2月25日 - DAY 7 (PART 5)
然別湖
好想玩升空熱氣球呀,上次去富良野本來諗住玩,點知遇著落狗屎無得玩,希望今次玩得成啦......職員同我地填左申請書,不過講明未confirm,要睇聽朝嘅天氣情況,佢地七點前會打電話同我地confirm~
之後我地就上返房......外面又落起大雪.......
我地約左六點鐘dinner,響自己部屋食,仲有差不多成個鐘時間,當然係換返件浴衣去大浴場泡個熱湯先啦~
大浴場響二階......浴場旁邊仲有massage room,駐守嘅嬸嬸好好人,見老爺同我影相,主動幫我地影合照,真係唔該晒~
影完相就去浸浴啦.......男女有別,女士展望大浴場「彩雲」
(酒店網頁圖片)
男士展望露天風呂「天風」......男士嗰邊個view 開揚好多呢!! 日本人重男輕女嘅觀念仍然好重,真係唔要得!!
(酒店網頁圖片)
同老爺約定左個時間就分道揚鑣,各自去浸浴嘞.......女湯一個人都無,yeah!
浴場設施都好齊備......
連BB床都有......莫非俾媽咪放低個B 響度然後自己出去泡湯??
浴場入面好煙霧迷漫,d 水好熱呀.......不過一個人都無,舒舒服服沖個涼洗埋個頭先落水.......自己包場,正! 我又可以響個長形浴池游水,哈哈~~
除左大浴池,仲有按摩池,唔駛同人爭,good 呀.......泡完湯又有熱茶飲,好舒服呀~
同老爺會合之後就上返房,呢個時候只係五點十個字,約左六點鐘dinner,但去到房門口已經見到有個嬸嬸拎住大盤食物正在敲我地房門......咁早,好似好趕時間咁......入到房個嬸嬸好快手就將d 野食set 好晒,手勢非常純熟敏捷,三分鐘內已經搞掂晒出返去,我諗佢真係好趕時間~
呢個dinner都OK 啦,野食樣樣都有d,有魚有肉有海鮮,算係咁~
同前一晚三余庵嘅夕食當然無得比,呢餐連menu 都無張,不過一分錢一分貨,最緊要食得開心舒服~~
先嚟餐前酒,cheers!
前菜
刺身
海鮮鍋
十勝產豚肉,shabu shabu,正!!
十勝產豚肉,shabu shabu,正!!
天婦羅
鹽燒烤魚
麵豉湯
我至愛嘅漬物
茶碗蒸蛋
數下數下都好多野食.....OK,大家快d 開餐啦~~
Yummy! 呢個 yum 係紫bear講嫁
響自己房食最正嘅地方就係可以邊食邊睇電視,仲有就係可以無拘無束咁食,坐響度食又得,跪響度食又得,瞓響度食都得!
食到咁上下,大概一粒鐘,都唔需要打電話通知,嬸嬸就攞埋個甜品入嚟......隔左一陣仲入埋嚟收拾,好趕呀,連熱茶都無杯.......真係,住過咁多次溫泉旅館,呢間酒店嘅夕食安排都真係算最 "行" 嘅一次~
收拾晒之後就好快手call 埋個哥哥入嚟鋪好埋tatami,三扒兩撥,大工告成,可以收工......望住地上面個床舖,望下個錶,都只係七點幾,平時都未開飯,無理由咁早就去搵周公傾計掛,好在房入面有套 T puzzle,正好可以消磨下時間.......
呢種T puzzle 上次響不老不死溫泉旅館都有provide,所以今次玩得好熟練
玩左陣又睇左一陣電視,hea 到八點鐘,我地就換返d 禦寒衣物,係時候要出去再訪然別湖個Ice Bar 飲返杯cocktail 啦~~
(...待續)
我都有去浸過~
回覆刪除[jokelib回覆08/07/2012 16:45:24]全中, 靜過鬼, 反正係免費, 我唔係住風水架~
[版主回覆08/07/2012 16:12:42]其實唔浸都無咩好做
男湯果邊真係開揚好多喎 ! 咁男女湯有冇交替時間架 ?
回覆刪除[版主回覆08/09/2012 16:33:23]我身邊嗰個話唔覺有見過喎...我都諗唔明點解會放男湯嗰邊
[ck 鼠回覆08/07/2012 18:53:30]放到男嗰邊 ?! 點解呢 ?
[版主回覆08/07/2012 16:56:03]??? 你指bb床? 咁搞野?
[jokelib回覆08/07/2012 16:44:31]因為通常都係放到男嗰邊, 你問問身邊嗰位.
[版主回覆08/07/2012 16:33:15]好似無交替,不過唔sure...響溫泉旅館更衣室有bb床我真係第一次見,其實真係未曾見過有bb浸溫泉
食物望落去果然比較一般, 不過我都中意喺自己房食, 自由好多.
回覆刪除[版主回覆08/07/2012 16:34:15]係呀,最唔鍾意響食事處坐tatami,食都食得唔舒服~
可能佢諗住一陣先幫你鋪,鬼叫你地噤早食完!你好快d寫啦喎!我要睇住plan野
回覆刪除[版主回覆08/20/2012 16:36:44]你唔駛睇我個行程plan啦,你d經驗仲多過我啦,同埋我條route都好大路,好多人去過啦,不過為左答謝你咁支持我都會努力寫嘅