2014年新春九州好hea 6日 - ゆふいん花由

自從老豆早幾年上左天堂嘆世界，近幾年每到農曆年我同細妹都習慣陪老媽子出去郊遊，今年都唔例外，目的地當然都係日本，今次揀左九州，諗住老人家唔使咁凍嘛......果然，北海道日日負數溫度固然司空見慣，有同事去完返來話凍到鼻毛都結晒冰，但連關東地區都失驚無神經歷住45年來最大暴風雪以至陸空交通遭受大災難之時，我地響和暖嘅九州日間最高氣溫去到19度，有兩日我只係著一件 T shirt 走響街頭真係好寫意，最意外竟然響鹿兒島見到櫻花！同一個國家，天氣可以如此多采多姿，我只能夠用 「教我如何不愛她」來概括我對佢嘅感覺

同媽咪親子遊，我地嘅主題當然都係 hea 啦，今次我地去左湯布院、阿蘇同鹿兒島指宿，不過六天旅程其實日日都無乜行程，中間連住三晚溫泉酒店等媽咪泡足三晚湯，頭尾兩日嘅小小時間當然就係我同細妹嘅享樂時間，響博多駅盡情咁 shop shop shop 啦!!


既然無行程，於是決定改一改個遊記方式，唔再花時間逐日事無巨細乜都 up 一餐，咁搞法我 d 遊記寫到死嗰日都寫唔完......今個 trip 個主題既然係泡湯，咁就一開篇介紹第一晚嘅溫泉酒店啦~



上兩年我同老爺去九州有去過湯布院，當時住嘅旅館叫吾亦紅，相當唔錯，不過佢嘅房間只得和室，因為老媽子唔可以瞓地下，所以今次我地揀左另一間 ゆふいん花由 ，距離由布院駅大約6分鐘車程，如果打的大約1600円......

酒店亦有 free shuttle bus 提供迎送服務~

車子將近到就已經見到有兩位職員響大門口企定定迎賓~

大門旁邊有個魚缸~

酒店 lobby，我地就係響度做 check in~

Welcome drink.....比較 surprise 係竟然無 welcome cake 

外面個景好開揚，可以望到由布岳~

搞掂 check in，職員問左我地房間嘅分配安排就預先幫我地送左d行李去房先.....負責跟我地嘅大叔識講英文，溝通無難度，帶我地去房間之前約略同我地介紹酒店設施，大浴場同露天風呂個 location 比較奇怪，響大門口右手面，即係要出左酒店先去得到~

之後就帶我地去揀浴衣，當然又係只限女性有得揀~

旅館嘅範圍好大，住客房間分佈晒成個山頭......

呢座 building 就係剛剛入口嘅地方，叫「ゆめの里棟」，頂樓係客房，中間落地長窗嗰層就係 lobby，要搭 lift 落地下通去食事處同其他客房....

沿路有指示每個區域方向，唔驚行錯路~

呢個區叫「花由棟」，本館二樓係客房，一樓係 souvenir shop 同食事處，本館旁邊係家族露天風呂同獨立屋「離れ」~

 

我地間房響最遠嘅區域，要行好長嘅路......

 

沿途景色都唔錯嫁

經過好多獨立屋


過埋呢條長廊就差不多到啦，不過夜晚成個山頭好少街燈，呢條長廊更係漆黑一片，夜媽媽行過都咪話唔驚

終於行到去我地間獨立屋啦

我地住嘅客室叫「清流」.....

拉開大門左面係一個小庭園.....

右面就係有得上鎖嘅木門

房間都幾大，落地長窗令全室好光亮

比較特別有 floor heater，朝早起身落地嗰下暖笠笠好舒服

日本必備加濕器~

有 DVD 機，可惜無帶 DVD.....今次有 d失策無事先 check 定酒店房間設施，原來入住嘅其中兩間溫泉旅館嘅客房都有 DVD 機，早知帶定d 韓劇比老媽子煲

送兩枝水

Welcome snack

Hehe, 有啤牌供應~~

衣櫥另有酒店 standard 浴衣，男士就係著呢d~

另外仲有一件披風，響剛才揀浴衣嘅地方揀埋顏色，男士只限深藍色，fleece 質地，好保暖，不過個外型好搞鬼.....

有圖教你點著件野，其實係一張氈加左幾粒鈕.....當夜晚我地成斑人披住呢件野響黑媽媽嘅小路逛時，我覺得我地好似霍格華茲嘅學生咁識得魔法，俾多枝掃把我地就可飛上天

外面有個小花園.....




可以遠眺由布岳風景~

Toilet 都好闊落.....

除左洗 pat pat 功能仲有搖控開合廁板~

不過最 happy 係附有獨立 sink 盤同 paper towels

梳妝台嘅設備都好齊全......

四條大毛巾同響溫泉酒店我個人最在意嘅細節 -->凳，俾個 like 佢！

唔知係咁啱定咁 kiu，發覺近兩年d溫泉酒店已經唔係咁多有呢 d 印有旅館 logo 嘅索繩袋供應，所以見到好開心

第一次有埋 facial mask! 係Q10美肌，好窩心 (Well, 其實係 C9 愛貪小便宜)

沐浴嘅地方有暖氣~

內風呂，都好闊落，絕無侷促感，掂！

當然最正係外面嘅 jacuzzi，可以展望遠方嘅由布岳

晚餐揀左6:00時段，已經係最後時段......夕食 plan 叫「豐後赤雞溶岩燒」，雖然我唔知豐後赤雞係咪當地名物

夕食嘅主打，豐後赤雞溶岩燒，肉質都幾滑嘅~

食飽當然就逛逛 souvenir shop 

高踭人字拖，好 elegant nei~

另一邊有免費咖啡奶茶供應~

休息一陣就去大浴場浸浸.....雖然自己房間有私家風呂，但我地嘅格言係「唔好蝕」一定要浸埋酒店所有溫泉

大浴場設施一般，男女湯各有內湯同露天風呂，仲有 jacuzzi (據講好似只係女湯有，其實唔敢肯定係咪位男士發雞盲)......雖然夜晚睇唔見外邊風景，不過從酒店 web site 都知道可以眺望由布岳，日間浸住浴欣賞應該都唔錯~

(Extracted from Hotel Web Site)

不過我地自己間房一樣有內湯、jacuzzi，亦可以望到由布岳，都係返房享受私家浴啦~

一邊泡湯一邊望住遠處點點燈火，夜空上仲有好多星星，好正

之後就食下午響超市買嘅士多啤利，配以 rose wine，係另外一間房個 plan 附送嫁，都 ok 幾好飲~

泡過湯飲飽食醉，響舒適闊落嘅大床瞓個好教先

第二朝由布岳清晨嘅景色~

當然又第一時間享受 jacuzzi

好寫意

內湯一樣浸得好開心~~

再坐低 hea 下曬下日光浴，sooooooo relax~~~

八點又去食早餐.....睇 menu 好似都有幾多野食，但其實唔算多......

食完出去 hea 下.....

嘆杯奶茶.....

再 shop 下 ing

有個 mini 朝市，售賣當地土產.....

他他條條話咁快咁就豪左一晚.....總括而言，呢間溫泉酒店環境同房間都好正，service 亦 ok，不過兩餐就只係一般，而且旅館範圍太大，如果扶老攜幼老人家要逛上好一大段路就真係唔太方便啦.....(忽然發現，原來平時同老爺兩個人去外地玩好多野都唔覺得有問題，但當同老媽子一齊去，你就會發現原來好多細節對一個老人家嚟講其實唔係想當然嫁~)

(...待續)