PIGGYBREAD: 2016年韓國首爾5日

唉! 實在係太太太太太 lazy 啦，接近一年無 update，首爾都走完第二轉返嚟，哈哈.....呢篇泡菜國戰利品其實好耐之前已寫咗一大半，咁月頭剛又外遊完，距離下一個 trip 又有 d 時間，呢兩個月應該比較得閒，的起心肝完成埋佢啦~~

響 show off 我呢次嘅戰利品前都要補充返少少觀光部份先.....今個 trip 除咗第一篇嘅南怡島同小王子村，第二篇因為追蹤池晟 oppa 嘅足跡而去過嘅景點外，其實都仲有幾個地方到此一遊~

首先係東大門.....其實係因為想去現代百貨 outlet，不過反而響 outlet 無乜收穫，卻順道去咗附近嘅 DPP 東大門設計廣場......雖然只係響外圍影下相，已經覺得呢個 building 好大好型!!

「來自星星的你」落難後嘅千頌伊就係響呢個 DDP 內高處跳下時受傷啦~

周圍有好多大型金屬雕塑~

夜晚仲有夜光玫瑰花展，都幾靚嫁.....「她很漂亮」、「制作人」等都有響呢度取過景~

DDP 附近嘅 buildings 夜晚都著晒燈飾，氣氛唔錯，幾熱鬧~~

日間嘅 DPP 又有另一種 feel~

今次時間緊迫，日夜去兩次都只係過門不入，希望下次再去時可以入內參觀啦~

D 玫瑰花都係夜晚著晒燈後靚 D~~

再來就係今個 trip 參觀嘅兩個展覽館......係呀，我係好 K 形嫁，而家 D 人去首爾除咗睇 K pop concert，頂多都係去睇下亂打 show，但我就去咗睇 Van Gogh 同 teddy bears 呀，上咗年紀嘅阿豬媽係唔同 D 囉，哈哈~~

因為我好鍾意 bear bear，每次出外旅遊如果當地有 bear bear museum 基本上都會去逛逛，今次首爾市內呢個 Teddy Bear Museum 就響東大門附近，搭 subway 響東廟站 6 號出口一上地面就係 Museum 入口，超級方便~

入場費 KRW13000，如果去埋 Mirror Maze 都係 KRW14500.....雖然呢類鏡迷宮之前都已經玩過幾次，但一場去到，都只係加十皮野當然要玩埋啦~

似唔似 Do Min Chun C 個書房?

以往去過嘅幾個 bears museum 大多係將唔同種類嘅 bear bear 分門別類咁擺放，韓國呢個就分咗唔同主題嘅區域，好似古代宮廷、現代首爾市，好有趣~~

南山塔、同心鎖

無時間去梨花洞，睇下 bear bear 模型當去咗啦~

大長針

最 like 呢個 bear bear gallery......

好好笑，全部都係名畫!

好正，幾乎正過 Dali 嗰幅原畫囉!

金妍兒??

阿拉丁

吹蛇，哈哈~~

Bear 華洛世奇

除咗 bear bear museum，響東大門 hello apM 竟然見到有個 van gogh exhibition，我至愛嘅藝術家喎，當然要去朝下聖......

展覽並唔係真蹟，而係以音樂、影像等多媒體技術將作品呈現出嚟~

響超寬闊嘅屏幕前欣賞，感覺尤其震撼

呢 part 幾過癮，van gogh 間房......

in andy warhol style.....

in Mondrian style.....

草間彌生 style

走去朝聖嘅當然仲有明洞聖堂

OK! 最後就係今次嘅戰利品......去首爾 shopping 當然要買韓國 skin care products，比香港真係平好多......首先係超級貴嘅 amore pacific.....

我響機場免稅店買，無其他客，唔駛響百貨公司同強國人迫，又唔駛睇 sales 黑面，機場 BA 超 nice，送咗好多 trial sets 俾我，呢 d 全部係送嘅~~

Next, History of Whoo 后......我之前係用開雪花秀，而家改用呢個品牌，個人覺得好 d......左手面嗰枝係鹿茸面膜，搽上面後好快就有溫熱嘅感覺，好正.....另外係美白系列.......

