅事! 嗰次係同老爺第一次搭飛機自遊行呢

，睇返d相13年前我仲係得22寸腰，塊面係天然V煞面，而家脹到不似人形成個水桶咁，唉，果真歲月不留人

，紅顏彈指老呀，哈哈!!

隔左十幾年無去，個感覺好似唔同左好多....今次去左四日，感覺都唔錯，地方細細，交通都好方便，旅遊景點好集中，d人好 friendly 呢，好主動幫遊客，服務性行業嘅 staff 亦好 nice，作為遊客我地對新加坡嘅印象幾好，不過天氣實在係太太太熱啦，平時唔會點出汗嘅我，日日都香汗淋漓，講得核突d，我d汗係響條事業線不斷咁流過直達肚臍

.....熱不特止，又成日落雨，又熱又濕，成身都黐泅泅，好鬼唔舒服!

2013年11月26日星期二

2012年10月大阪四國好求其七日 - 淡路島夢舞台

Day 1 (香港 > 大阪 > 淡路島 > 嗚門)

我知好怪，本來剛去完北海道返來正常人都應該即刻寫返個遊記，不過之前先剛剛完成2010年嘅北海道遊記，足足寫左北海道兩年半，又唔係好想咁快寫返呢個地方....大阪四國係舊年十月去，到而家超過一年，其實想寫左好耐，咁啱電視上個星期又做呢個地方嘅旅遊特輯，撩起條筋，趁仲有少少記憶一於湊下熱鬧寫埋佢~

又係搭凌晨機.....

差不多四個鐘頭嘅航程，基本上瞓完就食，食完又再瞓....我呢劇肥野而家已經進展到坐響度一樣可以隨時瞓得著

2013年10月29日星期二

2013年9月北海道又去道東 - 戰利品篇

又到左 show time 時間

.....今次雖然去左八日，但真正響札幌嘅 shopping 時間其實好少，尤其第一日去到老爺因為又病(!)所以早早返酒店無去敗家

(條友仔去日本成日都病，我開始懷疑佢係心理上想制止我 shopping 從而將個 idea 不自覺 develop 左去生理上等我被迫 stop shopping

....我記得成日睇美劇講醫學上係好似有d 咁嘅案例，不過我唔記得叫咩 term)....Well, 當然你地會話第一日去到都三點幾四點啦，返埋札幌酒店 check in 先再出嚟 shop 都唔慌多時間敗家，但對於我地呢d shopaholic 嚟講，即使只得半粒鐘只係放我響條地下街由得我任 shop 我分分鐘都有本事敗你十零廿萬円

....講左咁耐我個 point 其實係想指出因為無左第一晚最終我嘅整體收獲真係強差人意，我決定下次如果再去我真係要 at least 留返多 one full day 響札幌先得囉~

好啦，講返正經，我嘅毛病就係太鍾意 gossip，成日乜都 up 一餐嘥晒 d 時間所以 d 遊記永遠寫唔完.....OK, 先嚟我最鐘意 shop 嘅包包，今次又敗左個 Coach

，巧平呀，原價62000 半價後再有30% off，折實21700，當八算，只需一千七百幾!

老爺響旁邊不斷叫我買，hehe~

2013年10月22日星期二

2013年9月北海道道東 - 又去完返來啦~

話咁快八日嘅北海道 trip 又玩完返嚟啦! 今次雖然係我地第六次去北海道，而且大部份嘅地方都係我地兩年幾前去過嘅地方，但當時係冬天，今次係初秋，感覺完全唔同.....我只可以講北海道真係一處永遠唔會令人生厭 n 樂而忘返嘅地方，我真係好 like Hokkaido 呀!!

呢個 trip 其實決定左好耐，舊年10月去完四國返嚟，諗住有d mileages 快到期於是求其去check 下，點知見到九月尾十月頭北海道竟然有位，北海道喎，一向好難換嫁，當然拿拿林即刻 book la，之後當然又繼續 hea，四月去完德國返嚟老爺已經不止一次叫我趁有時間就好開始plan，but 我想講我呢d 係死性，唔好輕易去改囉

，所以當然又係拖到臨出發前一個月先去搞啦

......今次比較特別，咁啱又有一位比較熟嘅 blog 友又係呢個時候去北海道，呢位姐姐晨咁早我都未去德國就已經開始 plan 路線 book 定晒酒店，搞到我好似好 lazy 咁，不過後來做 planning 時我地成日互通消息，真係好多謝佢呢段期間成日過料俾我呢個懶人呀 (不過佢去日本成日都好黑仔，大家都話佢今次過晒d 黑氣俾我

