11 FEVRIER 2012 (DAY 1 - PART 7)
離開羅浮宮,我地沿返今朝過來時嘅路行返去 Paris Tourisme......
唔駛十分鐘就行到去~
入到去想話搵返今朝serve 我地嗰位女士,點知唔響度,有個好潮嘅男士問有咩可以幫到我地,唯有將個case 由頭同佢講一次,正當佢聽到一頭霧水之際,serve 開我地嗰位女士走返入嚟,我地之前仲有d 擔心佢會唔會唔認得我地,好在佢一見我地就同我地打招呼,又問我地羅浮宮之旅點樣,最搞野係佢一坐低就同我地講佢剛剛去左抽煙,仲話坐左響度成日唔出去抽根煙會死,真係好搞笑,如果香港d 服務從業員係咁款service,香港人又會嘈......
言歸正轉,佢check 左check 就話Hotel California 一路都無回覆,於是佢就即刻打電話過去問,同對方嘰哩咕嚕 'up' 左一大堆,放低電話佢同我地講酒店終於搵返我地張 Pass! 我地心入面真係媽媽聲,今朝check 過九千幾次都話無,嘥晒我地d 時間! 之後我地當然請佢幫我地refund 今朝同佢買嗰兩張羅浮宮ticket啦.....搞掂晒佢又問我地有無去免費攞macaroon,並再三提醒我地記得去攞唔好嘥,我地覺得佢真係好nice同helpful囉~~
同佢bye bye之後,我地就去搭metro 返酒店,因為下一個景點係去凱旋門,張Museum Pass 係包埋入場費,所以一定要返去酒店攞返張pass 先......我地搭返M7粉紅色線由Pyramides 去Palais Royal Musee du Louvre,再轉M1黃色線去 George V,出左閘上返地面,行返去酒店途中忽然見到有間Marks & Spencer,門口細細,但望入去就人頭湧湧,原來呢個門口係直接通去食品部,我地當堂精神一振,因為響酒店附近或者Metro 都唔覺有便利店,真係好唔慣,平時去開日本總有一兩間Lawson、Family Mart 響酒店附近嘛,無諗過巴黎乜都無囉 (其實唔係無,之後先知原來Metro d 便利店weekend 係close 嫁),忽然見到有間food shop,當然拿拿聲衝入去入返d 貨先啦......
入面好多人呀,個個好似唔駛錢咁掃貨,d 野食好多香港都無嫁,我地揀左d 野飲同snack,係咁意就已經要15e,唉!
離開羅浮宮,我地沿返今朝過來時嘅路行返去 Paris Tourisme......
唔駛十分鐘就行到去~
入到去想話搵返今朝serve 我地嗰位女士,點知唔響度,有個好潮嘅男士問有咩可以幫到我地,唯有將個case 由頭同佢講一次,正當佢聽到一頭霧水之際,serve 開我地嗰位女士走返入嚟,我地之前仲有d 擔心佢會唔會唔認得我地,好在佢一見我地就同我地打招呼,又問我地羅浮宮之旅點樣,最搞野係佢一坐低就同我地講佢剛剛去左抽煙,仲話坐左響度成日唔出去抽根煙會死,真係好搞笑,如果香港d 服務從業員係咁款service,香港人又會嘈......
言歸正轉,佢check 左check 就話Hotel California 一路都無回覆,於是佢就即刻打電話過去問,同對方嘰哩咕嚕 'up' 左一大堆,放低電話佢同我地講酒店終於搵返我地張 Pass! 我地心入面真係媽媽聲,今朝check 過九千幾次都話無,嘥晒我地d 時間! 之後我地當然請佢幫我地refund 今朝同佢買嗰兩張羅浮宮ticket啦.....搞掂晒佢又問我地有無去免費攞macaroon,並再三提醒我地記得去攞唔好嘥,我地覺得佢真係好nice同helpful囉~~
同佢bye bye之後,我地就去搭metro 返酒店,因為下一個景點係去凱旋門,張Museum Pass 係包埋入場費,所以一定要返去酒店攞返張pass 先......我地搭返M7粉紅色線由Pyramides 去Palais Royal Musee du Louvre,再轉M1黃色線去 George V,出左閘上返地面,行返去酒店途中忽然見到有間Marks & Spencer,門口細細,但望入去就人頭湧湧,原來呢個門口係直接通去食品部,我地當堂精神一振,因為響酒店附近或者Metro 都唔覺有便利店,真係好唔慣,平時去開日本總有一兩間Lawson、Family Mart 響酒店附近嘛,無諗過巴黎乜都無囉 (其實唔係無,之後先知原來Metro d 便利店weekend 係close 嫁),忽然見到有間food shop,當然拿拿聲衝入去入返d 貨先啦......
入面好多人呀,個個好似唔駛錢咁掃貨,d 野食好多香港都無嫁,我地揀左d 野飲同snack,係咁意就已經要15e,唉!
