2013年2月東京伊豆6日無景點好hea 之旅 - Part 3

不經不覺好快就去到 day 5!! 朝早起身當然先去浸浸個私家風呂........

泉水不停流出，即使室外過左一晚水溫仍然好熱，好正!!

晨早起身泡個熱湯，真係好relax! 尤其冷冷嘅天氣下......日本人真係識嘆

泡完湯攤抖下，欣賞下個日式庭園先........




Hea 到八點就去食早餐.......一開門就見到報紙已奉上~


又係去返尋晚dinner 嘅地方~

早餐係食buffet........野食種類都幾多，右邊嗰碟沙律d 青瓜同番茄好新鮮好好食，係酒店自家種植嫁~

日本牛奶好好味


整多碗牛奶米米

咩黎呢?


西伊豆綁土料理.........好評販壳中喎，整返碗先.......

好味!

至愛漬物

好好味嘅糕點

最後coffee & tea~

食完早餐後我地又走左去大浴場........


一個人都無，我地三個包場~


食到飽一飽都未想浸浴住，其實最主要係想玩佢d 免費按摩設施啫.......呢個按摩肩膀日本賣好貴呢，香港平好多~


玩完一輪就返房，當然又再浸下個私家風呂啦，hea 夠就pack 埋d 行李，見仲有時間就響酒店周圍逛下.......


呢個庭園幾靚~~




休憩區


仲有個lounge~


我地尋日check in 嘅地方~










酒店大堂有好多蘭花，好靚~




呢條橋就係尋日我地行過連接東館同舊館嘅夕映之橋啦~








酒店入口.......


入口條橋都好耐歷史~




周圍環境都幾靚~

差不多十一點就check out，之後就搭shuttle bus 出返去下田站...... 

呢間酒店各方面都好正，短短來一個2D1N 嘅短trip，好relax! 真係有d 唔捨得走呀! 不過幾唔捨得都要say bye-bye 啦

 

11:30 返到去下田站，首先將d 行李放響locker，之後就打算去下田海中水族館.......響車站入面忽然見到有個觀光案內所，走埋去昅下，咁啱又見到原來響呢度可以買各種下田周邊觀光景點嘅入場卷，好多都有discount 嫁........

咁就響度買埋啦，原價1900円，而家只需1500円咋~

其實下田地方都幾大，當中都有好多出名嘅景點，不過今次因為最主要係陪媽咪hea，所以只係揀左一處地方慢慢逛，本來可以乘坐黑船遊下田港，不過又驚細妹再嘔，最後就揀左去水族館睇下海豚啦......由JR 站去都好近，搭的士五、六分鐘就到........

入口有個龜池，d 龜龜好大隻~

呢個水族館就響一個湖中興建，好貼近海洋feel 呀!

好多海豚就響海中游來游去.......

呢度d 海豚好幸福，有咁大地方同咁自然環境俾佢地生活~

晏d 好似會有海豚表演........

不過首先我地去左室內水族館逛下先~

好多唔同種類嘅魚~

過一日就係情人節，水族館都好應節.....不過講真呢個心都好無里頭

好長呀d 蟹腳!

之後就去睇企鵝.......

係咪天氣唔夠冷呢? d 企鵝好懶洋洋咁~


大部份皇帝企鵝都匿埋響冷氣房~

其實我真係唔係幾鍾意去動物園，將d 動物夾硬關左響個細小嘅空間，完全遺反大自然，好唔人道囉

雖然d 企鵝平時都係無無聊聊響海邊企成日，但至少南極個氣溫冷好多吧

兩隻企鵝響度kiss

好得意呀，呢度toilet d toilet paper 全部都印有魚類圖畫.......

而且仲有音姬......不過如果佢個音樂係做埋海豚叫聲就仲搞野，當然海豚叫聲又未必可以將你d 殊殊聲摭蓋又真

Touching pool，小朋友一定會鍾意~

之後又去睇下d 古怪魚......

