2011年2月北海道道東道北12日 - 告別知床

2月22日 - DAY 4 (PART 2)
知床Utoro溫泉 > 摩周

完成左超好玩嘅流冰漫步，搭返Shinra專車返酒店，同tour guide say goodbye後，我地就拿拿聲衝去食早餐.....好趕呀，我地要搭8:50酒店shuttle bus離開，而家已經係8:15，只剩半粒鐘時間，但無理由唔去食埋個早餐啫，幾趕都唔可以蝕嫁!!

食早餐地方仍然係尋晚dinner嗰間「波音」，白天可以睇到流冰海景...

早餐仍然係食buffet，野食當然無尋晚dinner咁豐富啦~

時間關係我地只係求其攞左d填肚算....

真係好求其嫁，你睇老爺趕到d麵包烘到燶晒都是但唔理

係咁意將d野塞落肚，15分鐘搞掂，想再攞多個round都趕唔切，好快速就要閃返上房執野.....

幾趕都好，都要抽返小小時間影下窗外嘅景色，唔好嘥左呢間比較貴嘅展望個室嘛~

陽光下嘅流冰海岸

兩隻bears話要影多d造型照唔好辜負piggybread同老爺一片苦心，因為佢地兩老係情願犧牲d食早餐時間趕返上房影多d相留念嫁!!

搞掂就落去lobby check out啦......

呢個價錢已經包左10000円流冰漫步~

未來幾日天氣幾好喎，希望一路keep住係咁啦~~

等shuttle bus之際，周圍影下相先.....

酒店大門外嘅足湯

上車lu~

呢架shuttle bus係來往酒店同釧路，不過今日我地未去釧路住，今日嘅目的地係屈斜路湖，我地會響中途站摩周站落車......

酒店旁邊原來有間便利店.....唉，我地竟然無去甩腳毛，可想而知我地響知床酒店呢段行程係幾趕~

Bye-bye啦，美麗嘅知床海岸!!

呢舊石好似一條鯉魚~

座山好似一隻tortoise呀~

我好似發左癲咁不斷影車窗外沿路嘅景色.....實在好唔捨得走!!

終於俾老爺鬧，話我相機d按快門聲好嘈.....佢真係好煩，咁都要囉嗦我，影多幾張相啫!! 我當然無視佢

流冰!!

大約10:30去到川湯溫泉站，有個小小嘅break，大家都落車放水同影相.....

呢個JR站比較細，同埋都幾殘舊下囉~

原本我地都諗住stay一晚響川湯溫泉，因為想睇周邊嘅景點同夜晚嘅diamond dust，不過搵唔到有川湯溫泉市內嘅city bus，川湯溫泉d酒店provide嘅taxi sightseeing tour又好貴，所以最終book左屈斜路湖附近嘅Pension Atreyu，因為佢地介紹嘅taxi sightseeing tour平好多~

響川湯溫泉站停左一陣就繼續上路.....

好快就到達我地嘅目的地摩周站，唔駛十一點，比酒店個schedule 11:10早左成15分鐘.....

下午嘅行程係弟子屈周邊一帶嘅觀光點，今晚入住嘅Pension Atreyu幫我地預約左架taxi 12:00響摩周站等，我地有成一個鐘嘅時間響度hea....

But有人響呢度已經講左15分鐘公事電話!! 悶到我抽筋!! 呢個trip佢周不時成日講電話，究竟佢d同事知唔知佢放緊假嫁，成日打黎阻住晒，討厭到極點，講起都真係火都黎!!

無聊地影下個摩周車站先.....

搵個人影睇下都無...

仲有成粒鐘先夠鐘，呢個時間當然食個lunch先啦，Pension Atreyu suggest我地去摩周站旁邊嘅食店ぽつぽ亭.....

呢間店係食豚丼

店入面無咩顧客，只有兩個香港人....我地最初以為佢地今晚又係住Pension Atreyu，原來唔係....因為我地做booking時，Pension個老閣娘話同一晚佢地另外有兩個香港客，又係下午打算book taxi sight-seeing tour，問我地介唔介意同佢地一齊一架taxi (我地當然答話介意啦，三唔識九，個sight-seeing費用又唔係平俾我地，咁做咩事要同多兩個陌生人一齊迫喎)~

食店入面有好多相，同埋好多黎光顧過嘅明星簽名...

好大隻龍貓~

店內一路播放住音樂，好舒服relax嘅感覺~~

我嘅摩周豚丼，好似帶廣嗰d豚丼咁...d醬汁好濃味，yummy!!

老爺嘅豚肉生薑燒定食，十足十香港食嗰d.....

食飽差不多夠鐘，埋單去埋toilet就諗住出去等，一出到去食店門口就見到有架taxi停泊左響度，車長見到我地就主動同我地打招呼同幫我地攞行李~

另一個期待之旅又即將開始嘞....摩周湖，我地黎啦!!