2011年2月北海道道東道北12日 - 百去不厭嘅小樽 (二)

3月1日 - DAY 11 (PART 2)
小樽

逛完夢之音，又過去LeTao.......未肚餓，只係入去逛一圈~

銀之鐘一號館，有時間可以入去食過tea，仲可以攞埋套杯碟走.......呢d classic 野我地呢種小樽fans 早幾年已經做過晒啦，今次當然又係過門不入影張相算~


My next target，日本名物處Sanrio 屋........




有Kitty 福袋賣呀!! 2000円一個內裡有成萬円嘅Kitty 精品，真係好抵呀


店內仲有好多其他sanrio products 嫁~~

咦，原來LeTao 附近開左間branch，早幾年黎好似唔覺有咁嘅

整返件人氣No. 1 嘅Double Fromage 先.......好軟滑呀!! 不過掛住食唔記得影相


話咁快去到北一系列地帶.......


首先去地酒屋北一........

吸引我地嘅當然係呢度有得免費試飲啦

呢度有好多北海道各地嘅酒嫁~

前排嘅雪人酒樽，去過札幌雪祭嘅人睇怕都有入貨，忽然醒起我地屋企仲有一枝未飲

我地最想做嘅事當然係試飲啦

呢隻梅酒係人氣No. 1 喎.......

我地試完晒所有酒最後都有幫襯買左一枝呀~

 

試飲完當然又要去試食.......

試食天堂，北菓樓

鎮店之寶妖精之森年輪蛋糕

請隨便品嚐......




不過我最鍾意食嘅都係呢種帆立貝粒粒，每一款都超好味

仲有限定商品，真係試食都食到飽呀!

北菓樓隔離就係六花亭.........

雖然早幾日已經去過帶廣本店，但小樽呢間都要入去巡個圈嘅~

呢隻買左啦

不過我係買左呢款波子棋packing~

呢個亦買埋，on the way 食埋添啦

動物music band，必影景點~

行到攰一攰，又係時候要俾對腳休息休息........

咁啱行到去北一三號館，一於入去搵個地方攤抖下.......

雖然話好攰，一入到去對腳又自自然然走左去睇玻璃，正當我睇得起勁之際，老爺走過黎話見到有間食店好浪漫我一定like 喎.......原來三號館除左有硝子館，仲有間輕食店......

望入去昏昏暗暗之中有點點燭光，都幾有情調，老爺話一於帶我入去浪漫下喎

店內除左有吊燈，四處仲有過百盞石油燈......

 

懷舊嘅建築配襯柔和嘅燈光，室內仲有悠揚嘅音樂聲，果然好浪漫呀
 

老爺話唔係好肚餓，所以我地只係要左個三色定食，有三文魚子、蟹肉同魷魚.........

仲有 Today's special「初雪」朱古力......連個名都改得好聽過人


響度hea 左半個鐘，對腳休息完又試蠢蠢欲動，繼續上路shopping 去也........

(...待續)