Yeah!! 搬blog成功~~~

Yeah yeah yeah, 終於搬blog成功啦!! 好happy 呀!!

未試過唔知，試過就會明白，搬blog就好似搬屋咁鬼煩，真係煩死人，我搞左好多日呀，21 個zip files, 萬幾張相，單係resize d pic 都成兩粒鐘，因為大部份時間響公司搞，死人公司又block 左好多野搞唔到，單係upload the images file 已經用左兩日! 我係電腦白痴，唔知點解我又特別多野搞唔到，其實真係無諗過會搬得成，好多謝幫過我嘅blog友，尤其係阿不，thank you soooooooooooooo much，我成日響office hours 煩住你，下次出嚟食飯我嘅，haha!! 

仲有要多謝小肥同佢響post入面quote 嗰位木木媽，我係跟住佢地個steps 做嫁，好多謝佢地好詳細嘅教學，真係好helpful!! 雖然成個過程好煩，中途都曾經有諗過放棄，但而家搞掂真係好開心呀，今次響過程中我又學到好多野啦，very good experience ar!! 之前好擔心響 Y Blog 嗰d 私人留言會show 晒出嚟，我實在有太多同人八嘅是非 (hehe~~)，原來搬左過嚟之後係無左唔會show 出嚟嫁，而家放心晒，哈哈，不過d 私人post 就要人手改返做草稿，但都好簡單易改，仲有就係blogspot 唔似Y blog 每篇會自動顯示一小段文，要人手逐篇set 返個jump break，係煩d，不過呢d 都係好小事，得閒先慢慢做返啦.......而家搞掂晒，我又可以開始寫返遊記啦，yeah!!!

最後一篇

近期好busy busy, 因為要趕住plan 月尾個北海道trip, 不過幾busy 都要寫埋yahoo blog 嘅最後一篇~

Check 返原來我響度開blog 係2008年11月16日，已經寫左接近五年! 雖然中途搬過一次家，不過始終都覺得yahoo blog 最舒服，而且又有得私訊可以同人講是非, haha!! 之前我成日鬧yahoo blog 覺得佢成日搞好多野好麻Q煩，真係好火滾，不過平心而論佢始終係一個免費平台，我地分文不出就可以享用，其實要同佢講聲thank you, 最開心係因為寫blog 而識到好多blog 友，有d 仲做埋fd 得閒約出嚟食飯吹水，而且從其他人嘅分享同經歷中我學識左好多野，點計都係有賺啦.......而家終於呢度要摺埋，都有小小唔捨得，yahoo blog 真係我地一個集體回憶，but 人地又真係無講過會last forever woh, 對於我自己嚟講，寫blog 嘅日子係好enjoy 嫁，因為我從來唔會俾壓力自己，得閒就寫，開心就寫，有人睇又寫，無人睇亦都keep 住寫，寫到咁上下覺得厭悶咪又開一個新topic 寫下囉，而且我打字快，又「才思敏捷」(其實係鍾意吹水，哈哈!!) 所以up to this moment, 我都無諗過要唔再寫，至多係因為lazy or busy 好多時hea 住寫啫.....從來寫blog 個原意都係留返個record 得閒時回味，出發點純粹係為自己咋，絕對唔係好偉大咁要幫其他人俾大家咩資訊，不過我地d 騎呢經歷如果曾經或多或少都幫過下其他blog 友都係一件開心事，所以無所謂啦，邊度有得寫咪搬去邊度寫囉，正所謂此處不留人自有留人處，最希望可以將以前寫落嗰d 順利搬走啦，不過even 搬唔到都doesn't matter la，最重要係我寫嘅時候或大家睇嘅時候enjoy 過就已經ok, right?

如果大家有興趣繼續睇我同老爺嘅遊記，得閒就請去呢度探下我啦! (不過暫時都應該唔得閒update 住啦)

YAHOO BLOG, thank you n byeeeeeee~

日本地震震撼我地嘅心.....

