2013年2月東京伊豆6日無景點好hea 之旅 - Part 2

 
話說前一晚食左個好正嘅buffet，浸過溫泉焗埋sauna，舒舒服服咁就過左day 3 啦.......第二朝起身當然又去泡返個早湯先啦......


好relax 呀!!

呢個展望露天風呂可以飽覽伊東市景色......


泡完湯又焗一焗，正到暈!!

之後就去食早餐，一樣係buffet........

野食種類一樣好多!

 

食飽飽返房休息一陣，當然又再浸多次溫泉同焗sauna 啦，唔好蝕嘛.......Hea 下 hea 下又到左say bye-bye 時間，check out 後我地就搭酒店shuttle bus 去伊東車站，其實酒店離車站都好近，徒步大約10~15分鐘，不過有free shuttle bus 當然就費事行啦.......我地hea 到最後一刻搭10:20 最終便

臨走影返張酒店大門先.......

頂層下面嗰間就係我地間房啦......hehe，原來唔記得左熄燈

出到去車站，將d 行李放響locker，我地就打的去離車站大約五分鐘車程嘅Marine Town.......

呢個Marine Town 其實係國道135號沿線嘅道之駅，不過佢個規模好大，除左基本嘅土產店同食店，仲有Seaside Spa，有大浴場同按摩池，以及遊覽船.......絕對啱晒我地呢個好hea 嘅行程啦~

我地首先去Porter Center 搭遊覽船......

 

下一班次係11:40，未夠鐘周圍逛下~

碼頭上船位置

D building 好有歐式風情~

伊豆近海邊成日都會有呢d 津波溫馨提示

呢個就係 Port Center，ticketing & 候船室都響晒入面~

我地就係坐呢艘海豚號出海，上船啦.......


其實有兩種遊船可以揀，一種叫 Bell Cruise，係新型高速船，而另一種就係我地即將會坐嘅海中展望船........


根據簡介，呢一艘船係一艘半潛水式嘅海中展望船，除左可以眺望伊東沿海一帶嘅小島嶼，仲可以近距離睇到海底各種魚~

 

一上船職員就叫我地落去底層，個個都滿心歡喜......


之後就開船，開左唔夠一分鐘就停低，等左好耐我以為搞乜，原來隻船停低就係俾我地睇海底d 魚.......我望住個海底，係有d 魚仔游來游去，不過更多嘅係垃圾囉，而且海水顏色混濁......唔好玩啦，快d 開出去深d 嘅地方睇靚魚同珊瑚啦.......點知原來海底展望室可以睇嘅就係呢d，艘船響近岸位置停左好耐，間唔中就轉轉個方向或者向前移動少少，久不久都有一兩條大少少嘅魚........真係悶到抽筋，唔係講笑我係瞓著左，唔知過左幾耐d 職員就叫我地上返上層.......好囉，可以上去坐得舒服d，睇下島仔都好啦.......

上返去艘船就開出大海.......有班日本少女好high 企左響船尾不斷大聲講大聲笑，其實好擾人，不過過左一陣就靜晒，因為唔知究竟係風浪大嘅關係定個船長玩野，艘船拋到飛起，最初班女仔仲V嘩鬼叫每拋一下就大叫一聲，無耐就個個走返埋位坐低 --> 嘔! 下圖中間條柱掛左好多膠袋就係俾人用嫁啦.......艘船真係拋得好勁，唔好話班少女之前玩得太癲所以唔舒服，稍為易少少就會暈船浪嘅人都一定頂唔順，我細妹就暈到飛起，嘔到七彩，早餐食嗰d 全部嘔清，哈哈!! 雖然我知我唔應該笑，但真係忍唔住，睇見佢嘔到面無血色，今次真係貼錢買爛锈，反而老媽子若無其事話個boat trip 好悶

成個航程大約45分鐘，呢個遊船之旅真係無料到，仲要1600円一位，好搵笨!! 上返岸我地就去土產店逛下，有好多試食嫁......


