2月22日 (DAY 4 - PART 3)
今日第一個行程係去坐新穗高空中纜車,上山睇下有日本北阿爾卑斯之稱嘅連綿山脈........由槍見館駕車去新穗高纜車站唔駛十分鐘車程.......
纜車分兩段,第一段由新穗高溫泉站到鍋平溫泉站,車程五分鐘,第二段由白樺平站至西穗高口站,需時七分鐘........
纜車最大嘅賣點,係第二段嘅雙層吊車,雖然坐完之後我都唔知有咩咁特別,不過旅遊書話係日本首部雙層吊車,咁都要去見識一下啦~~
-8度,都唔算好凍啦~~
2800円,其實都幾貴,兩程纜車夾埋先得嗰十零分鐘,有人不斷響度嗌俾人搵笨
.....響車站隔離例必唔少得嘅販賣店,忍忍手先,玩完返落黎先同你死過
........第一段纜車半個鐘一班,十點鐘先有車,趁有小小時間,響車站外面行下先.......有個足湯喎.........
有飛驒野食賣.......
夠鐘上車.......
啱啱有架車落,既然有車,點解要成半個鐘先一班?? 攪到鬼死咁多人迫埋一架車!!
好快就到左鍋平高原車站........出左車站要響戶外行兩分鐘先去到白樺平車站搭第二段纜車........
如果唔趕時間,可以響呢個中途站hea下,有免費足湯、露天溫泉、登山步道 (冬天關閉,不過唔關閉睇怕都無咩HK人會行)、植物園,響白樺平車站亦有個畫廊展示飛驒地區嘅藝術.......我地當然一個都無去啦,有邊次響日本坐纜車D時間唔係計到盡趕到屎呢!!
(Extracted from Official Web Site)
左面嗰個就係免費足湯,好想走去浸一野.........
如果我再嬌小D就走去玩下.........
第二登山車站白樺平車站
可以租借滑雪用具~~
第二程車係雙層車廂,我地去時坐上層,回程時坐下層.......不過講真,上層同下層咪又係咁上下,一樣迫爆人,一樣企響度,睇嘅咪又係嗰D野..........
呢個日本妹妹好得意,忍唔住影佢~~
見到雪山啦.........
唔知點解一路上山我一路諗返起藏王山上面D樹冰........
好快就到左山頂~~
山上嘅景色好靚呀!!
由於天氣好,連綿嘅雪山一覽無遺,雖然車費好貴,但都值得嫁!!
可以同雪人影相~
又可以寄信~~
呢個真係好似我地舊年響藏王見到未完全成形嘅樹冰呀!!
響外面展望台影完相,可以走返入去室內餐廳hea下.........
不過我地好趕,響山頂只係逗留15分鐘,好快速影完相即刻搭10:45班次嘅雙層纜車閃人.......
又見到白樺平車站.......
到站即刻行去鍋平車站,因為要趕11:00嘅纜車落返山,如果miss左就要等半粒鐘~~
鍋平車站D裝飾好可愛........
呢幾舊鐵係遇有風時用黎放響車廂入面穩定車身嫁.......
落到山腳,唔駛講當然去shopping啦!!
好多飛驒寶寶呀!!
買完野整返枝飛驒牛奶嘆下先,好好味!!
攞返架車就離開新穗高,要同奧飛驒講bye-bye........
呢條隧道就係尋日我地黎嘅時候差不多到達旅館時經過嗰條隧道........
一出隧道口就見到槍見館嘅方向指示.........真係Bye-bye 啦,槍見館!!
離開新穗高溫泉鄉,離開奧飛驒,我地向住下一個期待已久嘅地方前進......高山!! 我地黎啦!!!
(待續
)