2011年8月29日星期一

2011年8月澳門好hea 2日 - Day 2 (Part 1)


第二日....講明係好hea之旅,當然係瞓到自然醒啦


今日仍然好好天

,外面已經日上三竿.....


遲d Sheraton起好埋個渡假村,相信呢個賭城又有另一番景象~



酒店包早餐,響三樓Mezza9,不過去到又話搬去二樓宴會廳.....



呢個buffet超多野食呀!!! 尤其d麵包,多種類到唔知揀邊隻好,哈哈....仲有飲野,有幾可聽過酒店buffet breakfast會有smoothie嫁? 不過太多野食,最後我竟然唔記得去飲個mango smoothie,唉~



掛住食我只係影左好小相.....




雞粥,好味!


呢個早餐食左好耐,哈哈....食完周圍影下相~



d地方大到有咁多空位唔知點用~


返上房又浸多次泡泡浴,哈哈~



Hea到差不多十一點要執野check out......真係好多水飲唔晒~


將件行李keep響酒店夜晚走先返黎攞~


又去影下個地球儀先~



我覺得好有印象派feel呀


酒店大堂Lobby Lounge,據講個葡撻好出名,晏d有時間要試下先~



今日嘅行程....其實係無行程嘅,澳門d旅遊名勝以前已經去過好多次,所以一開始我地已經唔打算再去逛澳門d橫街雜巷,只諗住響路氹呢度幾間酒店hea,美其名係實地探究一下澳門繁華嘅一面



呢度就係尋晚排隊入場睇龍騰show嘅地方,朝早水靜河飛~


哈哈,我地又去威尼斯人呀.....







朝早無咩遊人,同尋日爭好遠....其實d人響晒入面搏殺ing



無咩人阻住晒可以慢慢影下相~







賭場入面真係好多人,d人唔知係咪賭通宵無離開過呢?


好金嘅裝修~


響威尼斯人hea左一陣,老爺話不如先過去Galaxy嗰邊睇下咩環境,下午先返過黎hea,因為我想去玩有個冰fun世界要下午先open....


Galaxy,就響威尼斯人隔離~


新濠天地、威尼斯人同埋Galaxy三間酒店其實都有free shuttle bus往來,不過成日都好多人排隊,老爺話咁近不如行過去啦,過條馬路兜個彎已經係,等得車黎都已經到.....


就係咁我就放棄左唔搭有冷氣嘅shuttle bus跟左條茂利行

....佢老闆,望過去好似好近,但係響大熱天時下真係好攞命啫
,條友仲要響度左影又影,行左一陣我已經一身都係汗想伸手call的,當然又俾老爺 "坤" 左話行多兩步就到,其實我都唔知點解要信佢....唉~




幾經辛苦終於行到去有摭蔭嘅地方,係shuttle bus上落客處!!


入到去酒店就見到好多五顏六色嘅柱狀物體.....




呢d柱原來有名堂,叫如意晶彩,帶俾人好運氣喎,祝d人手風順d咁啦~



Galaxy呢邊d shops都係大眾化d.....


終於見到間萬靈....搵勻三間酒店想搵間便利店都無,都唔知有無搞錯!!


呢度係通去悅容莊嗰邊~


Galaxy個賭場有真人現場表演....我地當然走入去行個圈做下實地考察啦~


響賭場hea左一陣,對腳真係已經攰到無能為力.....我地就去大堂坐低等睇「運財銀鑽」....


呢個免費show每半個鐘上演一次.....


盞水晶燈好大好閃~



等左一陣個show就開始......


音樂響起,水池慢慢升到好高.....


好快個水池又降返落去,一粒好大嘅鑽石就響中間出現!


粒巨鑽響中間轉轉下.....


之後個水池又升返上去,到落返黎時粒巨鑽就消失左~


都幾過癮嘅,不過講真好浮誇囉!!


免費show當然係任影video啦.....

睇完又係時候要去醫肚嘞.....咁快又去食野,好似食完早餐唔係好耐喎.....係呀,呢個trip我地基本上都係行行企企hea下hea下食d野再賭兩手d時間咁就過左去,哈哈!!


(...待續)