Hea 到一點鬆d 我地就打算離開返去伊東車站，我地要搭13:47 嘅特急去下田，同嚟嘅時候一樣諗住打的啦，點知等左好耐想搵架的士都無......鬼咩，呢個時候先醒起呢個係道之駅，基本上d 人都係自駕嚟，點會有咁多的士響度等客........好在呢度都有巴士去伊東站，不過要13:20 先開，時間驚比較趕，不過如果真係無的士都要搭呢班巴士啦........


正當我地打算上巴士忽然就見到有的士到，咁就當然打返的啦........五分鐘就去到伊東站，仲有十多分鐘先夠鐘，響locker 攞返d 行李，忽然記起我地未食lunch 喎，想搵車駅便當又無，好在車站入面有間coffe shop 可以買d 野食頂下肚~

依然係搭特急踊子號~

上車就開餐啦......

食完當然又係瞓......一個鐘好快又過去，14:47 就到左伊豆急下田......

伊豆急下田站係伊豆線嘅終站，個個都響度落晒車影相，好熱鬧~

我地約左今晚入住酒店嘅shuttle bus 響車站外接我地，一出閘就見到好多酒店職員舉住d 人名牌，我個名大大隻一眼就見到啦.......由車站去酒店都幾遠，車行左大約十多二十分鐘先到酒店........最初決定黎下田本來好想住下田大和館，不過因為佢地d 露天風呂付客室全部都係和室，媽咪唔想瞓tatami，所以就改左呢間下田セントラルホテル~

同前一晚伊東嗰間酒店相比，呢間各方面都精緻好多........尋日做 check in  係企響個counter 做，今日就招呼我地先坐響 lobby，著和服嘅女職員係半跪響我地旁邊同我地check in........

當然有熱毛巾抹手同呢杯好好味嘅袖子茶~

搞掂check in 同約好dinner 時間，個女職員就帶我地去揀浴衣，當然又係女士先有啦~
 

揀完浴衣就帶我地去房間......途經一個好大嘅庭園........


環境好優美~




呢間酒店好大，要行過幾條長廊先去到房間......




走廊嘅裝飾擺設都好有心思~

 

 

一入門玄關位就有張梳化，換鞋都舒服d......

Toilet 好香!






房間無尋晚嗰間咁大，不過都唔細，有分living room 同bedroom，而且色調好柔和，設計上感覺好優雅~




日本必備加濕機


有個休憩位可以眺望出面嘅庭園~

有香薰，夜晚點住瞓教，發個好夢


有心思嘅地方仲有個擺設俾你掛手飾


有枝free 嘅綠茶......


唔係普通嘅綠茶，不過唔知有咩效用


Welcome snack


幾好味~


靚靚嘅茶具

Washroom 設備齊全.......




單係洗手都有三種消毒hand soap~


呢隻五合一嘅花雪肌據講有保濕同美白效用，試過搽手都好潤滑，酒店souvnier shop 有得賣，不過好大枝，最終都無買 (竟然無買，唔知點解，可能當時撞野)

連牙刷都係獨立原裝packing，去咁多次日本第一次唔係紙包裝


呢枝唔知係乜，牙膏?


Shampoo & shower gel......Wow, Bvlgari!


俾埋紙袋仔，預你拎走，係咪好有心思?

 

Shower 嘅地方都好閣落，而且係獨立間格，有暖氣~

呢個石凳好重

外面就係私人風呂.........


有分普通水同源泉

 

浴池好大，好正呀!!

旁邊有木椅，浸完浴可以坐低relax下.......

 

望下個私家日式庭園.......


如果唔係冬天，個view 應該唔錯~


仲可以將個竹簾放低，唔駛睇住另外嗰位赤條條響度泡湯


另外一間房嘅design 基本上同我地呢間一樣，係個露天風呂有d 唔同，我地嗰間係石風呂，而另一間係檜木風呂~


響房影完一輪相，我地就去大浴場浸浴，又由得老媽子響房自己慢慢浸.......房間入面仲有其他浴衣同便服，男士嘅浴衣只得房間嗰件.......


