2014年9月瑞士塵世美11日 - Rheinfall 萊茵瀑布

Day 1 (14 September 2014)
HK ~ Zurich ~ Rheinfall ~ Schaffhausen ~ Luzern


差不多十一點去到今個旅程第一個景點，Rheinfall 萊茵瀑布~

呢個車站好細，而且好簡單，連售票機都無，甚至只係得一條路軌......

不過都有 location map 同列車到站班次嘅 information~

隧道上面就係 Schloss Laufen 勞芬城堡......

由月台旁邊嘅樓梯可以上去買票參觀城堡~

不過我地想上午先去搭船，之後再去勞芬城堡......樓梯旁邊有條小路可以行落去碼頭......

我一邊行一邊諗，而家行落去就好輕鬆，一陣返來要行返上去就......

去到碼頭一個人都無，連 Ticket Counter 都無開.....星期日喎，d 遊客去晒邊??

呢條就係萊茵河啦......咪住先，舊年去德國科隆時唔係見過萊茵河咩? 點解瑞士又有萊茵河?.....

原來萊茵河好長嫁，佢流經瑞士、奧地利、德國、法國、荷蘭等多個歐洲國家，而萊茵瀑布就係萊茵河嘅源頭，亦係萊茵河唯一嘅瀑布，一場嚟到瑞士當然一定唔可以錯過啦

要欣賞萊茵瀑布有幾個 spot，除左 Schloss Laufen，最吸引我地嘅就係響瀑布中央有座巨大岩石 (rock)，遊客可以搭船過去然後行上去頂處近距離睇瀑布.....

呢度嘅 boat trips 都有幾種，告示板上有齊晒各種 boat trips 嘅路線同價錢.....如果好似我地咁想上去巨石，需要先搭 no. 2 航線去對岸 Schlossli Worth 然後轉乘 no. 1 航線，因為勞芬城堡呢邊無直接船去~

雖然 ticket counter 無開，不過之前響網上搵料時已經知道可以上船直接同船長買船票......未有船就先周圍影下相啦，響碼頭呢度其實都已經見到個瀑布......

水量都好勁咁噃......

單響呢度都已經開始感受到瀑布嘅氣勢，未去我地已經開始興奮~~

等左一陣有船到啦~

上船就同船長買票，我地話要去 rock，佢就同我地講買 No. 1 route 就 ok，已經包埋 No. 2  route 過對岸，CHF10 一位......(船上竟然有發票機~)

上船等左一陣仍然無其他遊客，我同老爺兩個人包船，正!

好快，五分鐘唔駛就到對岸......途中又可以望見瀑布，瀑布前面有個觀景台，同瀑布距離好近!  下午我地希望夠時間去埋啦~

過左對岸就轉搭 no. 1 航線.....

呢度嘅 boat trips 唔同航線以顏色分別，今次呢程船係粉藍色......呢邊旺好多，好快已經坐滿人可以開船~

萊茵瀑布，我地嚟啦!!

山上就係 Schloss Laufen~

睇真 d 原來中央有兩座岩石，不過只係大 d 嗰座可以上去.....

大家爭取時間不斷拍照.....

雖然焦點係下面嘅萊茵河，但天空上面都唔會放過~

愈近瀑布水流愈急!

到啦.....個瀑布好近呀! 好緊張呀

落左船好多人擠晒響碼頭影相，我地當然拿拿林衝上去頂部先啦，正所謂走得快好世界......大家一個跟一個沿住樓梯拾級而上，條樓梯愈上愈陡峭亦愈來愈窄，只夠一個人上落，行左一陣我已經有 d 喘氣，不過為免阻住後面嘅人只能夠頂硬上......

終於爬到上去，wow wow wow)))......呢個就係響最高處望落去嘅萊茵瀑布啦

現場睇白浪翻滾，水流急速，再加上水聲隆隆，真係好壯觀好有氣勢呀!!

河上游右上角嗰道橋就係剛才搭火車兩次經過可以見到瀑布之處......

岩石嘅頂部其實得好小位置，大約只夠容納十多個人，我地上到去時只見兩三個人，但陸陸續續開始好多人聚晒響度囉，基本上想轉個身都好難，想等好位置欣賞瀑布就要有 d 耐性.......我地一馬當先第一時間上到嚟，當然要霸住個位搏命影多 d 相啦

被瀑布包圍嘅感覺真係好過癮......

有幾過癮實在好難用文字去表達，睇睇片吧!

有火車過橋~

來個全景照吧~~真係好壯觀呀!!

響頂部逗留左一段時間，愈來愈多人，影夠相我地就走返落去......中段又有個位可以停留俾人影相，當然又停一停......

勞芬城堡下面有幾個觀景台，可以由另一種角度欣賞瀑布~

汪洋中的一條船

嘩!! 呢個角度望過去 d 水好急好勁呀!!

下底呢兩個觀景台最貼近瀑布，視覺上應該幾震撼

走到返渡船頭未有船當然繼續影相，岩石既然響個瀑布中央，當然兩邊都係瀑布，呢個位置非常接近瀑布，我地一頭一臉都被水氣水花打到濕晒

水花四淺，老爺部愛機不幸中左招，條友欲哭無淚

兩隻 bear bear 乘機沖沖身吧

有船到啦~

Bye bye 巨石

返到去岸上天色竟然開始好起來，thank god!! 當然要同瀑布影返個正面全照~

呢枝水要 CHF6!!

