一段時間無update blog，除左因為lazy外，主要係忙住搞黎緊十月頭個日本trip 呀! 二月去完巴黎倫敦，雖然玩得好開心，但始終心思思都係掛住日本囉，所以趁住十月頭有幾日紅色假，一於又黎個東瀛遊啦.....今次揀左去大阪，同埋已經期待好久嘅四國之旅，超happy呀!!
呢個trip雖然planning 做左唔係好耐，但就已經改左N次，本來一開始最想去有兩個地方，一個係充滿藝術建築嘅直島，不過要就船期即日來回好似好趕，但stay一晚對於我呢種鍾意趕頭趕命塞滿行程嘅人黎講又好似好嘥時間咁，最主要係本來好欣賞安藤忠雄嘅我，愈搵得多料愈覺得成個藝術村好似有d造作
(絕純粹個人感覺，安藤忠雄 & 直島fans 唔好鬧我
)，忽然一下子個興趣驟減，加上時間上好難就，所以就好撇脫咁cut 左呢個景點嘞
.....另一個好想去嘅地方係位於高知縣土佐市嘅Villa Santorini，呢間酒店個look同環境好有希臘小屋feel，好想去呀，不過高知縣實在太偏遠，同埋佢周邊d景點我地唔係咁大興趣，如果專登走去stay一晚又好似好無謂，幾經掙扎最後都又cut 埋~~Cut 晒d最期待嘅地方，淨返d更期待嘅 (沒有最只有更，哈哈!!).....Cut 咁d以為行程會鬆動d，本來5D4N stay 四國已經唔係好夠，一開始就拍晒心口同老爺講今次一定唔貪心唔會加埋山陽嗰邊，唔知點解忽然知道左倉敷有個好想去嘅美術館，當然唔想放過，個trip搞下搞下終於俾我搞到東一忽西一忽，話就話個trip 叫做去四國，其實只係踏足三國頭尾唔夠四日，所以今個trip 好無厘頭，打算改個名叫「求求其其亂咁黎關西七日遊」，哈哈!
事不宜遲，list out 個行程開心下先︰
Day 1 - HK (凌晨機) > 大阪 > 淡路島 > 嗚門
宿︰Moana Coast
行程重點︰當然係嗚門睇漩渦啦~
Day 2 - 嗚門 > 德島市 > 大步危 > 祖谷溫泉
宿︰和之宿ホラル祖谷溫泉
行程重點︰好驚險嘅祖谷蔓藤橋 & 超貴溫泉旅館
Day 3 - 祖谷溫泉 > 金刀比羅宮 > 道後溫泉
宿︰谷屋
行程重點︰Nil....因為全日只有兩個景點 but 都係重點，哈哈~
Day 4 - 道後溫泉 > 松山城 > 今治市 > 島並海道 > 廣島縣鞆の浦
宿︰汀邸 遠音近音
行程重點︰老爺最期待連接六個島嘅島並海道.....而我就比較期待鞆の浦，因為係崖上的波兒嘅場景呀~
Day 5 - 鞆の浦 > 倉敷 > 岡山 > 大阪
宿︰Cross Hotel
行程重點︰Well, 大家一定以為係知名嘅岡山後樂園.....hehe, 其實我最期待係倉敷嘅小甜甜美術館
Day 6 - 此日行程仲未定
......傍晚先還車，日間想搵d大阪近郊逛下，但神戶、京都已經去過晒，清水寺甚至去過三次......或者去奈良啦，老爺可以睇東大寺，不過我又驚俾d鹿仔追
，或者去有馬整返個日歸浴，不過走回頭路又好似好傻咁......其實講到尾我最想去outlet shopping，哈哈!!
Day 7 - 大阪 > HK
行程重點︰唔駛多講，of course 大阪市shopping 啦!!
