2014年新春九州好hea 6日 - 親和苑

今次旅程第二間入住嘅溫泉旅館係位於阿蘇內牧溫泉嘅親和苑，旅館無 free shuttle bus service，如果唔係自駕可以響阿蘇駅打的，大約1300円左右~

吸引我揀呢間旅館嘅原因係因為呢個燈籠.....

呢間親和苑係「日本秘湯守護會」成員，之前我地浸過同係入選秘湯嘅乳頭溫泉鶴之湯、新穗高溫泉槍見館覺得真係好正，所以今次都好期待

呢間旅館係家族經營，根據女主人講佢地四代同堂，一家大細都響旅館工作，最大年紀嘅婆婆已經八十多歲仍然好健壯，最細成員就係女主人嘅仔仔，佢仲抱出黎同我地玩.....女主人好 nice，識講英文，同我地企響門口閒扯左好耐~

之後女主人就帶我地去外邊介紹旅館其他設施......本館外面就係 carpark.....

旅館隔離係一間精神病患療養院......well, 可以樂觀地諗呢度空氣一定好清新先適合病人.....再差 d 嘅墓地我地都試過啦

旅館除左本館，仲有四間獨立屋「杜の隠れ家」......

我地住呢間叫「翡翠」~

玄關好闊落~

客廳係傳統嘅和式設計，好有一種古雅嘅感覺~

女主人為我地泡茶，仲有好好食嘅豆豆

最鍾意係有暖桌，坐響度食下和菓子飲杯綠茶 hea 下好 warm 好正~

雖然係古色古香嘅裝修，但一般設備先進齊全.....

除左 TV，仲有 DVD 機，最正當然係全館包括部屋全部 free wifi .....左下角個電話係打去家族風呂方便客人知道係咪有人使用中~

古典嘅燈

用一塊布就可以做成一個紙巾套，等我都學整下先

靠近窗有個小偏廳，小小嘅木桌木椅，好可愛.....

桌上仲有豆袋玩~

窗外可以望見園林景色~

窗台有可愛嘅小擺設~

衣櫃除左浴衣保暖外套襪子小毛巾毛氈外，仲有一個印有 Kumamon 嘅布袋，so cute，旅館送贈可以拎走嫁~~

Pantry.....既有古典型木 cupboard.....

亦有 Nespresso....

有五粒 capsules

另有睡房，兩張好舒適嘅床~

Toilet 好闊落.....

除左洗 pat pat 功能，仲有遙控開合廁板功能，連蓋板都可以 remote 同自動感應，勁過尋晚嗰間ゆふいん花由 ~

洗手盆梘液毛巾一應俱全，very good ar

連個垃圾桶都好古雅~

另一邊 washroom 就更闊落.....

基本設備齊全~

外面就係私家風呂......

好大......既然係入選日本秘湯守護會，泉水當然好正，浸完皮膚真係好滑溜

部屋無 bathtub，只係溫泉池旁邊有 shower......始終都係室外，冬天響度沖身都好係野

泡完湯就出去外面逛下.....

有個圖書館......

館內除左各種書，仲有 DVD，住客可以隨便揀選，無職員駐守亦唔駛登記，完全靠自律~

再過 d 係露天風呂.....

分男女湯，兩個都分別有更衣室，好乾淨，環境都一樣咁正~

兩個溫泉池都唔算十分大，但環境唔錯~

不過沖身地方都係露天~

露天風呂附近有個囲炉裏，泡完湯可以響度 hea 下，飲杯熱湯~

泡過湯舒舒服服去 dinner，食事處響本館.....

響獨立個室食，相比尋日嗰間，又勝一籌~

食物亦都精緻過尋日嗰間......開餐啦~~

梅酒，賣飛佛

七款前菜，款款都好好味

Sashimi 係鱒魚 (三文?) & 馬肉.....第一次食馬肉刺身 (掙扎左好耐) 同生牛肉刺身差不多，感覺好似爽口 d~

上面玉子豆腐，下面唔記得係乜...

章魚煮

鹽燒山女魚

炸河豚、野菜

肥後牛，yummy yummy!!

唔好以為係茶碗蒸蛋，其實係勁多料嘅湯

土鍋飯......

配自家醃製漬物，份量好多，我全部 KO 晒，超正

Dessert 有雪糕、燉蛋 & cheese cake.....oishii)))))

食飽飽就出去 hea 下，食事處外面有個 bar......

有 free coffee.....

我地房都有 Nespresso，所以都只係飲果汁.....右邊嘅赤紫蘇水幾好飲~

仲有波板糖任攞

周圍 hea 下影下相.....

迫媽咪玩下造型照

又 shop 下平

休息夠就去浸下家族風呂......

唔需要預約，去到如果係空室就可以鎖埋門慢慢浸~

基本用品齊晒~

仲有腳底按摩玩~

最正係沖身嘅地方響室內，如果太凍頂唔順大浴場或者自己部屋嗰個露天 shower，可以走嚟沖涼都得，而且沐浴用品係馬油，正！

溫泉池個 size 唔算好大但都 ok~

來個三熊泡湯樂先

泡完湯返到房一入門口就見到有個籃放左響玄關......

原來係夜宵，好窩心呀

攤抖下，之前響圖書館竟然見到有少林足球 DVD，仲係粵語配音，即刻借返嚟笑下~

一邊睇當然一邊沖返杯 Nespresso 嘆下.....

再食埋夜宵.....

臨瞓前再浸多次浴~

泡完湯發返個好夢

第二朝起身當然又再浸多次個私家風呂.....

浸完 d 皮膚真係好滑，滑溜程度拍得住十勝川美人湯，好正

朝食之前出去外面逛下，朝早空氣好清新.....

呢間就係我地住嗰間獨立屋.....唔記得關燈添

有好多菇菇呀~

朝食響返尋晚夕食個室.....

有牛奶供應~

獨立個室用餐，食都食得舒服自在 d

兩隻野駛唔駛咁 sweet 呢

好快趣姐姐仔已經將 d 野食放滿一大桌，好 like 呢個豐盛 look~~

嘩！呢兩片肉肥到呢

睇落好似唔係好多野，但食起嚟份量十分足夠，食埋個甜品要捧住個肚走！

返房 hea 一陣執埋 d 行李，再寫埋個住後感就 check out 啦......

總括而言，我地都十分滿意今次呢間旅館，無論食住浸都好正.....老媽子最初踏入旅館時覺得咁舊式一開始唔係咁鍾意，但到走時個 comment 已經 180度唔同晒，仲第一次見佢竟然自動走去浸浴，佢話浸完覺得平時痛嘅地方好似舒緩左小小所以樂意浸多幾次喎~~

睇下，連首相都嚟過喎.....that's why 呢間旅館可以入選秘湯守護會，唔係 "流" 嫁!!

(...待續)