講左咁耐，係時候講到重點啦........就係我今次嘅戰利品呀!!
今次響Agnes B無買手袋，但買左隻錶，selling point係solar喎~~
仲有gift送呀，真開心!!
電話繩.....因為而家用緊嘅 iphone無得掛野，所以唔係買好多.......先黎靚靚嘅bear bear電話繩
Hello Kitty系列........
其他垃垃雜雜嘅款~~
響阿寒湖買嘅木製精品
雖然老爺話唔知我買黎做咩，但山長水遠去到阿寒湖都唔買D綠澡球紀念品，我真係過唔到自己......
響小樽買嘅Hello Kitty 福袋.......
2000円嘅福袋據稱有成萬円嘅精品，有把摭.....
有個tote bag，tote bag入面仲有個袋仔嫁~
旅行用嘅化妝雜物袋、紙巾袋
note book、電話繩 etc.....
仲有個Kitty公仔，係同某明星crossover product
iphone accessories.....最左面嗰個case好正，可以掛電話繩......
早知唔駛咁忍手，買多D電話繩啦!!
響Tomamu入面一間叫Ninguru買嘅樂器，其實我地只係未夠鐘順路入去參觀下，但個sales好有心機同我地講解個樂器係點用，呢間店其實係類似D workshop，prodvide course俾小朋友畫圖、做手工藝.....黎渡假將D小朋友放低響度自己去梳乎都唔錯
Hello Kitty product
左邊嗰把摭好鬼kawaii，打開看似平平無奇，但濕左水會show好多Kitty出黎嫁，所以成2100円都忍唔住要買!!
呢個好搶手，個個掙住要!!
今次買左呢款Kitty袋
立體bear bear post card、通花書籤
響小樽買嘅音樂盒，據講蘋果代表愛情......響愛中 merry go around
每次去小樽我地都好想買套酒器，次次都唔捨得，今次終於買得成......
我至愛嘅紫色!!
個花係兔年special promotion
最特別在於響個圓圈望過去另一面可以將個兔仔望得好清楚嫁~~
小樽買嘅香薰座
送俾小姪女嘅toys....真係估佢唔到
買左幾件衫......
呢套響outlet買嘅pajamas最扺，原價1500円，減價後1000円，outlet再做final sale，而家只需850円~~
響知床斜里等車時買嘅毛毛boot，三千幾円，超正
要係呢種鞋底先得嫁!!
今次買左兩本雜誌.......
新鮮出爐Anna Sui Collection，1200円
老爺好不以為然，佢話好姣.....但佢無理由唔知我一向姣底喎.....
最正係有埋個logo吊飾!!
另外呢個係Tommy Hilfiger collection，不過個袋其實無想像中咁大......
旅遊書.....唔，係咪好熟口熟面呢? 老爺見我揀呢三本當堂突左眼，但其實揀呢三本都係有根有據嫁......第一本知床，雖然今次去左，咁夏天未去過嘛，知床五湖據講好靚嫁......中間嗰本，箱根去過但伊豆未去過喎......至於北海道，呢個地方，百去不厭啦，買多本旁身唔過份啫!!
溫泉粉，做手信至正~
買左D馬油shampoo & conditioner，響酒店用過覺得好滑......
呢幾件就係響機上shop嘅.....右上角嗰個estee lauder re-nutriv traveler pack 最抵.....
一套四件skincare product加一個化妝袋只需$840，響新千歲見要成13,400円，好開心!!
買左兩對鞋釘，不過而家有對毛毛boot，都應該唔駛點用.....
我最鍾意響outlet買嘅Coach!! 不過而家Coach D標價都好鬼過份，所以只係集中睇 at least有50% off 嗰D......
呢個係買黎旅行用，而家用緊嗰個太細唔夠裝.......買呢個時老爺俾我吹到睥一聲，佢話睇唔出同而家用緊嗰個有咩分別......唔係掛，梗係有分別啦，兩個嘅size爭咁遠........
See?!
老爺響Gallaway買 T shirt，加1000円買左呢個特別版bear bear俾我，我鍾意佢個樣夠鈍，十足老爺咁~~
響Comme Ca買嘅......
每次都要響小樽浪漫屋買返條手鍊~~
3月14日係日本 White Day，周圍都做 promotion，呢兩個Celine gift pack 好fancy，1050円，無理由唔買~~
食物.....我覺得今次真係買得小，最主要係響機場無入貨......都好，留返D彈藥next time......
買左兩枝酒....
呢個名叫雪之天使，個名好聽，個樽又靚!!
以下係買野贈送嫁
最後黎個大合照
Remark︰
因為有人問過，所以要整個備註.......係呀，以上所有嘅野係一人份，即係全部都係我個人嘅戰利品，當然有D係送俾人嘅手信啦，但老爺自己嗰D係無響度.......今次實在太多野，擺到好攰又唔夠位，前面嗰D係求其放埋一堆算，響100円shop買嗰D都無位擺......張梳化咁細，睇黎都係時候要換個張下次先夠放......哈哈!!!!!
同場加映，本次旅行順手牽羊之物︰
以上並非全部，因為有D唔方便post出黎
冬天衫多，好易Overload嫁~~~
回覆刪除"順手牽羊"好搞笑 ~~~
[版主回覆03/12/2011 11:46:00]其實我地都唔算好多衫，應該係貪埋貪埋d "順手牽羊" 出事
嘩)))) 你啲"順手牽羊" 真係好誇張呀!!! 佩服, 佩服 好奇一問: 啲摺梳你會用架咩?
