2013年1月3日星期四

2011年2月北海道遁東道北12日 - Pension Jacatra


2月27日 - DAY 9 (PART 2)
Tomamu > 札幌 > 美瑛



上一回講到離開Alpha Resort Tomanu,我地就搭返JR 去札幌.......



由Tomanu 去札幌要個半鐘,上左車望下外面嘅雪景,望下望下好自然就又去搵周公傾計~困






兩點鐘返到札幌,天氣好轉,無落雪仲見到藍天白雲,good 呀,希望好天氣一路keep 住落去聽日個美瑛photo tour 可以影返d靚靚相




返到札幌,只得一個鐘頭嘅時間,跟手又要轉車去美瑛住一晚,因為唔想拎住太多行李去,所以就決定先將d 行李放返響酒店先.......最初去時一個喼,八日後返黎開多左個大Agnes B 同Kitty 尼龍袋,入面全部都係戰利品嘻嘻.......


之後就帶一個手提旅行袋又再次出發嘞~




札幌街拍


好肚餓.......響札幌只有一個鐘頭嘅時間,響酒店一來一回都已經無左半粒鐘,所以我地決定買d 野食上車食.......


有Mister Donut......



 
當然唔少得熱辣辣嘅粟米湯.....


仲有車站便當~


逛左一陣就夠鐘上車~

 
一上車就開餐啦........


呢個蛋包飯係會發熱嫁......一鬆開條發熱線等六、七分鐘就OK~




食蛋包飯嘅叉~



d donut 好Q 甜!






   


 食飽又瞓......瞓醒差不多已經去到旭川,之後就再轉車去美瑛,好小型嘅列車~



係自由席,好多人,無位坐,要企半個鐘~


又見返一地雪景.......




一轉眼就日落,今日成個行程都係瞓同坐車......








17:03 終於到左美瑛.......我地預約左今晚入住嘅Pension Jacatra 黎接我地.......


美瑛駅外嘅景色好靚~~




不過響外面等左一陣都唔見黎接我地嘅車........


好凍,於是走返入去站入面等~




等左十分鐘都仲未有人黎哼,有無搞錯? 唔通 Pension 唔記得左? 於是我地就打電話去Pension check,接電話係一個女人,佢一聽就話有人去緊車站接我地,不過我覺得佢地其實係唔記得左囉.......













 
終於又等左十多分鐘個老闆先黎到,足足遲左二十多分鐘,仲要一句sorry 都無怒,講真第一個印象真係麻麻

 
 車行左大約十分鐘就到 Pension........



 Pension 主人係一對好後生嘅夫婦,最初覺得佢地好似比較cool,同之前嗰間 Pension Atreyu 主人嘅熱誠爭好遠,不過後來dinner 時個女主人都有同我地閒聊,感覺又好返d.......同我地介紹左Pension 嘅設施,放低d 行李我地就拿拿聲走出外面,趁天未黑影返幾張相先.......






好鍾意呢三棵樹心


呢個係主樓,左邊係餐廳部份~


呢個Pension 除左主樓仲有四間獨立Cottage,主樓嘅房間有分洋式同和式,但部屋入面都係無bathroom 同獨立空調,當然房價就比 Cottage 平d,唔駛講我地今次當然係揀 Cottage 啦.......下面呢間就係我地嘅 Cottage A~ 


Pension 位處山上,四周景色一覽無遺~




環境真係好優美.......


好寧靜嘅感覺


影完外面又影下我地間 cottage 先......一入去有個細細玄關......



之後係toilet......

Cottage 唔係好大,一入去一眼見晒......


不過設備都好齊全,基本嘅電視、風筒、電熱水煲一應俱全~


呢個電熱水煲好搞野,按左掣後唔會自動停,水滾後要自己按熄佢~


Cottage 有獨立 bathroom,旁邊有個細細嘅窗,一邊浸浴一邊望住外邊雪景,good 呀


旁邊仲有shower......
 
 

個洗臉盆就細個左d......


洗面時真係好易搞到一地都係水.......不過整體黎講間cottage 都唔錯啦~














 
響房hea左一陣,我地就去浸浴啦.......呢間 pension 都有外湯內湯各一,不過冬天就只開放內湯,我地當然唔會放過,內湯就響主樓入面~


係家族風呂,唔駛預妁鎖埋門就可以慢慢浸


以一間 pension 黎講,設備真係算好齊全......


有埋風筒......


連磅都有一個~


有兩個shower.......慢慢沖個涼先~




個浴池都好寬敞,兩個人一齊浸仲有鬆動good

 
旁邊仲有個大窗,不過黑媽媽唔知外面係咩view~


呢度嘅溫泉水叫光明石溫泉~


 
舒舒服服泡完湯,真係一身都暖晒........未夠鐘食飯,於是就返去cottage hea 下睇下電視~

 
我地約左七點鐘食飯.......


成晚只係得我地兩個人用餐,包廳


周圍嘅佈置同擺設都好home feel~








茶水自便~


Dinner 嘅 main dish 係烤羊肉.......


另有其他小小前菜配菜......



 






羊肉黎啦馋嘴




 
 烤羊肉當然要啤啤佢啦



 

仲有白飯同湯~


開餐啦~~


 
 冬天響日本食成吉思汗個感覺真係好正


有人一向唔識吐魚骨,今次自己KO 晒成條好開心好 hilti偷笑
 




 

 食飽飽同女主人傾左陣計,佢問我地係咪第一次黎日本玩黑线,我地答好多時一年都會去一至兩次,佢顯得好驚訝,我地都唔好意思講識得有d人一年去五六次........之後就找埋條數.......隔左差不多兩年,諗左好耐先諗到 20,200円呢條數係點計出黎思考.......


1. Cottage charge (包早晚餐)︰8,750円 x 2
2.  Photo tour charge︰2,500円 x 2
3. Dinner 兩罐啤酒︰700円
4. DEDUCT Deposit︰1,500円 x 2
TOTAL = 20,200円 


飲飽食醉,之後就返去cottage,hea 左陣就瞓教啦.......聽朝係期待已久嘅美瑛 Photo Tour!!太开心

(...待續)