2010年2月日本中部北陸9日 - 白川鄉‧合掌造民家園

2月21日  (DAY 3 - PART 3)

 

 

走過であい橋，又係另一番風景.......橋嘅另一邊，除左合掌造民家園同一D美術展館外，仲有往來金沢同高山嘅巴士總.站、觀光案內所、同大型駐車場，所以周圍都見到一團又一團嘅遊客~~

巴士站旁邊仲有食店同土產店!! 不過而家忍忍手先，等參觀完民家園出黎先慢慢shop!!

由巴士總站到合掌造民家園唔駛兩分鐘.......

合掌造民家園係一個野外博物館，其實即係類似嗰D民俗文化村之類，係將原本散落響白川鄉各地已經廢村嘅合掌形建築民家，遷移到荻町，重組而成一個合掌屋村落俾人參觀~~

園入面一共有25座合掌屋，當中9座被列為縣級重要文化遺產~

鋪晒白雪嘅合掌屋真係好得~~

先去受付‧案內所買入園票........

大人500円~

順手蓋蓋章.....

點解blog友紅米奇D蓋章硬係可以咁清楚，我嗰D出盡吃奶力都總係朦查查嫁?!

 

 

呢個民家園話大唔算好大，但都唔算細，主屋都有四間，要行晒都好花時間，所以我地都只係打算求其逛幾間合掌屋叫做有個交代咁啦~~

沿路都有指示方向.......

首先去睇下資料館先.........

有個展示N年前合掌造集落嘅模型........

有TV介紹以前D人點樣響合掌村生活.......

好快速睇完......呢D資料館真係到此一遊算.......我都係鍾意睇外面D雪景多D~~

有間水車小屋~~

去參觀下D民居先........

以前D人住嘅地方咁大但又無咩擺，真嘥料.......我地D屋咁細但就鬼死咁多身外物......

可以想像一家人坐響度食暖鍋.......

睇完民居又去睇下以前D人嘅農具~

樓上通常用黎養蠶.......

二樓合掌屋頂嘅內隴原來就係咁樣.......

有間茶屋，可以順手去方便下........

呢間小屋入面有個好精緻嘅合掌屋模型......

詳細顯示合掌屋嘅結構........

老爺一向對D模型好有興趣.......佢老人家對住呢座野前前後後攪左好耐，我響旁邊望左一陣就開始悶到抽筋.......

不過呢座屋仔又真係做得幾仔細嘅......見係老爺嘅心頭好，放多兩張相響度等佢回味下啦~~

 

白川鄉因為響深山入面，冬天雪量勁多，積雪有成三、四米深，所以以前D村民就造左呢D好似兩手合什咁嘅屋脊，個傾斜度響40至60度之間，咁樣嘅設計就既能承受積雪嘅壓力，又能防雨水浸，同埋仲有擋風嘅功能~~

鋪響屋脊嘅茅草好厚，據講咁樣夏天嘅熱氣同冬天嘅寒風就無咁易透入去室內，冬溫夏涼，好正咁話喎~

既然老爺仲有排攪，咁我就響附近自己逛下啦~

趁呢個時候整返D造型照先........

有個日本仔好得得意咁響我身邊走黎走去，忍唔住偷影佢.......

老爺終於攪掂，望下錶已經十點半，唔覺唔覺已經逛左一粒鐘，係時候離開.....走之前當然去做最緊要嘅野 --> SHOPPING!!

呢D朴葉味噌除左有混左DD牛肉嘅味噌，仲有兩塊朴葉送.......當然唔會放過!!

有邊位會買頂呢種帽返屋企呢??

Shopping完好滿足咁就離開民家園........

呢個時候老爺問係咪離開白川鄉......離開?? NO WAY!! 我D shopping mood 一發不可收拾，過左であい橋當然繼續逛埋條商店街，一於唔好俾佢停繼續shop shop shop!!!

(待續 )