DAY 1
PART 3 (札幌市中央區...白石區...)
上一回講到響牛角食完午餐，就開始下午嘅行程.....
大家睇上一篇嘅預告同今篇嘅標題，係咪以為我地今次經歷左響香港從來唔會經歷嘅地震呢? 嘻嘻.....真係大吉利是，當然唔係啦
當初plan行程嘅時候，曾經諗過響札幌呢半日不如去小樽逛逛，但因為想傍晚行下大通公園嘅夏祭，唔想響小樽行得咁趕，同埋小樽真係已經去過好多次，去得太密就無晒D新鮮感，無謂破壞佢響我心目中嘅地位啦
早前睇雜誌介紹札幌有個市民防災中心
(http://www.city.sapporo.jp/shobo/tenji)，有得玩地震體驗，好似幾得意咁，趁呢個下午嘅時間一於去玩下啦~~
呢個防災中心響札幌嘅白石區，先要由札幌站搭地鐵南北線去大通站，然後再轉東西線，車費240yen~
於南鄉七丁目站落車，只係十幾分鐘嘅車程咋~
出左站行大約五分鐘就到喇~
呢個中心因為係公共教育機構，入場完全免費......
一入去首先見到一大架消防車響度陳列~
長長嘅雲梯好矚目~~
響reception攞定張防災博士挑戰卡，用黎玩各種模擬嘅演習嫁~~
第一個展館係睇3D電影，介紹中心嘅各種防災活動同設備.....
(官方網頁圖片)
我地急不及待先走去地震體驗室，入到去剛剛有一家人響度聽緊個職員講解.....呢個地震體驗室係一個模擬嘅客廳，最多可以四個人入去玩，我地睇住佢地點做，乘機記住晒D步驟
入到去大家要坐響度當無野咁傾計，跟住個地板會搖動
睇完人地玩跟住就到我地喇.....好緊張呀.....
一入到去我地就照樣坐低扮傾計
D震動愈來愈勁，老爺即刻拉我入枱底，嗰時個感覺真係好奇妙，明知係模擬，但係嗰種搖動真係好厲害，成間屋好似搖搖欲墜咁
好開心呀
呢個地震係模擬當年兵庫縣南部地震嘅五級強度嫁，就咁睇好似唔係好耐，但係當你身處其中，嗰兩分鐘就真係好長嫁，好似搖極都唔停咁呀，絕對係好特別好難忘嘅一次體驗!!!
玩完地震，我地就繼續挑戰下一個項目，模擬響火災現場逃生!! 職員首先同我地講解一下，雖然唔識日文，佢地預備定一張英文嘅list俾外國遊客，張list主要係list左遇上火災要注意D咩野，其實響火警發生嘅時候，好多死傷者都係因為吸入過多嘅煙霧而窒息焗死，所以個人一定要將重心降低屈膝咁行，同埋搵條濕毛巾掩住口鼻......
我地就係要響呢兩層舊樓入面搵返條路出黎.....其實當時我地都仲係十下十下未係好知要點樣做
一推開度門入到去......Oh NO!!!! 完全係漆黑一片，咩都睇唔到，仲有好多上升嘅煙霧，好驚呀!!!!!
摸左一陣終於搵到一度門，推開佢又係另一間房，又繼續好徬徨咁搵出路
搵左一段時間，對眼開始習慣黑暗，有D門隙都有透小小火光，我地一路躬身行，終於搵到條樓梯落地下，而最離奇嘅係響咁狼狽嘅情況下，每逃離一間房我地都記得將打開嘅門關好
跟住我地又去玩救火喇.......
(官方網頁圖片)
今次呢個模擬體驗係教你點樣使用滅火筒，職員會詳細教你拎起滅火筒嘅正確姿勢，然後打開保險鎖，用手握住條喉管等等嘅程序.......實習開始時銀幕模擬家居廚房會著火，我地就跟住個程序將滅火劑噴向目標，限時十五分鐘......
聽講解嘅時候好易明，但當真正玩時就有D手忙腳亂
玩完三個模擬演習，我地就周圍參觀下，其實中心入面仲有一個模擬報警演習，不過係日文所以無玩~~
參加者如果玩晒四個項目同答中晒D問題，就可以成為防災博士，有張證書添嫁~
其他嘅項目仲有可以學心肺復甦法~
又可以駕駛模型直昇機去搜尋災難生還者......
展館仲展出好各種應付災害嘅求生用具~
一般消防員嘅防火制服
呢種係耐熱嘅.....
仲有放射線防護服.....
化學防護服都有~
防災中心隔離就係真嘅消防局，隔住玻璃可以睇到D消防車同消防員~
大堂陳列嘅消防車，可以走上去參觀同影相~~
走上去駕駛席坐下先......
仲有展示前一日札幌市嘅火災數目~~
當然唔小得紀念蓋章啦~~
如果鍾意仲可以響度玩填色進行親子活動.......
好多小朋友嘅作品
參觀完梗係買返些少紀念品啦
原來買紀念品要去辦事處買，個接待員好好人，即刻call第二個職員黎替佢個位，然後親自帶我地過隔離搭埋電梯，然後又有另一個職員出黎招呼我地坐.......勞師動眾咁，其實我地只係想買條500yen嘅電話繩咋~~
辦事處都陳列左其他唔同嘅救災用品
之後我地就離開喇......呢個防災中心真係好好玩，好適合帶D小朋友去體驗，我最難忘當然係感受五級地震同響黑暗中搵出路啦
離開防災中心，我地就搭返地鐵去大通站，準備去行下一年一度嘅夏祭.......
預告︰唔係掛，咁樣就叫夏祭?!
沒有留言:
發佈留言