2014年4月日本中部立山8日 - 下呂溫泉博物館

Day 2 (下呂溫泉)

食完飛驒牛午餐，我地就行過去附近嘅下呂溫泉博物館.....

日本真係乜野美術館、博物館都有，未去下呂之前我都唔知原來溫泉都可以整個博物館

雖然博物館入口處有位伯伯職員，但購買入場票係採用自助購票機~

入場費 400円，張票好靚呀! 可以做書籤......職員伯伯會問你邊度地方人士然後俾相關語言嘅說明冊子~

館內有好詳細嘅溫泉資料介紹......

少不免有好多模型.....呢座係溫泉塔~

下面呢兩個裝置幾得意，顯示溫泉水係點樣由地底湧出~

正當我地響度研究下面呢三個紀念蓋印有咩分別之際，職員伯伯走埋嚟教我地點樣玩，原來呢個紀念蓋印係分三個 steps，先用第一個 mould 掃紅色墨，然後用第二個 mould 掃藍色墨，最後一個 mould 就係掃黑色墨.....

大功告成! 下面呢張就係我同老爺嘅製成品，好靚呀!! 真正係又玩又拎，幾有趣嘅一個體驗~~

館內仲有好多溫泉相關物品~

逛到呢度原本我地都只係諗住望兩望就算，忽然職員伯伯又閃左出嚟同我地介紹呢個裝置.....原來呢個貌似我地嘅中藥百子櫃內有乾坤，真係差 d 走漏眼.....

每一行櫃分別介紹唔同性質嘅溫泉，簡介每種嘅功效，第二格係列出每種溫泉嘅所在地.....每一格都可以打開，入面有相關嘅照片同放左該種溫泉嘅物品~

我同老爺逐格睇晒，發覺原來我地去過嘅溫泉點唔係好多咋，真係要加把勁

最底一行放左相關嘅溫泉水~

逛完晒博物館，職員伯伯又走嚟提醒我地出面有個足湯記得去浸....真係唔該晒呀，足湯個環境都唔錯嫁~

呢個足湯係一個步行浴，浴池鋪滿晒石春，行上去勁痛呀!!......d水好熱嫁，行到中間位就超凍，之後又再變熱，要連續走三圈.....旁邊有英文指示，不過職員伯伯都又有走出嚟同我地講解.....真係好好 service

玩完步行湯就離開，經過門口職員伯伯又同我地打招呼，問我地之後去邊，又俾左張下呂足湯嘅 location plan 我地，真係好 nice 呀......呢個溫泉博物館都幾有趣，最初我地其實只係諗住個地點響食店附近就順路入嚟逛下，結果係比想像中有趣味性呢~~

博物館停車場旁邊都有一個足湯，下呂真係周圍都有湯，總有一個響附近，仲勁過 71~

望出去就係飛驒川~

下午本來預算仲有一個景點係附近嘅溫泉寺，不過要行173級樓梯上半山，望下錶已經三點幾，加上開始天陰陰，所以就決定 skip 左唔去早d去酒店 check in.....

(...待續)