DAY 3
PART 2 (深山峠．Woody Life)
巡視完個豪宅，八點鐘就去食早餐喇~~
既然係民宿，自然唔會係一般大酒店嘅服務啦，好似自己出去斟茶、裝飯，同埋食完唔該幫手執枱咁，幾有溫馨小家庭feel~~
早餐雖然未至於好似響旅館或大酒店供應咁豐富，但份量絕對係足夠有餘，而且味道唔錯嫁~~
呢個好好味!!
蜜瓜好甜呀~~
老闆好好客，成日走過黎同D客人傾計，當然唔小得又攞住楊千華同古天樂嘅簽名俾大家欣賞啦.....
有本紀念冊，大家可以寫低對民宿嘅感受~
呢間屋仔除左係用餐嘅地方，平時仲可以響度睇下書、聽下音樂.....
周圍密密麻麻擺滿晒野.....
有古老油燈~
自家製貝殼擺設
呢一個角落有好多植物，個感覺好似電影禮儀師之奏鳴曲入面老師傅間屋咁.....
食完早餐，老闆就帶我地幾個住客去參觀兩間展覽館，第一間係攝影館.....一入門口就見到好大一塊織布由屋頂排落黎，老闆話係老闆娘親手做嫁!!
旁邊有一隻好大嘅孔雀標本.......呢隻野企左響屋頂上面，雖然明知係標本，但都真係有D得人驚囉
呢間展覽館樓底好高，屋頂呈三角形，最頂係透明玻璃~
成個館入面D相都係老闆自己本人嘅作品，D相好靚嫁，好厲害!! D質數真係唔差得過專業攝影師......
仲有好多動物標本~
呢張用原木做嘅枱亦係老闆嘅手工!!
之後我地又去參觀第二個展館，貝殼館......
樓高兩層，入面D貝殼製成品多到嚇死你!!!
好可愛嘅小擺設
全部都係老闆私人嘅同佢自己手做嘅作品~~
我地個個都一路睇一路忍唔住不斷發出驚歎嘅聲音
有老闆一家以前嘅相片.....
報紙都有刊登呢間私人展覽館~~
可愛嘅小豬
呢條咸魚標本好恐怖
呢位就係老闆濱本先生喇.......
我諗濱本先生對於佢嘅收藏真係好自豪，佢除左好樂意咁帶我地參觀佢嘅珍藏，我地見佢D珍藏同作品都咁豐富同專業，個個小不免都走去讚下佢勁料啦
而我地除左可以意外地免費參觀左兩個展覽館外
唔覺唔覺睇晒兩個展覽館已經係九黠半，比我地預算嘅時間遲左好多，不過自駕嘅好處就係時間彈性，唔駛就住D火車巴士時刻，鍾意幾時走都得.....平時去親旅行我地都總係攪到趕頭趕命咁，難得今次可以好悠閒咁hea住同其他人傾下計周圍逛下
離開Woody Life，我地正式開始第三日嘅行程，繼續我地嘅親親大自然之旅.......
下一篇︰繼續追花......