)

2013年10月19日星期六

未試過唔知，試過就會明白，搬blog就好似搬屋咁鬼煩，真係煩死人，我搞左好多日呀，21 個zip files, 萬幾張相，單係resize d pic 都成兩粒鐘，因為大部份時間響公司搞，死人公司又block 左好多野搞唔到，單係upload the images file 已經用左兩日! 我係電腦白痴，唔知點解我又特別多野搞唔到，其實真係無諗過會搬得成，好多謝幫過我嘅blog友，尤其係阿不，thank you soooooooooooooo much，我成日響office hours 煩住你，下次出嚟食飯我嘅，haha!!

仲有要多謝小肥同佢響post入面quote 嗰位木木媽，我係跟住佢地個steps 做嫁，好多謝佢地好詳細嘅教學，真係好helpful!! 雖然成個過程好煩，中途都曾經有諗過放棄，但而家搞掂真係好開心呀，今次響過程中我又學到好多野啦，very good experience ar!! 之前好擔心響 Y Blog 嗰d 私人留言會show 晒出嚟，我實在有太多同人八嘅是非 (hehe~~)，原來搬左過嚟之後係無左唔會show 出嚟嫁，而家放心晒，哈哈，不過d 私人post 就要人手改返做草稿，但都好簡單易改，仲有就係blogspot 唔似Y blog 每篇會自動顯示一小段文，要人手逐篇set 返個jump break，係煩d，不過呢d 都係好小事，得閒先慢慢做返啦.......而家搞掂晒，我又可以開始寫返遊記啦，yeah!!!

2013年9月9日星期一

最後一篇

近期好busy busy, 因為要趕住plan 月尾個北海道trip, 不過幾busy 都要寫埋yahoo blog 嘅最後一篇~

Check 返原來我響度開blog 係2008年11月16日，已經寫左接近五年! 雖然中途搬過一次家，不過始終都覺得yahoo blog 最舒服，而且又有得私訊可以同人講是非, haha!! 之前我成日鬧yahoo blog 覺得佢成日搞好多野好麻Q煩，真係好火滾，不過平心而論佢始終係一個免費平台，我地分文不出就可以享用，其實要同佢講聲thank you, 最開心係因為寫blog 而識到好多blog 友，有d 仲做埋fd 得閒約出嚟食飯吹水，而且從其他人嘅分享同經歷中我學識左好多野，點計都係有賺啦.......而家終於呢度要摺埋，都有小小唔捨得，yahoo blog 真係我地一個集體回憶，but 人地又真係無講過會last forever woh, 對於我自己嚟講，寫blog 嘅日子係好enjoy 嫁，因為我從來唔會俾壓力自己，得閒就寫，開心就寫，有人睇又寫，無人睇亦都keep 住寫，寫到咁上下覺得厭悶咪又開一個新topic 寫下囉，而且我打字快，又「才思敏捷」(其實係鍾意吹水，哈哈!!) 所以up to this moment, 我都無諗過要唔再寫，至多係因為lazy or busy 好多時hea 住寫啫.....從來寫blog 個原意都係留返個record 得閒時回味，出發點純粹係為自己咋，絕對唔係好偉大咁要幫其他人俾大家咩資訊，不過我地d 騎呢經歷如果曾經或多或少都幫過下其他blog 友都係一件開心事，所以無所謂啦，邊度有得寫咪搬去邊度寫囉，正所謂此處不留人自有留人處，最希望可以將以前寫落嗰d 順利搬走啦，不過even 搬唔到都doesn't matter la，最重要係我寫嘅時候或大家睇嘅時候enjoy 過就已經ok, right?

