2月24日 - DAY 6 (PART 7)
三余庵
響大浴場浸完個美人湯，返房hea左一陣，差不多六點就去食晚餐嘞......食事處叫「春秋」~
三余庵
響大浴場浸完個美人湯，返房hea左一陣，差不多六點就去食晚餐嘞......食事處叫「春秋」~
以往我地住過幾間比較貴嘅溫泉旅館，基本上用餐嘅地方都有獨立個室，但呢度就無囉，只係枱同枱之間有塊布簾摭擋，其實無咩意思
，完全睇到人地嘅食相聽到人地嘅講野聲，無乜privacy，比較遜色囉......我知道佢都好似有個室，不過唔知係咪只招待多d人嘅family or VIP 啦~
旁邊係open kitchen~
我成日見d blog友都係咁影呢個shot，好鬼型，等我都影下先
......
食物唔係預先set好放晒響枱面，而係一道一道菜咁上
.....一開始佢地就問定會唔會去睇十勝祭典，如果去就會因返個時間上菜，同埋幫我地reserve埋個shuttle bus去會場~
個醬油樽好可愛~
.....一開始佢地就問定會唔會去睇十勝祭典，如果去就會因返個時間上菜，同埋幫我地reserve埋個shuttle bus去會場~個醬油樽好可愛~
餐前酒 (我隻手又抽筋
)
不過按慣例我地都會另order個sake或者beer......
今次要左樽十勝啤酒，cheers
~
叫beer真係啱，因為呢度d暖氣好鬼勁，再加上我地浸完溫泉，真係好鬼熱呀!!
個Menu 好靚，有寫我地兩個嘅姓嫁~
至好係有日文同英文呀! 一路食一路睇住係d乜
Menu仲印埋當日食材嘅出產地......三余庵最出名嘅其中一樣野係佢地嘅食材全部都係天然，多數都係附近農家有機栽培或者手工製作嘅元氣食品，所以我地對呢一餐夕食都滿懷期待
~ 
首先上嘅係百合根豆腐，中間有幾粒魚子....豆腐個口感幾特別~
呢一個前菜好精緻，望住佢幾乎唔捨得食
......每一款都好好味!!
其中有個鴨肉係註明以65度蒸一粒鐘，好花時間，我估....(我都唔煮飯，如果你叫我花一個鐘只係去整呢一小片肉，當然覺得好花時間啦
)
呢個壽司叫snow crab，唔知係咪即係雪場蟹? 左邊係鯖魚壽司，好味，不過可唔可以多兩舊呢?
Soup，好多料，有我鍾意食嘅三文魚子，but又有白色一舊舊嗰d，睇見有d打冷震
......不過老爺話其實幾好食~
好型嘅食具，不過over左，唉，我d影相技術，唔係手震就over晒，慘不忍睹
......
Sashimi.....真係忍唔住wow!! 好鮮甜呀，oishidesu.....(響呢度要離一離題，我真係好想同公司嗰兩件成日去米芝蓮自以為識飲識食嘅賤人PK講，sorry，呢個世界唔係只有米芝蓮嘅食店先食到好野
，乜野叫新鮮好味嘅刺身，你黎過呢度食完先再同人吹啦唔該!!)
.....(響呢度要離一離題，我真係好想同公司嗰兩件成日去米芝蓮自以為識飲識食嘅賤人PK講，sorry，呢個世界唔係只有米芝蓮嘅食店先食到好野，乜野叫新鮮好味嘅刺身，你黎過呢度食完先再同人吹啦唔該!!)下面呢一碗野，個menu無論日文同英文都係無show出黎嘅，大概就係我地個package所指嘅 "旬の食材１品付プラン"，不過我地真係唔知係乜東東
.....呢幾片魚睇落似三文魚，但係就凍冰冰仲好鬼硬，打得死人咁滯，咬極都咬唔開
，於是我地就問下個女職員呢一道菜究竟係乜同點樣食? 
Serve我地嗰位，又係嘞，旅館搵左一個非常非常green嘅女仔serve我地
，佢唔曉英文，連單字都講唔到幾個，我地問佢野，佢聽唔明，咁我地就用手勢表示想知嗰幾片野係點食，佢就即時用佢嗰個無線通訊器去問人，我地問一句佢就跟手又問一句
，講真當時嘅感覺幾差，覺得唔係咁受尊重
，點解由一開始到而家serve我地嗰d人全部都咁無經驗嫁?? 好似個個都係實習生咁!!
.....算，本來你問完人答得返我問嘅野我都算數，但搞左好耐佢都係答唔到我地想知嘅野，最後我地放棄，唯有硬啃左嗰幾片凍冰冰嘅魚
.....老實講，當時係有小小不滿，本來成個好美好嘅dinner就係咁打左折扣
.....事後諗返我就問自己，究竟係咪我過份挑剔呢? 係咪因為呢間係三余庵我對佢嘅要求就特別過份高?
