2月20日 - DAY 2 (PART 3)
泊低左架車，我地沿返條小路繼續向前行........
可以近距離睇合掌屋嘞!!
趁記得同兩隻bears影返D合掌照先.......
兩隻野都係第一次見真雪，好興奮......玩到兩個pat pat都濕晒.......
睇下個屋頂D茅草真係搭得好厚嫁，據講咁樣夏天嘅熱氣同冬天嘅寒風就無咁易透入去屋入面，住起黎就冬溫夏涼啦~~
影左一陣就繼續前進，一路都有D合掌屋響路邊........
好清靜，無咩人，個感覺好舒服~~
行完晒條小路，終於見到旅遊書所講嘅隧道入口，不過好似好荒蕪咁嘅.......
條隧道唔係好長，兩、三分鐘行完，出到去就係合掌造集落啦!!
菅沼合掌屋集落嘅規模比另一個相倉合掌造集落要細，只有九戶合掌式民家，最啱我地呢D唔係咁多時間又想到此一遊嘅大貪遊客.........呢九棟合掌屋坐落響山谷同庄川之間，人跡稀疏，再加上濃厚嘅山間鄉野氣息，真係好有一種祥和寧靜嘅氣氛，走在其中，個人嘅心情都特別平和
D合掌屋屋頂俾白雪鋪蓋住，好靚呀!!
好似童話入面D小木屋咁，好想走入去探究一下，不過之前睇旅遊書已經知道，呢D合掌屋仍然係俾當地人住緊嫁，所以大部份都不對外開放參觀.......唔緊要啦，可以響外面近距離睇已經好開心，而且民居唔開放啫，旅遊書話條村入面都有兩、三間土產店同食店，到時就可以入去睇下........
行唔夠幾步，遠遠見到D野，直覺話俾我聽呢間野將會令我好happy
Yeah!! 係土產店呀
雖然間舖細細，但呢間土產店已經好能夠滿足倒我呢種變態購物狂~~~
成功入貨
雖然天色唔係話好好，不過四周都真係靚到好似仙景咁
五箇山因為地處深山，以前交通不便，再加上資源豐富，於是就成為古時加賀藩時期用黎製造火藥鹽硝嘅秘密地點.......響合掌村入面就有一間「鹽硝之館」，有時間可以俾210円入內參觀，了解一下當地嘅火藥生產史..........
不過我地唔係好多時間，所以響旁邊影張相到此一遊算~~
呢座合掌屋好大，有成四層高!!
又有得shopping
我知大家諗緊乜野，又話無時間參觀展館，但又有時間shopping........係囉，人生就係咁，總係無兩全其美，魚與熊掌，無時無刻都總係要人抉擇
下面呢間係民俗館，展覽當地居民生活文化嘅資料，入場費210円，同鹽硝之館兩館共通票只需要300円~~
呢處好古樸feel.......D水飲唔飲得嘅呢??......老爺試左，佢話OK好清澈嫁.......
呢間「與八」係食店，亦係土產店，好多野啱買嫁......至少啱我囉!!
仲有得試食，真係買得好happy!!
間店舖望出去就係呢個view，係咪好靚呢，好似唔覺意入左去童話世界咁
不知不覺，用左半個鐘就行晒成個合掌村，望下錶一點幾，係時候去醫下個肚，一場黎到，當然要試下呢度出名嘅蕎麥麵同豆腐啦~~
(待續
回覆刪除嘩 ~ 等左咁耐終於都有合掌屋睇喇，小屋仔襯上雪景，真係好靚 ! 不過最吸引我都係呢間
[版主回覆06/13/2010 09:57:00]係呀，我都係最鍾意土產店
wa......好正呀!!!我都好鍾意行呢D SHOP!!!
回覆刪除[版主回覆06/13/2010 09:57:00]係呀，我都係最鍾意土產店
半個鐘就行晒成個合掌村, 係真唔係呀 , 你有無睇錯時間呢, 包唔包shopping先 , 無奶由咁快架, shopping都可能要半個鐘啦
回覆刪除[版主回覆06/13/2010 10:03:00]真嫁，嗰度好細咋，行一個圈又唔入去D紀念館可以有幾耐喎，至於shop，我地呢D咁精叻嘅購物狂，一入去間shop就睇準形勢，三扒兩撥就瞄中要買嘅野啦......趕時間shopping就最五，因為唔會俾時間自己心大心細嘛
我都唔信半個鐘夠妳行& shopping,妳係咪掉轉0左個"個"字同"半"字呀 ,個半鐘下話~
回覆刪除[版主回覆06/13/2010 10:05:00]哈哈，話你同紅米奇唔係兩公婆都無人信，咁夾嘅
真嫁，嗰度好細咋，行一個圈又唔入去D紀念館可以有幾耐喎，至於shop，我地呢D咁精叻嘅購物狂，一入去間shop就睇準形勢，三扒兩撥就瞄中要買嘅野啦......趕時間shopping就最五，因為唔會俾時間自己心大心細嘛
啲屋仔配上雪景真係好有童話感覺 原來唔係只有白川鄉才有合掌屋, 兩處啲屋都係一樣嗎? 半個鐘又行景點又shopping都好趕吓, 不過最緊要買得高興, 其實好中意睇你shopping, 睇見你次次都買得咁高興, 連自己都開心埋一份
回覆刪除[版主回覆06/13/2010 10:11:00]兩處D屋都係差唔多啦.....唔趕唔趕，OK嫁，我地呢D咁精叻嘅購物狂，一入去間shop就睇準形勢，三扒兩撥就瞄中要買嘅野啦......趕時間shopping就最正，因為唔會俾時間自己心大心細嘛
日本好多地方都充滿住乜乜館、乜乜館，其實好多都係講歷史，仲要有好多種數類，有啲規模好細，又要收入場費，除非對日本歷史好有研究，又要識睇日文，俾錢都係其次，最重要係嘥晒啲時間 ~~~
回覆刪除[版主回覆06/13/2010 10:13:00]係呀，除非真係好出名同埋有鬆動時間，如果唔係都唔會嘥時間逛，出外玩基本上時間仲緊要過金錢嫁~~
嘩...冬天既合掌村有咁厚既積雪...一定好凍啦 !
回覆刪除好似夏天既景好DD喎...
如果係薄雪我諗會靚得多 !
[版主回覆06/13/2010 10:17:00]我都有見過有D網友影嘅夏天相，清晨影嘅好似仙景咁，真係好靚......不過如果冬天，我都係鍾意多雪D，好似浪漫D嘛
piggybread : 合掌屋 ? 幾有特式喎 .
回覆刪除Bye Bye !
[版主回覆06/13/2010 10:18:00]係呀，世界文化遺產黎嫁，梗係有D特色啦
好鐘意古樸feel飲水地方 , 好似返左古代呀...
回覆刪除我地都係情願睇景行下,睇手信店 , 都唔入館
[版主回覆06/13/2010 10:24:00]因為日本D乜乜館其實都大同小異，我地又唔熟佢地D歷史，行得多都好悶，除非好出名嗰D啦，咁就點都會留D時間行.....手信店，一定係first priority啦
最LIKE有得試食 , 有得試都唔差
回覆刪除績雪好厚長呀 , 要住係到同開店都唔容易
[版主回覆06/13/2010 10:27:00]係啦，我都係咁諗，個村咁少人，地方又偏僻，遊客量真係唔多，響度開店都唔知點捱~