如果大家有興趣繼續睇我同老爺嘅遊記，得閒就請去呢度探下我啦! (不過暫時都應該唔得閒update 住啦 (tongue)

)

YAHOO BLOG, thank you n byeeeeeee~

2013年8月12日星期一

2012年12月東京熱海快閃72小時 - Part 5

12月15日 (星期六)
熱海 > 新宿

話咁快去到 day 2.......朝早起身當然要去浸下個私家溫泉先，晨早一浸，人都精神舒服d 嫁~~

2013年8月5日星期一

2012年12月東京熱海快閃72小時 - Part 4

12月14日 (星期五)
熱海市 (Hotel Micuras)

離開來宮神社，叫做完成晒今日嘅景點，本來按照schedule 仲有一個起雲閣想去，旅遊書介紹係一個結合日、中、歐嘅洋房別墅，好多文豪住過，不過已經四點多，我地想早d 去酒店，於是就skip 左呢個起雲閣，相信唔睇都唔會好大損失~

由來宮神社去酒店好近，只係幾分鐘車程，我地今晚入住嘅酒店叫Hotel Micuras，係一間非傳統型溫泉酒店，其實去日本我地一向都鍾意住傳統型溫泉旅館，好鍾意d 服務人員好warm & nice 嘅service，不過十月頭去完四國返嚟，當時都已經住過三晚傳統型溫泉旅館，食左三晚日式料理，相隔兩個月都想轉換一下，所以今次就搵左呢間好現代感嘅溫泉酒店啦~

2013年7月16日星期二

2012年12月東京熱海72小時快閃 - Part 3

12月14日 (星期五)
熱海市 (熱海梅園 + 來宮神社)

上一回講到逛左個好騎呢嘅熱海城，望下錶已經三點，爭取時間即刻開車去熱海最著名嘅景點熱海梅園 (Tel: 0557-81-9211)~

由熱海城過去大約10分鐘，不過去到唔見有carpark，響附近兜左陣都搵唔到有地方泊低架車.......唯有將架車揸返去入口，跟其他人一樣就咁泊響外面算，希望唔會被抄牌啦

2013年7月10日星期三

2012年2月巴黎倫敦11日 - 夜遊香榭麗舍大道

12 FEVRIER 2012 (DAY 2 - PART 5)

離開協和廣場，我地繼續沿住香榭麗舍大道逛.......

入夜後香榭麗舍大道兩旁嘅樹著晒燈，車路永恆地塞滿車，連綿嘅車頭車尾燈一行白一行紅，將大道盡頭嘅凱旋門映照得異常美麗~

逛左一陣就去到大皇宮 (Grand Palais)......

大皇宮其實唔係真皇宮，只係1900年響巴黎舉行嘅世界博覽會而建嘅國際展覽館......夜幕下拱型嘅玻璃頂好靚~

呢度仲未close，不過我地無打算入去逛，只係響門口望下算........屋頂內部嘅金屬結構好有型 (cool)

大皇宮對面就係小皇宮 (Le Petit Palais).......

其實我反而有興趣入去呢個小皇宮參觀下，呢度雖然同大皇宮一樣都係因為世界博覽會而建，不過而家已經成為一個博物館，收藏左好多印象派、浪漫主義等19世紀嘅作品，好想入去參觀，可惜呢度close 六點，又係無得入 (sad)

大門嘅裝飾好精緻~

由大小皇宮中間嘅馬路向塞納河方向行就會見到亞歷山大三世橋........

仲見到巴黎鐵塔呀!! (love struck)

無論邊一個角度欣賞鐵塔都係咁靚，可惜我地無帶腳架嚟.......老爺響度呻，尋日枝腳架揹足一日最終響凱旋門唔俾用，今日應該要用我又唔提佢帶，有人覺得我個planning 好差喎.......男人，其實只係識響度怨，唉! 左哼哼

亞歷山大三世大橋可以話係塞納河上最華麗最靚嘅一座橋.......

橋上嘅銅燈好古典~

橋嘅四角各有一根石柱，石柱上有造型唔同嘅飛馬金像，近距離睇真係好宏偉~~

金光閃耀嘅飛馬振翅欲飛，姿態栩栩如生

橋上仲有好多其他雕像，全部都好細緻，不過夜晚好暗睇得唔係咁清楚，可惜呢個trip 我地再無時間白天再嚟過，唯有又等下一次 (big grin)

對岸就係著名嘅傷兵院

塞納河嘅夜景真係好靚

愈夜愈美麗

離開亞歷山大三世大橋，我地又行返去香榭麗舍大道......

望下錶接近七點，係時候要搵個地方坐低食飯，大皇宮呢度有一個metro station，不過只係搭一個站就到我地酒店嘅 George V Station，真係搭又唔係唔搭又唔係，雖然已經好攰，但只係一個站又唔想浪費兩張t-ticket，一個站應該唔會好遠掛? 最後我地決定都係繼續行埋條香榭麗舍大道，去到酒店附近再搵餐廳醫肚~