今朝見明報周刊封面標題「十五分鐘吞噬仙台」，感覺真係好傷感.....尋晚一路望住有線新聞，我地嘅心情都好沉重.....早兩日先見內地又發生地震，當時仲諗點解大陸近來D地震一單接一單，估唔到轉眼就到日本，仲係咁大單!!

一個8.9級地震，影響所及成個東北沿岸，甚至遠至北海道函館、十勝等地.....我地雖然未經歷過地震，但仲記得上次響札幌試過嗰個地震模擬體驗，五級地震嗰種感覺已經好無助好可怕，更何況去到8.9級.....平時大陸有天災人禍當然會唔開心，汶川地震真係覺得咩叫血濃於水，但今次日本大地震，心入面嗰種傷感真係特別深刻.....響民族情感上，當然偏向大陸，但如果從旅遊感情上黎講，日本係我地至愛嘅一個地方，感覺係咁親切，睇見一剎那成個地方滿目瘡痍，嗰種沉重真係滿滿壓響心入面，一方面我地慶幸好彩早一個禮拜回港避過災難，一方面睇住被海嘯沖擊嘅地方，好多都係我地去過又或熟悉嘅名字，心入面就更加難過.....究竟呢場天災會做成幾大嘅傷亡同經濟損失我地唔知，但睇見佢地D民眾仍然維持紀律奉公守法，我相信佢地嘅復原能力一定快過內地好多倍，至少佢地政府無咁多貪官從中作梗.....希望呢場天災快快過去，日本永遠都係我地心目中旅行嘅No. 1樂園!!

爸爸走了

這一篇網誌是為了紀念我親愛的爸爸而寫的。

爸爸上個月走了。

要哭的也哭過，要痛的也痛過，以為時間可以將悲傷沖淡，但每當自己一個人靜下來時，淚水總仍是會默默地流下。

我很想念他。很想再次聽他的聲音、再次看到他的面容、很想再一次握他的手，但這一切都已經是沒有可能再發生的事，每當想到這個事實，我總是會有心如刀割的感覺。

人為什麼總是如此執迷不悟，多少人、多少次告訴你要珍視現在，我們好像看得通透明白，但其實我們總是將生命中的最重要忽略。無法言喻的悲傷，除了對爸爸的不捨，更多的是悔疚。對於爸爸的病，過後回想，我總是懊悔是否當日的一些決定是做錯了。我知道再這樣想是無濟於事，對於生命的終結，對於人生的來去匆匆，也許我永遠也沒有足夠的智慧去參透箇中的道理，但我實在無法原諒自己在爸爸生前做得不夠多不夠好。很多事都是過後才醒覺，是不是總要在失去後我們才能真正學懂珍惜？

還記得最後一次在家跟爸爸閒聊，那最後的一個星期五，爸爸跟我說，早上和媽媽去看醫生，由家門口徒步往的士站，平常不用五分鐘的路程，當天他用了二十五分鐘。那夜回到家，跟弟弟電聊說起這件事，當時的我邊說邊已泣不成聲。為什麼人力是如此渺小？生命中實在有太多事我們是如斯無能為力。

近日我總是想起妹妹跟我說過的一段話。身為天主教徒的她，曾經向天主祈求，盼望天父可以多給爸爸二十年的時間，後來她又深怕自己太貪心，所以就改向天父祈求多給爸爸十年。爸爸走後，她不明白，為什麼只是區區的十年，天主也不能答應她。其後有人告訴她，爸爸的離開，天主自有安排。去到天國的爸爸，在天父的懷抱裡，不用再受塵世間一切的愁苦。我想，如果真是這樣，那豈不是另一種幸福？或者我應該要感恩，十年前，爸爸第一次病發，上天已經寬容地給了我們額外的十年。媽媽說爸爸走得太突然，有很多事還未交帶妥當...我想人生中的遺憾總是沒完沒了吧，換一個角度，這十年來，爸爸看到了摯愛的孫女出生成長、看到了妹妹結婚、看到我終於圓夢畢業.....那一次我們一家人在公園內拍照，我們幾個大不透，硬要爸媽跟我們擺著古古怪怪的造型，午後淡淡的陽光，見證了我們幾姐弟妹的古靈精怪，見證了爸爸媽媽對我們無比的寬容，當日的歡笑溫馨，到如今仍然瀝瀝在目。每次看著這一組相片，我就看到爸爸給我們留下了近年最開懷的笑容.....我想，我應該要懂得感恩。

