今朝見明報周刊封面標題「十五分鐘吞噬仙台」，感覺真係好傷感.....尋晚一路望住有線新聞，我地嘅心情都好沉重.....早兩日先見內地又發生地震，當時仲諗點解大陸近來D地震一單接一單，估唔到轉眼就到日本，仲係咁大單!!
一個8.9級地震，影響所及成個東北沿岸，甚至遠至北海道函館、十勝等地.....我地雖然未經歷過地震，但仲記得上次響札幌試過嗰個地震模擬體驗，五級地震嗰種感覺已經好無助好可怕，更何況去到8.9級.....平時大陸有天災人禍當然會唔開心，汶川地震真係覺得咩叫血濃於水，但今次日本大地震，心入面嗰種傷感真係特別深刻.....響民族情感上，當然偏向大陸，但如果從旅遊感情上黎講，日本係我地至愛嘅一個地方，感覺係咁親切，睇見一剎那成個地方滿目瘡痍，嗰種沉重真係滿滿壓響心入面，一方面我地慶幸好彩早一個禮拜回港避過災難，一方面睇住被海嘯沖擊嘅地方，好多都係我地去過又或熟悉嘅名字，心入面就更加難過.....究竟呢場天災會做成幾大嘅傷亡同經濟損失我地唔知，但睇見佢地D民眾仍然維持紀律奉公守法，我相信佢地嘅復原能力一定快過內地好多倍，至少佢地政府無咁多貪官從中作梗.....希望呢場天災快快過去，日本永遠都係我地心目中旅行嘅No. 1樂園!!
我同老公睇新聞都睇到好唔開心, 原本有計畫下年去東北 希望啲傷亡數字唔好太多啦.
回覆刪除[版主回覆03/12/2011 12:27:00]日本東北真係好美，上次去真係好難忘，所以更加難過~
唉 ~ 無言
回覆刪除[版主回覆03/13/2011 22:17:00]Me too...
唔知講咩 , 心痛 , 傷心 , 無奈 , 對災民送上祝福
回覆刪除[版主回覆03/13/2011 22:18:00]D新聞愈睇愈心up....
越嚟越多人開始上東北玩，點知就咁大件事；希望幅射擴散單野唔好咁嚴重，如果唔係真係影響好大嫁~~~
回覆刪除希望日本盡快復原，我哋呢班日遊Fans一定會再嚟嫁~~~
[版主回覆03/13/2011 22:21:00]東北咁靚，真係好可惜~
piggybread : 好慘 ~ 真係好慘 !
回覆刪除雖然我從未去過 "東北" 等地 , 不過見到D海水 "摧枯拉朽" 般淹蓋農田 , 心情直插谷底 .
仲有 : "北海道" 既釧路 ~ 函館 ~ 十勝港等地都受到影響 , 唉 ......
Bye Bye !
[版主回覆03/13/2011 22:23:00]我最鍾意嘅北海道同東北都受影響，真係好唔開心~
So sad....再次覺得人類好渺小，前一刻還好好的，下一刻便面目全非！都唔知要花幾耐先可以重建當年面目，依家仲冀望核電事件可以快些解決
回覆刪除[版主回覆03/13/2011 22:25:00]受影響嘅地方比想像中仲要多，相信有排先能recover，真係好sad...
原本我都plan左今年7月尾去東北一帶，現在甚麼都不用去 ? 最傷感係看新聞見到福島、仙台一帶的火海和癈墟的情況，簡直不能接受..好難過
回覆刪除[版主回覆03/13/2011 22:26:00]東北有排都唔駛去住，真係好可惜，咁靚嘅地方...
諗番起以前去過既地方受到咁嚴重既破壞,真係心嗡,希望佢哋可以儘快重建家園 !
回覆刪除[版主回覆03/13/2011 22:27:00]係呀，尤其有D地方係自己去過，真係份外唔開心...
好心傷, 大家一起為日本祈禱! 希望她儘快復原!
回覆刪除[版主回覆03/17/2011 23:45:00]Yes, let's pray for Japan...
由係電視看到開始, 已比海嘯嚇得呆了, 不知要多少人的努力才能變回原來的美景, 及後看到核問題, 日日都好心痛, 最好的地方竟受此大災難.
回覆刪除他們是有不斷努力準備, 如一千多億的防波堤, 自然界保育亦看到成果. 他是香港人很喜歡的旅遊勝地, 我很愛他們的專注精神... 他們的產品.
北海道牛奶是我常與家人分享的美味. 祈望他們早日回復, 望天災永遠不再. 願我們早日再去日本的美麗地方旅行.
[版主回覆03/19/2011 23:53:00]好同意你所講，日本係一處美麗整齊嘅地方，日本人係咁優雅同有素質，一場天災加上核禍將所有野摧毀，我好懷念東北嘅純樸，以及曾經受過當地人真誠嘅對待....深深地希望佢地早日脫險、重新建立家園!!