我當然先著呢件去浸浴，之前揀嗰件靚靚嘅留返一陣間dinner 先著


呢間酒店有舊館同東館，我地入住嘅東館只有大浴場，而舊館就有埋露天風呂，我地大把時間，打算浸晒所有浴場.......順路先去東館嘅大浴場~

長廊有好多花花擺設，好靚~

好精緻嘅人形公仔

呢間酒店標榜係自家源泉
 

女湯更衣室都好大，一個人都無，我同細妹包場，點玩都得.......

一邊有好多按摩設備，重點係全部唔需要入錢就可以任玩.......

我地當然玩盡佢




呢個按膊頭好正! 香港都有得賣~


有張BB床，帶住BB都可以泡湯......

個浴池都幾大

浸完浴又按摩完好舒服......當然飲返酒店嘅「泉飲」，係酒店獨有嘅天然溫泉飲用水........


仲有兩款醋，都幾好飲~


嘆完野飲就去舊館，又係要走好多條長廊，下面呢個係一條長橋，將東館同舊館連接.......


橋外面係條河流......


左面角落就係酒店大門~

呢間酒店響深山中自成一角，所佔嘅地方好大，設施好多，有swimming pool，大人小孩都有.......


個大人池都好堅嫁~


Tennis court


自家農場.......第二朝食過佢地d 番茄同青瓜，真係好新鮮好好食


桌球室


乒乓球室


好多休憩嘅地方


舊館呢邊嘅內湯無東館咁大，不過就有個露天風呂，更衣室亦無按摩設備~

(Photo from Hotel web site)
 

浸完浴就出去外面休息下.......


之後就行返去東館.......原來連接兩館嘅橋廊都有個名堂，叫夕映之橋


順便去大堂逛下......




目的地當然係sovenier shop


逛完就上返房，hea 左一陣就call 齊所有女士一齊換靚靚浴衣.......之前serve 我地嗰位女職員話佢可以約個時間上房幫我地著，我地最初因為唔知會去大浴場玩到幾點，所以就無同佢約實諗住睇圖自己試下睇搞唔搞得掂.......搞完一輪當然係搞唔掂嘅，於是就打電話call 個女職員上來幫我地啦~

女職員三兩下手勢就幫我地著好啦.......好靚呀，件浴衣.......個女職員好叻呀，我地三個條腰帶係唔同style 嫁.......最初老媽子唔想著嫁，不過個女職員幫佢著完佢照鏡後發現咁正不知幾高興，食dinner 食到飽一飽返房都唔係好捨得除左佢呀

最鍾意後面個蝴蝶結


著到靚一靚當然要影返多d 相啦，細妹仲癲到扮藝伎玩左好多造型照，笑到大家流晒眼水......平時同老爺兩個人去旅行就無咁熱鬧，成家人一齊真係爆笑好多，希望下次細佬一家可以join 埋咁同埋弟婦 & 小姪女一齊就好玩啦!!

玩完一輪，七點鐘就去食dinner 啦.......

 

最鍾意一入去就見到食物滿滿擺好一大桌嘅感覺






餐前酒


精緻嘅前菜
 

 

呢碟全部都好好味，海膽、帶子、好似芝麻卷嘅魷魚、入口即溶嘅拖羅


燒牛肉


鮑魚源泉蒸.......


隻spoon 嗰d 係櫻花鹽，配鮑魚好好味


好大條金目鯛同埋好大堆螺片

新鮮山葵自己動手磨

每人一隻伊勢海老，可以揀食刺身....... 

或者熟食.......我地當然兩種都試，刺身爽口，熟食就感覺啖啖肉，兩樣都好好食!


呢餐好正呀!!


鹽燒岩魚.......Sorry, 無左個魚肚，食食下先記得影相


煮物，係咩呢? 唔記得lu，食到呢度已經飽到有d 神智不清


當然仲有湯、飯 & 漬物

 

最後上埋甜品就大功告成

食到飽一飽，返房休息一陣又影下相，之後就浸下個私家風呂，冷冷嘅天氣下泡個熱湯先去瞓教真係好正呀!!

Good night


(...待續)