回覆刪除[版主回覆03/12/2011 11:48:00]你真係唔明我地呢d愛貪小便宜嘅女人仔心態，"順手牽羊" 嘅point係貪，唔係會唔會用 or 啱唔啱用
piggybread : Wow ~ 簡直恐怖 , 呢種境界 , 相信我永遠都難達呀 .
回覆刪除(超勁 ~ 開鋪頭都得呀)
Bye Bye !
[版主回覆03/12/2011 11:55:00]呢種境界千萬唔好學，我呢d人係癲嫁，買埋買埋一堆二堆野，絕大部份響屋企咪又係得個擺字，d錢留返下次去玩好過，我其實好羨慕嗰d一個喼去一個喼返嘅人，覺得好灑脫，不過我仲未係時候囉...
羡慕加驚嚇中.......... 不過, 啲戰利品好靚呀! 一定買得好開心啦!
回覆刪除[版主回覆03/12/2011 11:58:00]買嘅時候好開心，行李超磅就好肉赤囉，但我永不言悔嫁，因為都叫開心過嘛
另外, 實不相瞞, 我都係 "順手牽羊" 一族!
回覆刪除[版主回覆03/12/2011 11:58:00](((握手)))
嘩, 嘩, 嘩, 好多都想要, e.g. 毛毛boot, pajamas, hello kitty 公仔, hello kitty 摭, 多到講唔哂, 我每次去北海道都會買一隻冬天版的hello kitty, 初頭買大隻, 去多幾次之後買細隻, 因實在太多公仔冇位放, 2010 版的kitty都唔錯, 唔知夏天去仲有冇得賣...仲有, 我同Ming 一樣, 都係 "順手牽羊" 一族....
回覆刪除[版主回覆03/12/2011 12:04:00]哦，咁即係你夏天又會去北海道啦，恭喜恭喜 ...Kitty公仔真係長買長有，次次去都有新款，不過今次想搵Kitty扮Sesame Street公仔，搵左好耐都無，只係響小樽見過有d細size咋~
電話繩.....因為而家用緊嘅 iphone無得掛野，所以唔係買好多.......先黎靚靚嘅bear bear電話繩 ........
回覆刪除嘩! 咁都唔算多, 點樣先算多 . 你啲購物力真係好驚人, 好恐怖 . 你老公對你真好, 我買多隻 hand cream 佢都要出聲, 我真係封你做我偶像
[版主回覆03/12/2011 12:08:00]佢有嘗試阻止我嫁，不過佢而家都精，唔會講多過三句，因為如果佢阻止左我買d真係好想買嘅，返黎我仲係念念不忘佢會好大鑊
重有, 我都係順手牽羊一族 以前唔敢攞咁多, 而家連毛巾都唔放過, 好想知你重有邊啲唔方便post比大家睇
回覆刪除[版主回覆03/12/2011 12:09:00]毛巾就碎料啦，我而家愈攞愈高層次嫁
五體投地 . . . 真系 . . . $$$$$ Hey Big Spender . . .人生需要享受, 洗錢要講派頭 . . . 今年, 真系暫時你領先 . . . 難怪會overload 咁多. . .
回覆刪除[版主回覆03/12/2011 12:11:00]其實真係唔算shop好多，應該係貪埋貪埋嗰d累事
勁 ! 封妳做偶像、我的( shopping ) 奮鬥目標
回覆刪除超喜歡套兔兔酒器呀 ! 我都係次次都唔捨得買 o的製品，好貴 !
[版主回覆03/12/2011 12:14:00]哈! 你駛咩封我做偶像，你嘅戰鬥力強過我好多喎
嘩!!!!! 簡直係嘆為觀止, 好勁呀!!!!! 今時今日十算咁滞, 我去到日本真係買少左好多野喇...... 話時話, 買COACH, 去美國OUTLET超平, 如果揀OUTLET入面 CLEARANCE果D仲更加平到笑, 上次去LA買左兩個大袋, 加埋二千三蚊港紙咋, D款都OK呢!
回覆刪除[版主回覆03/12/2011 12:17:00]哈哈，好在我從來都唔鍾意去美國，如果唔係真係死得 ....我真係好鍾意響日本d outlet買Coach嫁!!
嘩, 順手牽羊都咁多, 比我一定嫌佢佔據喼既空位
回覆刪除[版主回覆03/28/2011 15:52:00]唉..如果我一早知道要罰咁多錢就算擺明送俾我都唔拎囉...
我估你拎左....浴'蒲'... HAHA
回覆刪除估中左呀真係 ?? 其實我想問下係咪拎得架 ?? 因為我見去thai/china 酒店d人會check哂有冇唔見野先比你走....日本唔會check? 定係預左'豪'比客人 ?
回覆刪除[版主回覆06/27/2011 17:30:00]哈哈，其實你估錯左，有d似不過係第二樣野啦...梗係唔拎得啦，你千期唔好學我成日順手牽羊呀，細毛巾應該唔係太大問題，其他野就唔好啦，我呢d壞份子，去完返黎俾親朋好友鬧足一個月嫁!!
嘩, 真係買左好多野啊. 嘻, 我都有買o個個Anna Sui雜誌袋, 同埋Hello Kitty福袋呀, 最實用係把長遮…
回覆刪除[版主回覆04/22/2013 17:07:27]歡迎光臨
Anna Sui 個袋真係好正，又一位鍾意shopping 嘅同道中人，得閒多d交流下