Mega Box最近開左北海道十勝豚丼，年頭我地先響北海道食過，聽見個名已經好有親切感，之前都知道尖沙咀有間不過一直未去過，難得Mega Box新開我地當然走去試試~
豚出沒注意，好得意~~
特價$18兩杯梳打，咁就橙汁同檸檬汁各要一杯啦~
北海道炒硯，OK，無咩沙，d硯肉都幾大~
主打當然要十勝烤薄豬扒飯.....可以單點或叫套餐有埋個凍豆腐同湯
老爺同樣，不過要大盛.....落左order先醒起點解唔只係叫一個set，另一個要單點就算，慳返d嘛
其實以咁經濟嘅價錢，我覺得都唔錯幾好味，d豬肉燒得幾香.....不過同北海道嗰d比較真係爭d.....
響北海道我地食過幾次.....下面呢個係09年響帶廣嘅はげ天 (Hehe，個遊記一直未有機會寫到
呢個係今年二月響帶廣嘅元祖豚丼.....
北海道嗰d真係好好味，d豚肉咬落去好鬆軟
即係幾多錢呀?
回覆刪除[版主回覆09/03/2011 12:04:00]其實我唔係好留意個價錢 ，好似單點係三四十咁上下啦，大盛同set就貴小小囉~
唔錯woo~~搵日都要去試下先~~
回覆刪除[版主回覆09/05/2011 16:24:00]係呀，ok嫁，最緊要唔算貴嘛~
日本有多間分店既「一風堂」拉麵店最近都 o係尖沙咀開左分店，但我一直都未的起心肝去試下，睇下同 o係日本食既分別大唔大
回覆刪除[版主回覆09/05/2011 16:26:00]我反而無響日本食過一風堂，下個月去九州睇下有無時間試下先~
咁妳應該在香港試左先，再去九州試，當我偏見，我相信在日本會好味 o的
回覆刪除係呢，幾號出發呀 ? 唔知會唔會在機場遇見呢 !
[版主回覆09/05/2011 22:48:00]30號上午機，你今次去立山黑部喎，我其實都有考慮過，不過改左N次最後都改去九州，因為貪佢有直航機，去得幾日唔想轉來轉去....你幾號走呀? 好似有幾位認識嘅blog友九月尾十月都會去日本，不過無一個同我同一時間出發，想響機場撞下都唔得~
我 7/10 出發，早機去但要經台北轉機，冇機會撞到喇
回覆刪除好多 blog 友都 o係 9月10月11月出發，大家又忍唔住返日本喇，真開心 ! 去多 o的支持支持一下嘛 ! 遲 o的又有好多遊記睇喇，yeah ~
[版主回覆09/07/2011 23:00:00]你未出發我都已經返左黎，我今次去五日...你就好啦，去咁多日，其實我地今次係因為有免費機票先會去，一早已經hold左，今次去完唔知幾時先會再去lu~
我有成一年半冇去喇 就係有之前的忍耐 (儲假儲錢)，先有今次既 10 日呀，有血有汗架 !
回覆刪除[版主回覆09/07/2011 23:39:00]單係見你個行程改完又改就知有血有汗啦，咁你今次一定要搏命shop shop shop啦，話之佢d円升到10.5，我已經決定唔shop到盡誓不回港呀