2012年12月東京熱海快閃72小時 - Part 4

12月14日 (星期五)
熱海市 (Hotel Micuras)

離開來宮神社，叫做完成晒今日嘅景點，本來按照schedule 仲有一個起雲閣想去，旅遊書介紹係一個結合日、中、歐嘅洋房別墅，好多文豪住過，不過已經四點多，我地想早d 去酒店，於是就skip 左呢個起雲閣，相信唔睇都唔會好大損失~

由來宮神社去酒店好近，只係幾分鐘車程，我地今晚入住嘅酒店叫Hotel Micuras，係一間非傳統型溫泉酒店，其實去日本我地一向都鍾意住傳統型溫泉旅館，好鍾意d 服務人員好warm & nice 嘅service，不過十月頭去完四國返嚟，當時都已經住過三晚傳統型溫泉旅館，食左三晚日式料理，相隔兩個月都想轉換一下，所以今次就搵左呢間好現代感嘅溫泉酒店啦~

睇下個大門入口幾有型

雖然好現代化，不過泊好架車一樣有職員帶路幫我地攞行李，好好service........check in 好快搞掂，d staff 嘅英文都ok 唔錯嫁~

臨近聖誕，好多x' mas decorations


Lobby 個 lift button 都有型過人~

我地住room 512~

一入門口就係玄關，房間入面唔俾著鞋，要換佢地provide 嘅拖鞋~

Toilet 都幾闊落，我最like 佢有埋sink 盆~


又可以玩洗pat pat

成間房四四方方無柱阻擋，一眼睇晒~

呢張床超大，瞓三個人應該都仲有鬆位


最初揀呢種房就係因為覺得張床好搞野，好似有d 去酒店開房feel........well, 咁其實我地又真係去酒店開房住囉，haha!!

對正張圓床有部超巨投影TV........其實咁大都唔知為乜，我覺得個resolution 唔得唔夠清囉!




有DVD 機，不過無movie disc 喎
 

而且間房無sofa，只得兩個圓球cushions，兩隻bears 一早已醒目霸佔左，我地兩老只能夠坐圓床~




酒店送左兩枝水同 usual coffee & tea bags........

好靚嘅茶具......


It's Wedgwood, hehe~~

Washroom 幾闊落，兩個sink 盆兩套sanitary packs，唔駛爭

Shampoo & shower gel 係L'Occitane, I like it........

私家溫泉

旁邊係shower~

另外仲有一set shampoo & shower gel 響度，good ar

個溫泉池好大!! 不過要自己放水~


由bedroom 影返過去hot spring，真係好大，正! 不過可惜無view，睇唔到外面景.......in fact 成間房最美中不足係都無開得嘅窗，好似入左間密室咁.......呢間酒店好K 怪，有view 嘅房就無獨立溫泉，有獨立溫泉嘅房就無view，即係玩我地啫，我一向貪心兩樣都想要嘛，最終我都係揀左唔要view，嚟日本玩當然想浸多幾次溫泉啦，幾靚嘅view 入夜之後都睇唔見，朝早望一陣又閃，都係要私家風呂實際d，半夜瞓唔著起身浸返轉都得嘛

一邊浸溫泉都可以望到個TV 嫁，夠大嘛

響房hea 左一陣，想話趁天未黑出去外面逛下，點知一出到去個天已黑左大半，有無搞錯，咁早天黑，剛五點咋喎.........咁我地就響附近逛下，唔知係咪近海，呢度有好多呢d 津波避難路嘅指示........咁樣我好驚喎，乜呢度成日有海嘯嘅咩??

原來由酒店行去今日中午我地食lunch 嘅銀座商店街係好近嫁~


以前呢度係咁樣~


又見到中午我地買柑嗰個自助購買機，原來有人會加返d 柑入去個locker 入面嫁，而家仲full 過我地頭先買嗰時~

回程時當然要去便利店入d 貸，好彩酒店附近有間71，今日第一次shopping!!!........老爺話好肚餓，買左個咖哩餅頂住肚先~


返到去酒店，影下個lobby 先........呢棵聖誕樹係constructed by candles，個design 好有型!

有野shop，不過唔啱買

好多candle glass holder!

上面d 文字同picture 全部都係d guest 畫嫁，so cute!


返上房見又未夠時間食dinner，我地就決定去大浴場浸下溫泉嘞........


題外話，有好多人會奇怪我地成日都已經book 左私家風呂房，但點解仲硬係要去埋大浴場，留多d 時間響自己房泡湯唔好咩.......其實原因好簡單，一個字，貪! 酒店免費供應嘅溫泉設施，我地呢d 愛貪小便宜嘅C9 當然唔想放過，同埋好多時大浴場個view 正好多，有d 仲會有埋sauna 同按摩設施，我又點會唔玩盡佢


呢間酒店嘅大浴場面向熱海港，記得好多年前睇過一部日劇「夏天不需要愛情」，最尾一集男女主角就係響酒店望向呢個大海，好鬼正，當時已經好想親身走嚟睇下 (我好鍾意呢部日劇)，今次揀呢間酒店諗住終於可以響大浴場望出去感受一下，點知原來咁早天黑，咩view 都睇唔見，有d 失望囉，因為睇怕我地將來都唔會點再嚟熱海玩啦

(Photos from Hotel Web Site)

除左大浴場，仲有sauna room.......泡完湯走去焗一焗，走上一層仲有個relaxation room 可以hea 一下，不過外面黑媽媽無乜癮，於是返去房take 左個nap........七點起身就去食dinner 啦~


環境都唔錯噃.......不過佢地安排我地坐中間枱，有d 唔開心，有得揀當然想坐窗邊位，even 靠牆都好d 吖!


老爺叫我唔好為d 小事唔高興，夜晚坐窗邊位其實乜view 都無都無乜意思啦，如果係city 夜景當然就唔同講法，咁佢講得都有道理嘅，其實個窗只係反映左室內個view，又真係無乜好睇

Menu 有日英對照~

老爺先order 左個ginger ale.......

而我就要左可樂~

Baguette 任食~

好快就上 appetizer.......隔左大半年，其實我已經唔記得係乜東東同埋味道如何 lu

仍然係前菜，Yellowtail Carpaccio, Yuzu & Legumes d'Saison, Extra Virgin Olive Oil

呢個魚生片好好味 (睇返video 當時我係咁對住鏡頭講)

Cauliflower Soup, Roasted Welsh Onion & Kujo Scallion, Huile d'argan

Sauteed Hobou & Tiger Prawn, Sherry & Tarragon Sauce

食完魚就嚟個 Pear Granite......俾大家清清味蕾

之後就到和牛.......Filet of Japanese Beef Grille, Madeira & Arima Sansho Sauce, Roasted Vegetables

Dessert 係 Dark chocolate Pyramid, Berry Compote, Marbled Ice Cream


仲有兩粒macaron, yum yum!!

當然唔少得 herb tea 同coffee......

食飽飽返房攤抖一陣，之後當然要浸下個私人溫泉，不過要自己放水，咁大個溫泉池單係放水都等左十幾二十分鐘~

浸完就睇下自己帶去嘅iPad，老爺之前已經download 定幾套movie.........一邊睇一邊攤響大大嘅圓床上食宵夜，好鬼正呀

下午買嘅柑，不過唔甜嘅!


都係食返雪糕好味d

十一點幾我地就sleep lu，話晒尋晚凌晨機無教好瞓，好鬼攰呢~

忽然發現原來床邊可以拉簾，我當然唔肯放過要玩........好抵死，唔知有乜實際用途




Good nite la


(...待續)