如果係第二間酒店，遇到咁情況我九成會一笑置之唔會咁計較......我唔排除我地係對三余庵有較高嘅期望，所以當有小小唔妥我就會有失望嘅感覺
......但個問題係，我地而家講緊嘅唔係一間二、三星嘅酒店，而係一間響北海道眾多旅館中，回客度最高又得過服務最優秀旅館獎兼收費好昂貴下嘅高級溫泉旅館喎(!)
......我不滿嘅係，第一，你指派一個職員響食事處專serve我地，係咪都應該對我地嘅menu有返小小瞭解先呢? 我想知嘅野其實好簡單，點解一d咁基本嘅問題你都答唔到? 由一開始呢間旅館就搵d好green嘅職員serve我地，係咪因為我地個package係最平所以我得到嘅service就相對無咁好?? Sorry，我其實唔想咁諗人地，但佢地provide嘅service唔到我唔會有咁嘅懷疑囉.....第二，我唔識日文，係咪就唔能夠要求對方唔可以唔識英文?
如果你間酒店d職員全部唔曉英文，你可以唔接待外國遊客，但我響做reservation時清楚講明我地唔識日文，我而家唔係要求你要搵個識廣東話或普通話嘅人黎serve我地，我只係好基本地expect你會搵一個at least識小小國際語言同有返小小經驗嘅人黎接待我啫
，仲有我只不過係想知要放入口嗰d係乜同點解硬倔倔咬唔開咋喎! 好過份咩??
我思前想後，反覆思量，就算再俾人鬧我港嬸都係咁話，我始終都係真心覺得我嘅要求唔算好過份囉~話說當時係有小小唔係咁高興，不過我地好快就抹左佢，無謂搞壞自己個心情啦
，同埋最重要係跟手個main dish真係好正呀!.....係十勝產炭火燒黑毛和牛，真係好好味!!
而且有成五片，相比前一晚響鄙之座得兩片，呢個真係正好多，和牛軟熟，牛味濃郁，趁埋個sauce，yummy yummy! 好回味好想好想再食呀!!
，同埋最重要係跟手個main dish真係好正呀!.....係十勝產炭火燒黑毛和牛，真係好好味!! 而且有成五片，相比前一晚響鄙之座得兩片，呢個真係正好多，和牛軟熟，牛味濃郁，趁埋個sauce，yummy yummy! 好回味好想好想再食呀!!食完個和牛好滿足，然後就上呢個外形會令人誤會係蒸蛋嘅sorbet.......
之前睇blog友 d post已經知道呢個中途上嘅sorbet唔係dessert黎嫁，只係俾你清下個味蕾，幾有心思
~
呢套碗好靚......
係chicken & mushroom in soup，有杞子添，真係要俾個like佢!!
櫻海老御飯同red soup (又係soup? 咁多soup嘅??
)
)
絕無歎場，d 蜆肉好大隻嫁!
個飯同樣整得唔錯幾好食!
最後係dessert......
係無花果蜜餞......
同埋ice cream，yummy!!
食到飽一飽，上埋杯溫熱嘅綠茶消下滯，個胃好舒服呀
~
呢一餐dinner，唔計中間遇到有小小嘅唔高興，整體黎講食物嘅質數真係幾高
，我地食得好滿足，完全體現出旅館所標榜嘅「五感」當中嘅味覺享受，ichiban呀!!
食完已經過左七點半，離開時發覺原來之前接待我地嗰位男職員一直企響門口等我地
，原來佢係要提我地夠鐘去參加祭典，不過我地未食完佢唔好意思打擾我地，只能夠好心急咁企響門口等
.....嘻嘻，呢度真係幫呢間旅館挽回唔少分數呀!
我地離開食事處，時間已經好急趕下，但因為我地著住浴衣，仲要上房換衫，好驚趕唔切
，呢個時候，有個女職員走埋黎同我地講 "大丈夫"，佢會通知叫個shuttle bus一定等埋我地，請我地放心上房換衫
~上房拿拿聲換衫著定保暖衣物，然後就出發去睇十勝七彩燈祭彩凜詩啦~~
(...待續)
我無食過嗰兩件壽司, snow crab = ズワイ = 楚蟹 = 香港人叫的長腳蟹, 上面的係 かに味噌。
回覆刪除旬の食材１品付プラン 我睇唔清楚, 不過好大機會係 鮭児のルイベ
你有冇張清楚啲的相？
[版主回覆04/22/2012 00:01:30]嘻嘻，真係食左好野都唔知呀
[jokelib回覆04/21/2012 18:51:30]執到啦, 幾片鮭児你知唔知幾貴!
[版主回覆04/20/2012 23:28:50]J大哥，你果然係食家! 俾你講中左呀! 有blog友好有心send email去問三余庵問，佢地回覆嗰兜野真係「鮭児のルイベ」，係故意唔解凍就食，等你感受種同一般剌身唔一樣食感....真係唔該晒大家，令我地又見識多樣野~
[jokelib回覆04/19/2012 23:15:08]簡單講, 以我自己經驗, 要等佢溶化先係最好食.
