3月2日 - DAY 12
札幌 > 香港
話咁快個trip 終於去到第12日，最後一日啦!! 朝早八點多響酒店食早餐，d 野食同尋日一樣無乜分別啦~
食完上返房執埋d 野準備check out.......
尋晚落過雪.......下次再見北海道嘅白雪唔知又要等到幾時?
呢堆野就係我地今次回港嘅行李，唔計相機袋，連埋把Hello Kitty 雨傘合共九件
，包括兩個大行李箱、一個Hello Kitty 紅白藍款尼龍袋、兩個手提旅行袋、一個中型Agnes B 手袋、一個大型Agnes B 旅行袋、一個背包.......(好似走難咁
)
咁多野點拎呢? 出外旅行最痛苦之事莫過於最後要將一抽二袋嘅行李運去機場，尤其係響雪地上拉行李、走過滿佈結冰嘅馬路係好痛苦嘅一件事
，當然，我地身經百戰，區區九件行李難唔到我地嘅，早響幾年前我地已經開始用運兩轉呢個方法，即係首先將一半行李運左過去JR 站寄存響locker 先，玩完朝早嘅行程返酒店攞埋其餘嘅行李，去到車站就先慢慢將所有野分兩三轉拎去月台啦
落lobby 搞掂晒check out，將一半行李keep 響酒店，然後就將另一半拖去車站先啦.......今朝天色濛濛，仲落住好大雪......well，我都知你地唔捨得我地走，我都唔想走嫁，不過d $$ 都洗得七七八八想唔走都唔得啦
OK! 一個大locker 就搞掂，700円，或者有人會覺得keep 兩個幾鐘好貴，但我就覺得用錢能解決到個問題係O 喎
電子locker，真係我嘅旅行良伴
我地會搭16:00 CX 返HK，因為新千歲機場擴建左，當然要早d 去shopping
，所以諗住十二點鬆d 響札幌閃，朝早仲有兩個多鐘頭，d shops 又未開，於是我地就決定去附近嘅北海道大學逛下........嚟過北海道咁多次其實我地都未去過呢間北大，每次響札幌都趕頭趕命只係顧住shopping，今朝一於去散下步relax 下 
由札幌JR 站行過去好近，大約十分鐘就到........
個名牌好唔顯眼
我地只係漫無目的咁逛......
成個大學都俾白雪覆蓋，四周環境都好優美~
逛左一陣d 雪開始停，開始有少少陽光~
左邊呢個包到成隻糭咁嘅紅衣人就係我嘞.......老爺又要我走去遠遠嘅小橋影造型照，唉!
呢個銅像係首任校長克拉克博士，佢嘅名言 "Boys, be ambitious" 成為校訓.........咪住先，呢間大學只收男生??
校園入面久不久就見到佢個look~
呢度d building 都幾西式~
有人響度遛狗，真係relax!
行到去北大生協會館，當然要入去巡返個圈......
有好多北大嘅紀念品!
我敗家精呢個名號唔係 "流" 嫁，入去逛左十多分鐘都可以掃一袋野走
響大學消磨左差不多一個鐘，逛完shopping 完，又係時候要離開.......
離開途中見到有班小朋友響度聚集......
凍冰冰響度做咩呢
原來學玩滑板......
d 小朋友好鬼得意
，我地忍唔住停低影左好多相~~
好多個都跌到一仆一碌，不過佢地都唔介意，好快又起返身再試過，好叻呀!
玩玩下前面兩個響度打架
呢個好可愛，又嘗試同我地講野，不過咿咿哦哦唔知講乜
之後又響度整古做怪，好可愛!!
Bye-bye~~
離開北海道大學，返酒店途中順道去埋電器舖.......
買左d iPhone case 同 accessories
返到酒店攞返d 行李，去埋個toilet 就去JR 站，響locker 拎返之前寄存嘅行李就搭車離開札幌嘞........
我地搭12:10 Rapid Train~
Bye-bye 啦，札幌，we'll miss u
12:46 就到左新千歲空港.......
不過counter 要13:30 先開，即係早到都無著數，仲想早d 嚟搞掂晒去最後一擊......
咁唯有搵個地方坐低等，因為太多行李根本唔可能去shopping
等左一陣就夠鐘......跟住一段時間.亦係呢個trip 最唔開心嘅一段經歷
，即使而家已經過左兩年幾，每次諗返起當日嗰個moment 我仍然有一種想死嘅感覺
，我實在唔想再響呢度描述返個過程而又再勾起咁痛苦嘅回憶，睇開嘅朋友都知咩一回事，唔知嘅又想知可以去返第一篇睇返就明啦
好沮喪咁完成左個check in，個心情真係好低落，乜都唔想做，於是就是但響附近搵左間cafe 食lunch~
求其叫左個意粉.......
同個burger......是但啦，根本都無心情食
真係好down，食完都無mood shopping......
呢個機場係新開，本來我充滿期待諗住響度狂shop，但而家係完全唔想逛唔想買野......
史無前例竟然一樣野都唔想買........
