2月19日 星期四 (銀山溫泉 > 最上川 > 天童 > 葉山溫泉)
浸完溫泉就響房攤抖一下.....平時去親旅行我地都總係要趕頭趕命,好難得可以好似今次咁D時間咁鬆動.....
雖然唔係響自己房食,但係用餐嘅地方都係自己一間獨立房間嫁,室內設計好簡約好優雅~
女侍擺好晒D野食後就離開,有野搵佢就按呼喚鐘叫佢~
呢間旅館好多靚靚嘅盆栽擺設~
好細心預備定毛氈以防住客會覺涼,一條紅一條綠,圖案又係旅館嘅兔仔logo~
筷子座都係兔仔~
晚餐menu
餐前酒,係我地最鍾意嘅梅酒~
胡麻豆腐、潰物、前菜拼盤
刺身盛合
當中最特別係山形牛刺身,真係入口即溶,o-i-shii~~
除左刺身,仲有超讚嘅米沢牛!!!
用黎做ShabuShabu,香濃嘅肉味,真係好好味....諗起都流口水~~
唔記得係咩...應該係類似D海鮮羹咁上下~
又係山形牛,yummy!!
精緻嘅飯同湯餐
甜品....好好味~~
飯後歎杯茶......套茶具好靚呀~
呢餐又係食到好飽,之後個女侍又攞左個籃入黎,話係俾我地今晚宵夜~
食飽離開時先發覺原來房門口又有D小盆栽擺設....
原來有我地間房號同我個名嫁~
走廊地下有好多呢D好靚好型嘅燈~
食到飽一飽,我地就響旅館周圍逛下散下步,到處都有好多俾住客休憩嘅地方~
旅館大堂
接待處,第二朝結帳嘅地方
成間旅館都有好多盆栽同靚靚嘅擺設~
好多日本酒,請隨便攞啦.....
大浴場外有麥茶供應
浸完浴可以坐響度hea下~
呢間房係俾人消閒relax嫁.....
仲有免費咖啡供應
咖啡係自助形式,任飲
有電視同古老唱機
仲可以上網
我地當然唔放過,梗係整返杯咖啡歎下先啦~~
D杯碟都好靚~
好舒服嘅梳化....飯後坐響度歎住咖啡睇電視真係好舒服~~
仲有DVD可以借....長夜漫漫,我地都揀左套電影等夜晚消磨.....
係以前睇左N次嘅You've got mail~
飲完咖啡就返入房,休息一陣之後就梗係浸下個私家藏王石風呂啦....雖然話而家已經開始習慣響大浴池同陌生人一齊浸浴,但係點都唔及響私家風呂浸咁自在,最主要係可以同自己鍾意嘅人一路浸一路傾下計嘛......一邊浸住熱辣辣嘅溫泉水,一邊望住個雪景,仲有點點嘅飄雪洒響面上,身邊有自己在乎嘅人......個感覺真係正正正呀~~~
浸完浴一邊睇電影一邊食宵夜,都OK幾好食嫁~~
咁高興,我地開左之前買嘅梅酒....
當然唔小得開埋旅館送嘅紅酒啦~
最後飲到暈陀陀....
臨瞓前再去浸多次溫泉,咁貴梗係唔好蝕底浸到夠本啦......而呢一日嘅行程就響好滿足嘅心情同醉醺醺嘅狀態下完結啦~~~
沒有留言:
發佈留言