之後就返酒店,返到去第一時間當然係問counter 攞返個Pass 先啦,今朝嗰兩個職員唔響度,有另一個黑鬼,佢幫我地搵左一陣就搵到,佢真係一個黑鬼,因為佢真係黑口黑面,個樣好cool 囉,仲要一句sorry 都無,明明係你地酒店今朝搞錯,嘥左我地好多時間,但竟然一句唔好意思都無,我地個心真係好火,不過老爺話呢度咁多個receptionist,佢地根本都唔知我地個case,無啦啦又點會同我地say sorry,而且我地仲要響度stay 好多日,無謂響度嘈,算把啦~
OK,我忍,不過老實講,就算唔係個個receptionist 都知道咩事,咁搵返我地個Pass 嗰個職員都應該drop 返個note 等下一手知道係酒店搞錯左啦,如果響日本,我諗一定已經九十度鞠躬加N個sumimasen 囉......不過我要記住呢度唔係日本,唔好成日將響日本接受到嘅待遇投入日本以外嘅地方,我大人有大量,就唔同你計較! 不過對呢間酒店嘅印象已經打左折扣啦!
幾經波折,終於將個Pass 攞到手~
上返房放低d 戰利品去埋個toilet,我地就即刻出發去凱旋門,真係一刻鐘都無hea,因為我地打算上去凱旋門頂層嘅觀景台,希望趁天未黑可以一次過睇晒日景同夜景呀.......由酒店行去好近,大約十分鐘就到......凱旋門位處戴高樂廣場中央,四面都有欄杆圍住晒,要近距離欣賞就要由地下通道過,如果想上頂部嘅瞭望台就要響地下通道嘅售票處買飛,票價9.5e 一位......嘩! 排隊買入場門票條隊好長呀,好在我地有Museum Pass,唔駛再花時間排隊~
Museum Pass 有分2、4、6日之分,我地買左2 days,Pass 背面需要自行寫上第一次使用嘅日期,不過我地太hurry 唔記得左寫,去到入口處個女職員就幫我地填,點知佢寫左聽日先係第一日,唔知係咪佢覺得而家都已經成六點,如果寫今日係第一日會好唔抵呢? Wow,賺左呀! 不過可惜後日一大早我地就離開巴黎,張Pass 點寫都好我地都只係用埋聽日,無著數囉,不過感覺上賺左都好開心!!
要上瞭望台,需要行一條螺旋形樓梯,一共284級!!.....好辛苦呀!! 我行到喘晒氣,仲辛苦過上次響日本東北行嗰個山寺,因為呢條樓梯係螺旋形,不斷咁轉,轉到我頭都暈腳又軟,條樓梯又窄,基本上只有一個人嘅闊度,唔可以停低抖下,如果唔係後面d人就要跟我停......我愈行愈慢,後面條人龍愈來愈長,真係瘀到爆......行到咁上下,唔得啦,真係頂唔順要停一停,老爺就叫我盡量側身俾人行先......點解d人好似完全唔覺攰嫁? 我側身讓開條路,d人就飛快咁走左上去lu.......
幾經辛苦,終於爬到上去,幾乎想死呀!!! 點解唔整返部電梯呀?? 想攞人命咩!!......上到去有幾張長凳,好多人坐左響度半死狀態咁款,即刻二話不說坐埋去攡抖返陣,好辛苦呀!! 呢個時候老爺竟然同我講話未到頂嫁,仲要行......唔係掛,仲要行? 真係行唔到啦......老爺指指牆上面個location plan,紅色圈就係我地而家嘅位置......唉,唔理咁多,坐低抖返夠本先再行~
休息左一陣,回返條氣,就繼續上.....好彩唔駛再行螺旋,形樓梯,過左休息室就係一個好大嘅hall,有souvnier shop、資料館等等,不過呢d一陣先慢慢睇,我地首先要上左去瞭望台睇下巴黎嘅日景先......
再爬十多層樓梯終於都去到露天瞭望台,上面好空曠,成個巴黎市一覽無遺.......雖然有欄杆圍住四邊,但係疏隆無玻璃阻隔,絕對可以伸隻手出去影相~
一上到去第一眼當然係俾遠遠嘅巴黎鐵塔吸引住啦~
黃昏下嘅鐵塔好靚呀!
由瞭望台望出去可以望見以戴高樂廣場為軸心而延伸出去嘅十二條大道,真係好壯觀嫁!!
由瞭望台望出去可以望見以戴高樂廣場為軸心而延伸出去嘅十二條大道,真係好壯觀嫁!!
上面勁大風,真係吹到頭都甩,又凍,但幾冷天氣都好,都唔能夠阻擋遊人欣賞美景嘅興致.......
即使要爬二百幾級樓梯喘晒氣攰到抽筋,面對咁靚嘅景色仍然係值得嫁!
!
即使要爬二百幾級樓梯喘晒氣攰到抽筋,面對咁靚嘅景色仍然係值得嫁!
!
暮色愈來愈重......
黃昏景好美喔!!
遠處中心白色嗰座中間空心building 就係新凱旋門嘞,同我地身處嘅凱旋門、仲有今日之前見過嘅騎兵凱旋門係連成一線嫁~
著晒燈嘅香榭麗舍大道,遠遠有個巨型摩天輪嗰度就係協和廣場~
又再影返下巴黎鐵塔先......
