2011年2月北海道道東道北12日 - 抵達 Alpha Resort Tomamu

2月26日 - DAY 8 (PART 2)
然別湖 > 帶廣 > Tomamu


離開然別湖，我地乘搭免費巴士返去帶廣駅......

我地下一個目的地係 Alpha Resort Tomamu，原本打算去到新得駅stay 一個鐘食個lunch 再搭12:05 開出嘅JR，12:29 就可以到Tomamu，時間本來好fit，點知原來weekend 巴士係唔開去新得，咁唯有改返去帶廣啦，車程遠左之餘，想話趕搭12:29 抵達 Tomamu 嘅JR 都好險，因為由帶廣駅 JR 開出嘅時間係11:35，而巴士抵達帶廣駅嘅schedule 係11:30，中間只有5分鐘時間，如果巴士稍為有小小delay 就好危囉，所以我地都有心理準備趕得切嘅機會比較微~

果然巴士去到帶廣駅已經過左11:40......無計啦，唯有等下一班~

因為之前兌換JR Pass 時已經順手出定左由新得去Tomamu 嘅車票，所以要去票務處改返張車票先.......

下一班車係13:01，我地要響帶廣駅hea 一粒鐘.......


今日已經係呢個trip 第三次到訪帶廣駅!! 要逛嘅地方要shop 嘅野早兩日都已經搞掂晒，所以今次我地只係響個車站無無聊聊咁行下算.......

一粒鐘嘅時間，當然又係醫肚嘅時刻......帶廣最出名係食豚丼，雖然今個trip 我地已經食左好多餐豚丼，但既然上天係都要我地再走多轉帶廣，咁就一於去食多次豚丼啦，天意難遺啊.......本來我地想去豚丼のぶたはげ，不過好多人要排隊，所以求其揀左呢間「青龍」~

 

望落去個價錢都ok 唔算貴囉~

  

我要嘅豚丼B餐，除左豚丼仲有碗拉面，不過d 筍勁難聞，搞到成碗面好難食，sorry，真係啃唔落!!


老爺就要左個燒肉定食~

食飽又響Esta 逛左一陣，去埋個toilet 就夠鐘上車啦~




差不多一個鐘車程，瞓下教好快就到左Tomamu.......Tomamu 係一個細站，黎得呢度嘅遊客都係去Alpha Resort，Resort有shuttle bus 由JR站接送去入住嘅酒店，唔需要事先預約，因為根據佢地嘅講法係只要有JR抵達Tomamu station，佢地都會安排員工響度接待，就算去到真係搵唔到人，月台都有電話，打俾佢地就會即刻安排人過黎嫁啦~

果然一落車就見到有兩個職員企左響月台，原來佢地係送走一批客又迎接我地呢一批客......呢個站好似係Resort嘅 private station 咁，唔見有JR嘅員工.......嗰兩個Resort 嗁staff 帶我地行左幾步就見到架shuttle bus嘞.......


呢個Resort 有幾間酒店，架shuttle bus 會將客人送到去佢地所入住嘅酒店.......我地今次揀左Galleria~


雖然唔係溫泉旅館，但搞check in 時都有野飲provide (太耐唔記得左係牛奶定係湯......成日都話唔好咁懶隔咁耐先寫啦，好多details 都唔記得晒)


我地住響26樓~

帶我地上房嘅職員都有同我地講解酒店嘅設施，都算幾詳盡~

房間整體上都O 啦，面積都幾大，不過原來個design 比較老式左d 囉，而且地毯仲有幾處污積......我覺得既然佢地標榜呢度係Resort 入面比較luxury嘅hotel，都係時候要做返次大翻身囉~

無諗過呢度個TV 會係咁tiny 同out!!

Welcome snack 都無，有無搞錯?

Bedroom 都幾大，但張床好似窄左d 喎......

睡房都有一個小型TV......呢間房其實可以住三個人~

老爺最高興係房間入面有個細細嘅私家sauna room......

佢真係焗左好多次，哈哈


Sauna 房旁邊就係shower room~

 

Washroom 都好闊落，有兩邊sink 盆，真好!

Sanitary pack 都好齊全.....


Hehe，仲有兩套雪肌精

Toilet 自己都有一個sink 盆，make sense 呀......我其實一向唔係咁鍾意d 溫泉酒店個toilet 成日同個sink 盆離九丈咁遠


同好多日本酒店一樣有洗 pat pat 功能，個馬桶蓋仲要係自動感應開關，good 呀......我真係好想整返套響屋企呀!!


當然全間房最正嘅係呢個大大嘅jacuzzi 啦，望出去係雪山景，正呀!!


響房hea 左陣，我地就急不及待出發去玩 snow mobile 啦~~

(...待續)