離開靖國神社,順步就過去旁邊另一個東京著名嘅賞櫻地點,千鳥ヶ淵~
櫻花基本係集中響個湖邊,沿住個湖走一個圈,d 櫻花真係開得好盛! 不過真係勁多人,因為個個都係要向住個湖攞景,好自然就個個塞住晒條路,尤其初初一段,真係迫爆!
個人覺得千鳥ヶ淵嘅櫻花景真係好靚,同新宿御苑係另一種 feel,各有唔同嘅味道,以東京市嚟講呢兩處係我最鍾意嘅賞櫻地點~
好天氣影嘅相都靚 d~
其實去到展望台如果時間唔多可以行返轉頭,因為另一邊嘅路其實唔係咁埋近湖邊,睇到嘅景無呢邊望過去咁靚,不過因為想留響度睇埋個夜櫻,見反正仲有時間所以就慢慢逛晒成個湖~
湖嘅另一邊基本上只可以睇到呢邊嘅櫻花,因為可以行嘅路唔係靠近湖邊,所以係影唔到對岸嘅櫻花景,所以時間唔係預算太多嘅話係唔需要行晒成個湖啦~
逛晒成個湖天色開始昏暗~
再等多陣燈光就著啦~~
第一次睇夜櫻,呢一晚個月亮好圓,好 lucky 呀!
(...待續)
沒有留言:
發佈留言