爸爸走了，但我深信，他一定在天國等候我們。爸爸，請不用牽掛，正如那一夜我在病榻前跟你許下的諾言，我們會好好照顧自己，好好照顧媽媽。我深深地希望你可以了無牽掛，走向遠方快樂的國度。

爸爸，再見了。

嘩!! 唔知點解無啦啦有咁多人黎瀏覽......

實在太奇怪!!! 近期超lazy嘅我，好耐無上blog, 如果唔係有blog友send 貓話我知，都唔知原來我個blog近來無啦啦多左好多人黎瀏覽.......尋日差唔多成千人.....前日甚至過千?! 唔係掛?? 無啦啦點解會有咁多人流呢? 呢排又無update，點解會有咁多人知我個blog嫁??......大家有無試過咁情況? 真係奇怪........我思前想後，諗極都唔係好明囉，點都無理由咁多人睇......唯一解釋就係莫非Yahoo Blog 個統計器又short左? 不過姑勿論係真係假，如果大家真係咁啱有緣黎到探訪，響呢度同你講聲多謝，希望大家都睇得開心啦!!

歷史性時刻，影低佢留個紀念先，因為都無乜幾可......

前日有1447人次呀!!

 

Goodbye ER!!

 

早兩晚明珠台終於播完最後一集ER，15個seasons 全部播完，個感覺係好唔捨得呀!! 或者有人會話做足15年，咩故事都講晒啦，事實係雖然都係一D老生常談嘅故事，但每一集都總會有D感動位令你忍唔住追足15年，劇入面除左好逼真嘅搶救鏡頭，人物嘅成長同悲歡離合都令人回味無窮，漸漸就好似成為你嘅老朋友咁~~

15個season，咁多年黎主要角色有來有去，當中實在有唔少令人難忘嘅角色......

Mark Greene - 最令人懷念嘅一個角色，我仲記得佢死嗰集我喊到眼腫晒......結局搵番佢個女黎客串，個感覺好warm!!

John Carter - 我以前好鍾意佢，因為佢頭嗰幾個season真係好可愛，同埋最主要係佢好有錢!! 不過自從佢無啦啦走左去非洲，飛左Abby之後，仲要同嗰個好造作嘅黑妹一齊，真係好唔like佢!!

Abby - 絕對係最精彩嘅一個character，由護士做到doctor，同John & Luka兜兜轉轉，生完仔又酗酒，仲要有個神經病嘅阿媽同細佬，不過好高興佢最終到可以同Luka修成正果~~

Luka - 佢唔笑嘅時候真係好鬼靚仔!! 最尾兩個season佢無點出現真係好失落~~

Elizabeth - 好鍾意聽佢嗰一口濃濃嘅英國口音，同埋好有一種英式嘅優雅~

Romano - 好鬼尖酸刻薄但好smart，你一定唔會憎佢囉，佢俾直昇機削左一隻手臂嗰幕真係至今難忘.....

Sam - 我都係鍾意佢金髮多D囉，佢最後同Tony一齊都幾好，至少好過同Luka，因為我覺得由始至終Luka都係鍾意Abby囉~

Neela - 唔知點解，I don't like her at all from the very beginning!!!

Doug & Carol - 其實已經無咩印象，只係記得佢地兩個離離合合左好多次，同埋其實George Clooney都唔似醫生，或者太靚仔，嗰個Carol又唔靚，真係嘥料.....

Kerry Weaver - 我一路都以為佢係真跛腳.....佢好似好ambitious但其實亦好有人情味，後尾變左les真係好攪鬼~

Dr Pratt - 我想佢同Ming Na一齊多D.....最後要佢死真係好sad!!