影呀影，嚟呢度基本上只係不斷咁影

好美!! 好天 d 相嘅顏色都靚 d

岩石上仍然聚晒好多人~~

萊茵瀑布係歐洲水流量最大嘅瀑布，不過佢落差只有23公尺，所以好多人話如果同其他知名嘅瀑布好似尼加拉瓜大瀑布相比，只係小巫見大巫......我地大鄉里只係去過日本見過幾個瀑布仔，呢個咁寬闊嘅萊茵瀑布已經覺得好震撼啦!!

影夠個瀑布我地就響 Schlossli Worth 岸邊逛下.......

俾人休憩嘅凳印上唔同國旗，幾得意~

呢度都有觀光小火車呢~

呢度環境好優美，響度悠閒散步左一陣，好寫意~

有間 souvenir shop.....

一早已經有心理準備瑞士物價高昂，今日只係第一日所以只打算遠觀......

一個細細嘅水晶球擺設要 CHF19.9!! 前年去巴黎同一種 size 都只係大約四歐，請問點買得落手?!

難得陽光咁靚，我地都係走返出去戶外影下相算把啦

望下錶發覺已經十二點幾，好肚餓!! 於是就響 Schlossli Worth 呢度解決午餐......

響碼頭上面有間自助式餐廳，價錢還算可以接受~

用餐地方分室內同室外，我地當然揀坐室外，一邊食一邊欣賞瀑布~

我地要左沙律同意粉，承惠 CHF19~~

食飽就搭船返過去勞芬城堡啦~

呢一剎那嘅天色好靚，之後好多日都再見唔到藍色嘅天

返到過去車站碼頭嗰邊，下午多左好多人呢，好在我地揀朝早上去岩石先，如果而家先去響岩石上肯定有排等......

連個 ticket counter 都開埋~

萊茵河畔，像詩那樣美.....萊茵河畔，美麗而寧靜......

沿今朝嗰條小路我地就行上去勞芬城堡......

呢度都有餐廳，不過睇個環境就知價錢當然貴好多

有好多牛牛俾人影相

去 Schloss Laufen 勞芬城堡要先買票......呢個 ticket information 個設計都幾特別~

票價每位 CHF5，包博物館同幾個觀景台入場~

因為下午我地仲想要去 Schaffhausen，所以響勞芬城堡唔可以逗留太耐，買左票就即刻衝入去啦~

勞芬城堡內有個博物館，不過我地時間有限，只能夠揀重點參觀，所以決定先去觀景台睇瀑布，如果仲有淨時間先再去博物館，結果當然係唔夠時間，而且之後我地根本都將個博物館忘記得一乾二淨

望返落去見到細細嘅火車站~

勞芬城堡總共有四個觀景台，全部依山而建，我地先由最高位置一路向山下參觀落去~

圖中 "C" 就係勞芬城堡，C1 至 C4 就係四個觀景台啦~  

同剛才巨岩石唔同，勞芬城堡呢一邊又可以另一種角度欣賞瀑布~

不一樣的感覺.....但同樣的美妙!!

瀑布中央就係巨岩石......

仍然好多人聚晒響岩石頂呢!

對岸就係 Schlossli Worth，剛才 lunch 嘅地方~

由第二個觀景台望過去岩石，下面聚左好多人嘅平台就係第三個觀景台~

由呢個角度望過去個瀑布真係好洶湧澎湃，好似殺到埋嚟咁呀!!

望住滔滔不絕嘅水流，我忽然想唱「浪奔! 浪流! 萬里滔滔江水永不休....」

影下上游......

影下巨石.....

影下急速嘅水流.......

再影下全景照.......

就係唔捨得走......不斷咁影，單係一個萊茵瀑布已謀殺不小記憶卡位置~~

忽然見到彩虹!!

好美喔!!

下面係最低層觀景台，好似懸空響瀑布上面咁，型呀!!....即刻急不及待走下去.......

同瀑布咁近距離，講真現場睇真係好震撼!!

再加埋轟隆轟隆嘅水聲真係好似山洪暴發咁呀!!

會唔會被洪水捲左入去嫁??

相片實在唔能夠表達出瀑布嘅磅礡氣勢，又去片吧~~

忽然又出現第二道彩虹，好 lucky 呀!! 可以話係為呢趟瀑布之旅劃上一個完美嘅句號~~

望下錶接近兩點，係時候要離開，去 Schaffhausen 嘅班次半個鐘一班，我地已經比原定 schedule 遲左，再錯過呢一班車今晚就真係要摸黑去琉森啦

行緊去火車站時發現有座升降機可以上返去勞芬城堡，見仲有小小時間又走去玩玩.....

上到去其實都係望同一個 view，同一條河~

依依不捨同萊茵瀑布道別.....美麗嘅萊茵河 & 瀑布，byeeeeee~~

係時候要離開啦~

又返到來細細嘅車站......

Next stop, Schaffhausen~~

(...待續)