2009年8月北海道親親大自然之旅 - 食到唔想再食嘅蟹將軍

DAY 1
PART 5 (薄野...札幌站)

 

響狸小路入左貨後，我地就去醫肚喇........  

每次黎北海道我地都會食一餐蟹宴，對上一次我地食蝦蟹合戰，老爺始終覺得無蟹將軍咁正，所以今次我地又去蟹將軍諗住擦餐勁!! 本來都想去試下近札幌站嗰間雪華亭，但實在太攰唔想再行......

我最鍾意影佢門口隻大蟹，次次黎都要影，好無聊.....

蟹將軍 (http://www.kani-syougun.com/)

對上一次黎勁多人無得揀位所以安排左坐tatami，真係坐得好辛苦，坐唔係跪唔係，又無得"俟"，好攞命!!

......食呢D蟹宴梗係想坐得舒舒服服慢慢食，所以今次一定要求要坐凳，好彩呢晚未至於好多人，安排左我地坐足落とし席~~

一坐低啤啤佢先啦~~

Menu有中英日韓文同圖片，好周到嫁，不過太多款會席，花多眼亂，再加上坐低後幾啖啤酒落肚，開始有D眼瞓，費事諗我地叫左兩個Otaru Set......嘻嘻，今個trip無去小樽，就食番個小樽會席啦~~

前菜已經好好味~~

螃蟹豆腐

我最鍾意嘅帝王蟹刺身......yummy yummy!!!

睇下，真係好鬼大條蟹肉嫁~~

松葉蟹刺身.....醮醋好好味呀~~~~

蟹黃，一個字，正!!!

蟹肉燒賣

烤帝王蟹......雖然都係好好味，但呢個時候已經開始有D膩......

仲有好大窩帝王蟹鍋!!......食一碗已經頂唔順飽到好呆滯要半攤響地上攤抖~

我嘅殘餘物資......

食到捧住個肚，去完toilet返黎諗住叫上水果，點知仲未完，救命!! 又上油炸蟹殼.....個蟹殼熱辣辣，好好味，不過真係食唔晒.....無講笑，我望住隻蟹殼，真係同佢講左聲唔好意思.........

以為真係食完啦，點知個侍應又黎整蟹粥.......

窩粥好"傑"嫁

"傑"到成對筷子都可以插住唔跌

雖然呢個蟹粥真係好香好正，不過真係已經飽到上心口，塞唔落啦~~~

攤抖一陣上埋水果，係哈蜜瓜!! 幾飽都要食

，好甜呀)))))

整返杯熱抹茶舒緩下先.......

飲飽食醉就埋單走人，之前已經響網上print定割引卷，可以有九折嫁!!

門外放左好多巨蟹可以外賣，好想將佢拎走~~

仲有好大隻Hello Kitty，點解唔將佢扮到似隻蟹呢~~

離開時差唔多十點，薄野區仍然好旺......

由薄野搭地鐵返札幌站

雖然只係短短兩個站，但真係實在太攰太眼瞓，搭凌晨機嘅後遺症響呢個時候完全發作出黎，兩個站嘅車程都瞓到差D唔知醒落車......

返到酒店拿拿林執好D野，沖完涼就教教豬啦，因為聽朝要去攞車自駕出發去美瑛遊花田，好緊張呀~~~

下一篇預告︰有人發老脾呀!!!!!