你地響度搞咩呢?

咁似我地呢兩日食嗰d 鯛魚嘅?!

咩黎呢

原來係卵殼~

呢個海豚像有個好sad 嘅名堂，叫慰靈碑

Doctor fish 都有.......

要玩就要先洗洗手~

逛到咁上下就去搵地方坐休息一下........

就腳搵左間賣小食嘅.......

雖然都差不多係午謄時間，但朝早食嗰個buffet 早餐實在太飽，大家都唔覺肚餓，所以只係買左小小野食填下個肚~

休息完就去睇表演~

都係一般嘅海豚海獅企鵝表演......

不過其中一part 係人魚共舞，配襯住優美嘅音樂，幾好睇

睇完表演，逛埋souvenir shop，我地就離開打的返去下田站，不過又係等左一陣都無的士，好在有一個響度等客嘅的士司機幫我地call 左架的士黎接我地.......返到去車站已經三點，我地會搭16:07 JR 返新宿，仲有成粒鐘就響車站周圍逛下........

車站對出有間土產店，啱晒!

逛完土產店忽然記起尋日黎嘅時候見到車站附近好似有間藥房，當然把握時間走入去巡返個圈入返小小貨啦

逛到接近四點就去locker 攞返d 行李然後上車啦........

又係搭特急踊子號

Bye-bye 啦，伊豆下田!


由下田返新宿要差不多三個鐘，當然又係瞓教時間


返到新宿先去Hotel Sunroute Plaza check in，今晚呢間房細到呢! 我連影相都費事，需知道我地剛剛兩晚都叫豪食豪住，今晚一返到黎新宿，一打開酒店房門，簡直有種天堂跌落地獄嘅慘痛感覺，呢晚嘅房價係8950円，仲貴過伊東嗰間普通和室一泊二食!! 如果唔係同老媽子黎唔想佢最後一日趕頭趕命，我地真係情願住多晚溫泉旅館聽朝先搭返JR 出機場!!

響酒店休息左一陣就出去dinner，旅程接近尾聲玩左幾日老媽子都應該好攰，費事同佢行咁遠搵食，所以我地是但響JR 站附近商場搵左間唔駛排好耐嘅食店........

 

Order 左幾個dinner set~

食完就同媽咪返酒店，本來打算送完佢返酒店我地再出去逛，不過返到酒店hea 左一陣攤左響張床就唔係咁想再外出，都已經十點幾，原本都係諗住逛下激安，不過早一個多月前先黎過，都無咩意慾再逛住，所以索性沖涼執行李跟住搵周公啦!

瞓醒一教話咁快就去到 Day 6 最後一日! 呢一日嘅酒店係自己book，所以可以搵d package 係包埋早餐嘅~

呢度嘅buffet 都幾多野食，不過就超多香港人~


食完早餐都未夠十點，我地打算搭11:40 Narita Express 去機場，仲有個幾鐘時間，當然出去逛下，就近高島屋已經開左，快手快腳仲夠時間去埋伊勢丹同附近藥房......係咁意掃左d 貨就返去酒店check out，之後就去搭JR......




差不多一點去到機場，搞掂check in 就先去食lunch.......










食飽當然要最後衝刺，我係咁意入左小小貨咋，but 細妹就癲到連喼都買左個.......一去到shopping 兩個敗家精撞埋一齊當然搞到last minute 先肯上機，好在又可以隊老媽子出黎去排priority pass......16:15 起飛，無驚無險 20:35 就到香港，唯一值得一提嘅係CX 嘅飛機餐真係愈來愈難頂，去程都叫做仲有杯Haagen Dazs，回程連甜品都無! 好似得塊餅，我連相都唔想影呀!!

呢一日係情人節，成田機場都有特別佈置~


6D5N 農曆年合家「親子」遊話咁快又玩完，不過遊記就仲未可以完，最後一篇當然又係戰利品 show time 時間啦

(...待續)