2012年12月東京熱海72小時快閃 - Part 3

12月14日 (星期五)
熱海市 (熱海梅園 + 來宮神社)

上一回講到逛左個好騎呢嘅熱海城，望下錶已經三點，爭取時間即刻開車去熱海最著名嘅景點熱海梅園 (Tel: 0557-81-9211)~

由熱海城過去大約10分鐘，不過去到唔見有carpark，響附近兜左陣都搵唔到有地方泊低架車.......唯有將架車揸返去入口，跟其他人一樣就咁泊響外面算，希望唔會被抄牌啦~

入口冷清清，連 information counter 都 close 左無開，想搵張location plan 睇下都無~

叫得做梅園當然成個公園都係主打梅樹，一入口已經有梅樹，不過梅花仲未開

反而仲有紅菜，今個trip 真係有d 驚喜，無諗過十二月中仲見到紅葉，雖然唔係好多，但已經好開心~

好開心呀! 好多紅葉!!  雖然唔係火辣辣嘅紅，但都好過全園一片光禿禿枯枝啦!

如果就啱紅葉祭時間嚟相信一定好正.......不過我地同花花草草一向無乜緣份，能夠有意料之外已經好開心

d 梅樹有標明係咩品種，不過我地一粒梅花都見唔到


周圍景色其實唔錯......


有溪流.......

有小橋......

仲有小瀑布~

掃完一輪景，又到左兩隻bear bears 出嚟活動活動嘅時間啦~

好鍾意呢張相，紫bear 好有一種遺世獨立feel

明明係嚟梅園睇梅花，不過成個過程我地都係影紅葉~~







呢個梅園其實都幾大，時間有限，我地只係打算遊半個園，逛左半個鐘就閃人趕下場~

把握時間去多一個景點，離梅園唔係好遠車程嘅來宮神社 (Tel: 0557-82-2241)，六、七分鐘就到~

呢個神社最特別嘅地方係有一棵已經有二千年樹齡嘅大楠樹~


呢棵大楠原來有段古，響好多好多年前，熱海村呢度因為漁業權訴訟，搞到神社入面d 樹要被砍伐，七棵樹其中五棵已經被斬，正當有個樵夫想要砍呢棵大楠時，忽然無啦啦出現左一個白髮老人打開雙手阻擋，樵夫把大鋸跟住就折斷而個老人亦都消失，真係來無蹤去無跡，於是d 村民就認為呢個係神顯靈要佢地唔好斬棵大楠，時日過去，呢棵樹就漸漸成為左神樹lu~


大楠未見，先來第二大楠~

二楠都幾大棵嫁!

御神水，洗洗手先~


呢個就係神社啦~



旁邊有著明神社同埋大楠嘅由來，but 我地當然睇唔明~


神社盡頭就係大楠樹.......

真係好大棵，樹身粗達20米!!

據講呢棵神樹久而久之逐漸成為長生不老、無病消災嘅象徵，只要圍住棵樹逛一圈，就可以延長壽命一年，而且因為楠木其實係屬於樟樹科一種，相傳樟樹有「結緣之樹」之稱，一邊繞樹行一周一邊心入面諗住你嘅願望就可以心想事成咁話.......嘩! 咁拿拿聲走一圈先啦

我要心想事成呀!! 唔該丫


棵大楠其實已經分枝，有半棵唔知係被人劈走左定自己腐爛.......

老爺話睇d 樹根好似好枯萎咁，希望呢棵千年神樹真係有神靈庇佑唔好枯死啦~


睇完千年大楠，望下錶，wow! 已經四點幾，係時候要去今晚入住嘅酒店啦~

(...待續)