最鍾意美白津膏，即係類似平時嗰 d 重點美白筆，但呢個搽上手好有質感~

當然要掃埋兩款秘貼，買 special sets 抵 d，又可以試埋其他產品~

呢 D 係贈品

雖然而家已改用后同 Amore Pacific，但雪花秀嘅珍雪系列仍然覺得唔錯，所以都要入定一套~

當然唔少得皇牌潤燥精華 & 氣墊粉底啦~~

美白系列係幫細妹買~

贈品

It's Skin....幫細妹買一枝 neck essence 都有送一片蝸牛面膜~

SAEM....

其實我唔係好識呢個牌子，不過見明洞條條街都有分店，d 店員又好鬼 aggressive, 所以就買咗少少黃金蝸牛 products 試下~

Gold Snail Wrinkle Plumper，抗皺筆，我用響眼部位......

Gold Snail power ray，亦係抗皺用，附有一枝 led 紅光導入儀，我就專用響頸~

呢 d mask 係送嘅，有幾片係響街行過間 shop d 店員隨手俾，真係好慷慨.....不過早兩個月前去時已經無咁正，攞咗佢片野要入去 shop 巡個圈，唔買野我見 d 人都俾返片 mask 佢地~

呢個洗面膏亦係送嫁!

原價都要成舊水嫁!

送咁多野點用得晒呢?! (係，我唔會呃大話，呢 d 護膚品有好多依然原封不動，雖然早兩個月再去時又繼續買......

)

Etude House，呢個牌子其實好似俾少女用啱 d，所以只係買少少....

贈品

Face Shop 嘅 character mask 好鬼 cute，同 hand cream 買嚟送俾朋友同事做手信最正~

贈品

C9 shopping 最開心有野送，來一張贈品大合照吧，happy happy!!

食物︰人蔘雞

雖然韓國好多食物香港而家都買得到，不過一場去到見到 d 野唔買硬係好唔自在，係咁意都買少少啦，而且價錢比香港平嘛~

首爾站 Lotte Mart 好大好好逛，除咗超市仲有各品牌化妝品專區，二樓係 uniqlo，旁邊仲有一整棟 outlet，真係預半日逛都唔嫌多，又有得退稅，但要忍受任何角落任何時間都係強國同香港人囉 (不過好似呢間 Lotte Mart 就快 close，可惜!)

買柚子茶都有贈品送，D 阿豬媽好 nice~

係咁意都買咗兩款泡麵，其實我都唔知香港有無得賣......

見韓劇主角成日用呢 d 煲煮麵，又買個細 size 玩下，14cm，好輕身好方便，買咗佢之後每次煮一人份我已經將我個 16cm LC 打入冷宮

點都要買番兩枝呂，當時剛剛做完「Doctors」，朴信惠係代言，劇中慧靜就係用佢嚟洗佢把長髮.....重點係又有贈品~

小王子村紀念品

南怡島紀念品.....當然揀冬日戀歌 style

舊年去時見明洞、弘大一街都有賣呢隻毛毛兔吊飾，好可愛呀!! 不過各區價格不同，要格下價先好買 (買完返香港就見到網上呼籲叫人唔好買因為係用真兔毛.....really?? 幾十蚊一隻公仔會俾真兔毛你??)

話說近年 K pop 咁 hit，我個小姪女每次響食店或商場一聽到韓文歌就好 high，咁去到韓國當地當然都要走去 Music Korea 逛下，反正酒店附近就有一間......上到去一眼掃開無一位 artist 係識嘅，哈哈.....阿豬媽其實係想搵池晟 oppa 嘅 product，但池 oppa 又唔係歌手又唔係青春偶像，當然無乜佢 d 野賣，唯有搵 sales 幫手.....yeah，竟然仲有佢嗰套 kill me heal me DVD set! 雖然我已經有一套台版，而且價錢唔平，但都即買啦，鬼叫而家咁 like 佢嘛