2011年2月北海道道東道北12日 - 敗家時間!

 

2月28日 - DAY 10 (PART 3)
美瑛 > 新千歲 > 札幌


完成左個photo tour，Pension 主人就將我地送到美瑛站........

我地將會搭12:23 嘅富良野線去旭川，然後再轉車，不過唔係返札幌住，睇左咁多日大自然景色，我d shopping 癮已經忍得好辛苦，回歸城市當然要先去南千歲 outlet 狂風掃落葉一番啦........

再見啦，美瑛~

美瑛駅，好有歐陸feel~

後生女即係後生女，天氣咁鬼凍都著咁小衫，仲要露出個大脾，我地呢d 老野就要包到成隻糉咁

等左一陣小型列車到啦~

12:55 去到旭川即刻就再轉13:00 特急去南千歲.......今日係最後一日使用JR Pass，之前已經出定左指定席飛~

得五分鐘轉車好趕呀，不過好在都趕得切，如果唔係就要等到14:30 先有下一班車去札幌........上左車有d 肚餓，唔知響邊度忽然搵到兩包旺旺，應該係Day 1 響香港機場個 Travellers' Lounge 外帶之後一直唔記得食.......啱晒，頂下個肚先~

去到南千歲已經三點........

Rera Chitose Outlet!! I miss U sooooooo much!! 等等我，好快就到

先將d 行李放入車站locker，然後就即刻衝去outlet 啦~


不過血拚之前都要填飽個肚.......去食店街求其搵間拉麵店，最緊要快!

 

已經過晒午飯時間，食店入面得一兩枱客~


唔諗咁多，快快手，我地兩人都要人氣No. 1 嘅鹽味叉燒拉面~

有成四塊叉燒加一隻玉子，780円，抵啦~


好快速食完.......快d 快d 去shopping 呀!!


原來呢兩日outlet 做緊season final sale!! 咁好嘅消息，真係從未如此開心過

時間有限，重點出擊，我嘅outlet 至愛........

半價之後仲有折! 有乜可能忍得手........


話咁快成功掃左兩個handbags!!


老爺必逛，Golf shops~

條友仔成日都想買套杆返去，話平喎，當然次次都俾我怒ban........杆就唔駛諗，其他野就由佢啦


只要行過昅到shop 入面有顯示special price，我地都要入去巡一巡!


70% off!!! 唔買都要睇下


我好鍾意見到呢個label 呀


840円一件pajamas，唔整返件點對得住自己


呢間靴下屋超抵......


1050 円四對襪!!

我當然搏晒老命揀


兩個人買左八對都係2100円!

最高興係仲送左對情侶襪俾我地

 
雖然只係逛左兩個多鍾，但我地嘅收獲都算豐富.......當然，我一係就唔出手，一出手就一定唔會俾自己空手而回


五點幾開始日落西山lu~


只係兩個幾鐘其實係未逛晒成個outlet，不過主要想逛嘅shops 都成功KO 晒都已經好滿足，趁時間尚早當然拿拿聲返札幌轉戰百貨公司啦!


返到札幌，首先去Hotel Fino check in 放低d 行李先，然後就又即刻出動，響大丸、ESTA 等快速掃個圈，又成功俾我地掃左唔少野.......shop 到心頭好心情都特別靚靚，行到七點幾都未覺攰，之後就搭地鐵去薄野.......


目的地當然係遊客必到嘅狸小路啦~


正所謂shop 得暢快好世界，個勢頭好就千祈唔好俾佢停

 

每次黎都要響度影返張相~


指定動作例必去呢間舖搵大叔買白痴戀人......


折上折，如果遇啱無咩客阿大叔又響度坐陣，同佢爹多兩句連尾數都round up 埋俾你，真係抵我不能忘記佢


摩天輪......不過無時間玩，我d 時間今日只能用黎shopping


有無搞錯! 呢間狸貓屋竟然無開!!


臨時休業! 我有好多野想買喎


Well，此處不留人，自有留人處


Shop 到八點幾終於有筋疲力盡嘅感覺，兩個人四隻腳逛左成個下午都未休息過，好累呀!! 係時候要去dinner 擦餐勁........


當然又係去蟹將軍啦.......雖然已經食過好多次，但因為我地當年第一次黎北海道響蟹將軍簡直有種驚艷嘅感覺 (第一次食全蟹宴)，對呢度始終有種情意結，所以以後每次去北海道我地都儘量要搵一晚返黎重溫當年味覺上嘅幸福


強國人站起來了，今日不斷見到簡體字

 

熟悉嘅環境，一入去就有種親切嘅感覺~




一定唔要坐tatami

我地要左兩個set，一個Kushiro.......

另一個Shiraoi~

行到攰一勀，至爽就係先啤一啤，cheers!


開餐啦))))

首先前菜......


螃蟹豆腐




好好味嘅松葉蟹sashimi


另一份除左松葉蟹，仲有帝王蟹

一份松葉蟹醮醋.......

 

另一份帝王蟹醮醋，一樣好味道!!


至愛蟹黃，食到lam lam 脷


油炸蟹壳


松葉蟹天婦羅

帝王蟹、松葉蟹火鍋






好正呀!!




真係啖啖肉

  

 

已經飽到上心口，但仲要加隻蛋黎個蟹粥

漬物!


最後上埋水果......


再飲返杯熱茶，舒服晒


飲飽食醉，捧住個肚搭地鐵返酒店~ 

 

今日本姑娘嘅戰績........


計埋蟹將軍餐dinner，今日一個半晏短短幾粒鐘已經花左接近20萬円，老爺搖晒頭歎氣，我唯有安慰佢錢財乃身外物，唔好睇得咁緊要，成日都話最重要係個過程嘛........今日一整日都玩得咁高興，乜都抵返晒啦......Right?

攤抖一陣又係夜宵時間......食埋響帶廣柳月買嘅cake 先........

Hea 到十二點就去搵周公，今日實在shop 得超暢快，希望可以發個好夢........聽日我地要轉戰闊別三年嘅小樽，好掛住佢呀!!

(...待續)