當然仲有一D配角好似nurse Haleh,  肥佬Frank 同Jerry等等，真係做足咁多個season，仲耐過D主角，一見到佢地就好親切.....仲有其中一個nurse 好似叫Chuny，我諗無咩人會記得，劇情曾經交待過佢同Luka曾有過一手嫁，羨慕死人啦!!! 

 

逛書展差點被人打......

昨天下午我們去了逛書展，今年的會場好像擴大了一點，有點行不完的感覺。原來今年已經是第二十屆.....每一年都跟老爺說下年不再去，但是不知怎的每一年又會心癢癢的走去觀光一下。其實想要買的書總已第一時間在書店購買，不會留待這展覽會才跟人搶購，因此說實在的，去逛書展其實只是當作一個午後消閒的節目而已。

書市?
當香港書展已經發展至連車衣機也可以拿出來售賣之時，當所謂的偶像歌手連字也未認清也可以出書而甚至有市場之時，我實在不願意將這樣一個一年一度的「盛事」稱之為「書展」，我以為「書市」會比較合適。其實這也沒有什麼不好，視乎你用什麼心態去參與。走在其中，跟在維園行花市並沒有多大的分別，那些攤檔真是各色各樣，有點兒嘉年華會的味道，香港文化從來百花齊放，通俗的、嚴肅的、宗教的、內地的、外文的各式書籍都找得到，當然少不了偶像派的寫真、文具、電腦產品、玩具精品....還有還有，無線收費電視的攤檔在宣傳Laughing 哥電影呢! 不過最令人驚歎的還是車衣機吧? 車衣機! 我自問都算很是異想天開的一個人，但也實在想不通究竟車衣機跟「書」有什麼關連。

最反感的事
今年其實都是跟往年一樣，人頭湧湧，基本上你是提不起勇氣走入攤檔中，我們只是在外圍流連，也已經有種筋疲力盡的感覺。人們愈來愈流行拉著旅行箱去書市，我的腳趾不止一次被旅行箱的轆輾過。有些旅行箱好大，大約有21寸! 那些人大抵一年才能抽空去買一次書....不過知否最令人反感的是什麼? (當然不是o靚模的寫真集啦)，最令人反感的是依然有人推著嬰兒車在迫爆的會場閒逛! 是真的閒逛，因為該位老兄將放有嬰兒的嬰兒車隨意橫放在攤檔之前，自顧自在一旁把手上那本「我的低能大肚之道」看得津津有味。

戰利品
這次我只是買了十多本書，一部份是旅遊書，一部份是特價書，趁著有特價把平時有點想買而又不捨得買的都買回去，搜集旅遊相關書籍已經成為我的嗜好。

最遺憾的事
這一年一度的盛事，我們都是有點抱著觀光的心態，所以絕對沒有抗拒o靚模的想法，相反老爺甚至整天在問為什麼看不到真人騷，當然他是早已從亙聯網中下載了圖片看過夠，所以只想一睹伊人風采....而我覺得最遺憾的是看不到舔雪糕及派奶的奇景。

最驚險的事
會場雖大，但實在太多人，所以無論你身在何方，都可以聽到旁邊一眾人的談話聲....話說當經過一處售賣o靚模寫真的攤檔，正好順道欣賞其中一位o靚模的大海報時，耳邊突然傳來兩位少女的閒聊聲，其中一位以很誠懇的語調在說︰「我覺得Kama真係好清純....」不好意思，那一剎那小妹實在忍不住笑了出來，當然我的反應比較大，因為我直情是笑出了聲音，兩位少女立即以極度不友善而凌厲的目光射向我，我想若我走遲半步她們一定想要把我狂毆，以為清純的偶像吐一口氣.....

最好笑的事 
看蘋果的報導︰ ....Yumi更狂插 Kama（羅凱珊）前日在酷熱下派奶並不恰當，體質受不到更會出現嘔奶。

各位，這是一個正常人會說的話嗎????