連往常必買嘅cheese cake 都無買
好在之前響狸小路已經入左貨，如果唔係返到香港真係會想撞牆!
正常情況下見到呢d shop 我對眼會發光對腳好自然不受控走左入去，但今次無論係咩shops 我都提唔起興趣!
逛左一陣，老爺話我與期行到行屍走肉咁款不如索性唔好行早d 去閘口坐下好過啦~
原來登機處已經有好多人.......Why?? 你地都同我一樣無心機shopping 嗎?
雖然係新開，但話晒都係國際機場，點解咁唔電腦化嘅?
過多一陣心情都開始好返dd，老爺話雖然今次罰左咁多錢，但響機場可以零消費絕對係一件奇事，算係不幸中之大幸喎.......夠鐘上機，無耐就派小食同野飲~
再過多一陣就派dinner......而家對CX 餐都無乜期望
晚上差不多九點終於返到香港.......為期十二日嘅北海道旅程亦完滿結束，YEAH!!
........呢個遊記由開始寫到完結，總共寫左兩年 & 四個月
，中間搬過竇又再搬返黎，俾yahoo 玩過無數次，但總算順利完成......對於我地兩老黎講，北海道係一個永遠唔會去厭嘅地方，數下手指，呢個地方，我地春天同夏天各去過一次，冬天更加去過三次，係秋天未去過，既然係咁，my beloved Hokkaido, 十月再見!!
(完
)
有人響度遛狗，真係relax!
行到去北大生協會館，當然要入去巡返個圈
...... 有好多北大嘅紀念品!
我敗家精呢個名號唔係 "流" 嫁，入去逛左十多分鐘都可以掃一袋野走
響大學消磨左差不多一個鐘，逛完shopping 完，又係時候要離開.......
離開途中見到有班小朋友響度聚集......
凍冰冰響度做咩呢
原來學玩滑板......
d 小朋友好鬼得意
，我地忍唔住停低影左好多相~~好多個都跌到一仆一碌
，不過佢地都唔介意，好快又起返身再試過，好叻呀!玩玩下前面兩個響度打架
呢個好可愛，又嘗試同我地講野，不過咿咿哦哦唔知講乜
之後又響度整古做怪，好可愛!!
Bye-bye~~
離開北海道大學，返酒店途中順道去埋電器舖.......
買左d iPhone case 同 accessories
返到酒店攞返d 行李，去埋個toilet 就去JR 站，響locker 拎返之前寄存嘅行李就搭車離開札幌嘞........
我地搭12:10 Rapid Train~
Bye-bye 啦，札幌，we'll miss u
12:46 就到左新千歲空港.......
不過counter 要13:30 先開，即係早到都無著數，仲想早d 嚟搞掂晒去最後一擊......
咁唯有搵個地方坐低等，因為太多行李根本唔可能去shopping
等左一陣就夠鐘......跟住一段時間.亦係呢個trip 最唔開心嘅一段經歷
，即使而家已經過左兩年幾，每次諗返起當日嗰個moment 我仍然有一種想死嘅感覺，我實在唔想再響呢度描述返個過程而又再勾起咁痛苦嘅回憶，睇開嘅朋友都知咩一回事，唔知嘅又想知可以去返第一篇睇返就明啦好沮喪咁完成左個check in，個心情真係好低落，乜都唔想做，於是就是但響附近搵左間cafe 食lunch~
求其叫左個意粉.......
同個burger......是但啦，根本都無心情食
真係好down，食完都無mood shopping
......呢個機場係新開，本來我充滿期待諗住響度狂shop，但而家係完全唔想逛唔想買野......
史無前例竟然一樣野都唔想買........
連往常必買嘅cheese cake 都無買
好在之前響狸小路已經入左貨，如果唔係返到香港真係會想撞牆!
正常情況下見到呢d shop 我對眼會發光對腳好自然不受控走左入去，但今次無論係咩shops 我都提唔起興趣!
逛左一陣，老爺話我與期行到行屍走肉咁款不如索性唔好行早d 去閘口坐下好過啦~
原來登機處已經有好多人.......Why?? 你地都同我一樣無心機shopping 嗎?
雖然係新開，但話晒都係國際機場，點解咁唔電腦化嘅?
過多一陣心情都開始好返dd，老爺話雖然今次罰左咁多錢，但響機場可以零消費絕對係一件奇事，算係不幸中之大幸喎
.......夠鐘上機，無耐就派小食同野飲~再過多一陣就派dinner......而家對CX 餐都無乜期望
晚上差不多九點終於返到香港.......為期十二日嘅北海道旅程亦完滿結束，YEAH!!
........呢個遊記由開始寫到完結，總共寫左兩年 & 四個月，中間搬過竇又再搬返黎，俾yahoo 玩過無數次，但總算順利完成......對於我地兩老黎講，北海道係一個永遠唔會去厭嘅地方，數下手指，呢個地方，我地春天同夏天各去過一次，冬天更加去過三次，係秋天未去過，既然係咁，my beloved Hokkaido, 十月再見!!(完
)