[版主回覆04/19/2012 17:30:38]J大哥! 你即係玩我啫，明知我唔曉日文...google 翻譯係咁︰
儿童Ruibe鲑鱼，当它是融化季节。
客户总是得到等待，直到那个时候
我会吃的最美味的状态。
[jokelib回覆04/19/2012 17:18:14]ルイベにした鮭児は、融けかかった時が食べごろです。
お客様には、いつもその時までお待ちいただいて
一番美味しい状態で召し上がっていただきます。
[版主回覆04/19/2012 16:49:36]Niseko2000, 雖然我有得食，但嗰幾片野又凍又硬，打得死人咁滯，我真係唔覺得好食囉~
[版主回覆04/19/2012 16:47:04]咁如果真係鮭児のルイベ，其實即係要點食呀? 佢嗰兜野入面除左有幾片魚，仲有wasabi同幾片類似沙律菜嘅野，嗰幾片魚係完全未解凍咁款嫁!
[jokelib回覆04/19/2012 09:45:06]我夠知道係好野, 不過有特別食法的, 哈哈哈~
如果唔係只會感覺係未解凍的魚生
[Niseko2000回覆04/19/2012 09:37:23]J少, 上網search, 鮭児のルイベ原來係貴野黎架
piggybread, 你就好可以試到......
[jokelib回覆04/18/2012 23:00:11]如果係 鮭児のルイベ, 你就執到寶....
[版主回覆04/18/2012 16:30:21]無啦，係影左一張相咋~
ＢＴＷ，你聽日同你"公司嗰兩件成日去米芝蓮自以為識飲識食嘅賤人PK"講, 依度啱啱都新鮮熱辣有一星
回覆刪除[版主回覆04/18/2012 16:35:02]嗰兩件蛋散都唔識三余庵啦，相信連十膀響邊都唔知，佢地去日本只係識去東京食米芝蓮同stay響酒店spa，頂多去埋過札幌，攞正井底之蛙牌嫁!
我地好好彩, 有2大2細, 所以比咗個最大的個室, 我見有d人都唔係坐個室喎....三余依加變咗一星喇
回覆刪除[jokelib回覆04/18/2012 22:58:42]我次次去都係坐出面咋..... 只有一次坐入面.
[版主回覆04/18/2012 16:40:56]基本上大部份人都係坐外面，我嘅意思唔係話有人有個室坐點解我無，我嘅意思係覺得佢地個設計唔係做到所有客都有個室~
妳果兩張相應該唔係手震,似係個對焦點去咗後面,即是對錯焦啫,唔係妳問題~
回覆刪除題外話,我係"最近更新"見到早一篇blog係羅浮宮,但入嚟就無呢篇blog,奇怪......
[版主回覆04/19/2012 16:10:37]咁係因為我即時發覺到就即刻改返，如果無留意就真係post左出去，咁你地見到只係得相或者只係寫左幾句，咁好老土嘛...呢度叫做upgrade完但我都唔覺得有d咩改善，仲要d留言唔係個個都show響 "最近的回應" 嗰度，成日要走去每個post search返先知，好煩囉!
[Manatree回覆04/18/2012 22:47:36]其實又唔係post咗出嚟,只係見到有呢個post,妳未真正出post我入到嚟都唔會睇到,不過比人早d知妳下篇blog係咩啫~
[版主回覆04/18/2012 16:59:00]唉，我真係俾yahoo blog玩殘，我其實只係開左個新post同upload d 相上去，都未開始寫，佢無啦啦就幫我post出去，已經好多次都係咁，想死!!
我見到果碗入面好似有啲wasabi, 咁你最後係點食? 其實間酒店收得咁貴, 除了食物質素, 服務都好緊要, 我比較中意溫泉旅館啲嬸嬸果種親切感.
回覆刪除[版主回覆04/18/2012 17:03:58]最後咪好似食魚生咁硬食囉，點埋醬油同wasabi添....雪到凍冰冰，都唔知應該點食....係呀，其實我都係鍾意嗰種親切感，唔係一定要貴價酒店先有嫁~
重有, 唔記得講, 你件浴衣好靚
回覆刪除[版主回覆04/18/2012 17:04:43]我都有同感呀
呢餐真係值回票價呀!(除左個女仔之外)
回覆刪除不論係味覺,連視覺(擺碟)都十分精緻~~
[版主回覆04/24/2012 16:47:40]係呀，我覺得三余庵最難忘嘅就係呢個夕食，色香味俱全呀~
最初我都想係今次旅程加插呢間野，但一來太貴又唔覺太值，因呢個價錢都可以住兩晚不差的溫泉酒店，加上睇埋呢篇更打消念頭，老實講比得噤0既價錢最緊要就係服務，我上次住間老牌溫泉酒店都有個識普通話的女將黎ser我地，當堂令我爸同媽有歸屬感。何況係英文？即使唔識都會用日文熱切講解，噤高級會係噤真係接受唔到。
回覆刪除[版主回覆08/20/2012 16:51:41]係呀，其實係個service令我地有d失望，因為硬件方面一早已經從網上知道係點樣，所以會期望佢地個service provide得好d，佢地嘅食物質數一流，但service唔夠warm，總括一句，唔夠賓至如歸囉~