因為一早已plan 左上凱旋門睇夜景,所以老爺帶定左腳架,正當佢搵左個有利位置set定架撐,即刻有個工作人員走出嚟話唔準用腳架......Why? Why?? Why??? 俾人影相又唔俾人用腳架,乜邏輯?? 可憐老爺將枝腳架揹足一日最終都無用武之地
好在老爺都有小小技術,d 相都算見得下人,如果靠我部傻瓜機加我對抽筋手就全軍覆歿lu~
發光嗰座唔知係咪聖心堂呢?
開始天黑啦.....真係愈夜愈美麗
響空曠嘅觀景台hea左差不多大半個鐘,d 風兜面刮過嚟,對手都僵硬晒,終於都等到天黑啦!!
夜色璀璨嘅香榭麗舍大道,真係車水馬龍~
忽然聽到好多歡呼聲,原來鐵塔閃燈呀!!
好開心呀,第一晚就見到鐵塔閃燈,真係好壯觀!!
閃燈大約維持五分鐘左右,夜晚七點後每逢整點都會有嫁~
無閃燈嘅鐵塔,一樣咁靚!!
大道盡頭一個大摩天輪,感覺真係好繁華......協和廣場呢個摩天輪好似係期間限定,平時好似係無嫁~
十二條大道最燈火燦爛最熱鬧一定係香榭麗舍大道~
響觀景台hea左差不多一個鐘,真係由日等到晚,成身都冰冷晒,兩兜友凍到好似兩條雪條,我震到牙關打晒顫,不過為左睇靚景影靚相再凍d 都值得嘅!
再望一眼巴黎鐵塔,bye for now la~~
離開瞭望台,我地落返去下一層嘅頂樓大廳........
有間 souvnier shop!! 不過忍忍先,參觀一下呢一層嘅展覽設施先.....
成個巴黎都充斥住唔同嘅雕像,今日已經睇左一日,我地開始見怪不怪.......
牆上面嘅係銅質棕櫚葉,據講係獻俾d 無名烈士~
有個 mini 凱旋門模型......
手工好細緻,好似真嘅一樣~
門墩上面嘅浮雕都做得栩栩如生
拱門內壁唔知係咪好似真實咁刻左軍人嘅名宇呢?
呢條通道其實係俾大家玩影玉照
大廳正中擺放左兩部裝置,唔好以為又係模型.......
其實係俾遊客詳細了解凱旋門上面嘅雕塑作品......
可隨意移動凱旋門按鈕,個凱旋門模型就會根據你移動嘅方向移動,牆上面嘅大型屏幕就會show左你指示嘅位置,有旁白講解~
玩左一陣,當然係時候去做正經事,shopping是也!!
成功買左d 小飾品,為今日嘅行程劃上完美嘅句號
係時候要離開lu......
又要行返284級樓梯落去地面,不過今次就 easy 快捷好多啦~
好快落到去地下,欣賞下d 浮雕同拱門頂嘅雕飾先,不過夜晚睇得好唔清楚......唔緊要啦,我地酒店咁近,遲幾日朝早再嚟過慢慢欣賞~
為左追悼響大戰中身亡嘅士兵,拱門正下方安葬左一位第一次世界大戰中犧牲嘅無名戰士,每晚地面墓碑嘅長明燈都會點起火光以作紀念~
不過逛左成日,我地已經攰到七彩,無名戰士響呢一刻暫時唔能夠感動我地,我地個心已經飛左去墓碑對出嘅香榭麗舍大道,嗰度有好多餐廳呼召緊我地,係時候去擦返餐舒舒服服啦~~
(...待續)
山寺過千級樓梯都難你到,估唔到呢 284 會咁攞命,我諗最主要原因都係螺旋形、兼困o係入面齋行冇景睇
回覆刪除[版主回覆07/31/2012 15:57:02]條樓梯好窄,唔可以停低抖下,一口氣咁行真係好辛苦,而且轉到頭都暈,山寺唔同,可以邊行邊停睇下風景,好d囉~
酒店咁bad service, 最後有冇投訴呀?.
回覆刪除你真係一見樓梯就叫救命
[版主回覆07/31/2012 16:03:17]Check out時唔記得左,係返香港後寫過email去投訴囉,不過無反應~
係貴嫁,不過而家上d咩電視塔都係咁上下,ICC都要一舊水啦,話晒係世界名勝,除非好趕時間啦,基本上去到我都會上囉,出名敗家嘛
閃閃下既巴黎鐵塔勁似聖誕樹囉~ 不過都真係幾靚既!!
回覆刪除[版主回覆07/31/2012 17:02:08]睇落又真係有d似喎
上行機梯, 落又要行? 我仲以為是你家老爺職業病發要影相塞住條樓梯
回覆刪除[版主回覆08/03/2012 16:25:16]如果只係佢職業病發作黐起條筋我就可以唔睬佢等佢自己行啦~
不過剛剛有blog友話我知原來部disable電梯係人人都可以坐,我真係想去撞牆!!