2010年2月日本中部北陸9日 - 向五箇山進發

2月20日 (DAY 2 - PART 2)

 

 

上一回講到晨早流流陪個茂利響金沢睇左個超貴嘅醫生，肉都赤晒.......響藥房配埋藥，之後就行返去car park攞車，正式開始自駕遊喇.........

呢架就係今個trip陪我地走遍中部北陸一帶嘅烈火戰車喇~~

 

呢個時候係十一點半.......原本我地個schedule今朝係去五箇山睇合掌屋，預算下午兩點半先到白川鄉，由於要睇醫生所以就諗住skip左唔去五箇山........根據MapFan Web顯示，由金沢去白川鄉大約一個鐘，而家先十一點半，咁早走去白川鄉又似乎早左D，橫掂去白川鄉條路係會經過五箇山，所以我地就決定順路去埋，至多只揀一個景點係咁意到此一遊囉........

Set好個GPS，去到五箇山預計係12:20，唔駛一粒鐘........

今朝響car park泊車泊左兩粒鐘，要幾銀呢?

答案係 600円 ......

 

出發啦!!

好快就上IC喇........

我好鍾意行IC，因為IC沿途久不久會有D PA或SA俾人休息同方便下，最重要係有D仲有得shopping，長長嘅車程都可以止下我D shopping癮.......GPS會有show將近到嘅PA同SA嫁...........

好多時我地都會停低hea一下嫁.......今次嘅第一站係叫不動寺~~

拿拿聲停低，老爺去方便，我就梗係去巡個圈睇下有無得shop先!!

入面唔係好大，不過都有得shop下.......

最後買左D野飲，繼續上路~~

點解個天仲係烏雲密佈嫁......雪呀，唔該快D出現啦......

老爺今次好穩陣，車速基本上都係維持響120~~

Yeah!! 行左無耐開始見到藍天白雲喇~~

路邊仲開始見到有落過雪嘅痕跡呀!!

進入東海北陸車道喇~~

天氣愈來愈好

.........

車行左一粒鐘，就快到五箇山啦!! (張相響tunnel入面影，黑媽媽嘅環境就會將我隻手成日抽筋嘅狀況表露無遺，大家唔好見怪~)

離開IC嘞.......

雪山呀~~

終於行完晒成條北陸自動車道.......

睇下收費幾多先........

1450円!!

 

離開IC，好快就見到啦!!! 期待已久嘅合掌屋呀)))))

參觀合掌屋絕對係今次旅程嘅重點.........咁其實咩叫合掌屋呢? 呢種屋嘅屋頂呈陡峭嘅A字形，好似兩隻手合什咁，傾斜度響40至60度之間，作用就係用黎滑走堆積響屋頂嘅雪，免得壓垮個屋頂........呢種構造咁特別嘅木屋唔係度度都有嫁，響日本只係位於中部嘅五箇山同白川鄉先有咋~~

咁難得一場黎到中部，當然想去睇晒兩處嘅合掌屋啦........五箇山係位於富山縣南砺市，而白川鄉就響岐阜縣，雖然係兩個唔同嘅縣，但車程其實好近........1995年，五箇山平村相倉、上平村菅沼嘅部落，以及白川鄉嘅合掌屋部落，共同被聯合國選為世界文化遺產，究竟兩個縣嘅合掌屋會有咩分別呢，當然想親身去比較下........時間關係，我地今次響五箇山只係夠時間去一個部落，我地就揀左比較順路嘅菅沼集落.......

沿路已經好多合掌屋呀!!

但係攪咩呢? 點解架車行行下好似唔知行左去邊咁嘅，個GPS明明話已經到左個目的地喎，但都唔見有指示係菅沼合掌造集落嘅car park嘅??........條車路愈行愈窄，仲係好似俾人行咁，係咪行錯路呢........

 

於是我地駛番出去，見有處空地有架車泊左響度，雖然唔知係咪car park，不過都唔理咁多泊住先啦......

泊低架車周圍望下，都唔見有野寫住係菅沼集落，又無car park標誌，明明記得PACE嗰本旅遊書話集落入口有大型car park，仲要搭升降機再穿過隧道先行到去........無計啦，四周靜悄悄，又無人可以問，唯有試下跟住條小路行睇下咩環境先啦.........

 

究竟我地有無去錯地方?

我地最後又搵唔搵到菅沼合掌集落呢?

........待續