DAY 2
PART 5 (深山峠．Woody Life...魔幻美術館)
上回講到好滿足咁離開美馬牛管野農場後，好快就到左深山峠，我地今晚入住嘅民宿叫做Woody Life......
網址︰http://www.d9.dion.ne.jp/~woodylif/index.htm
地址︰空知郡上當良野町西9線北34號
電話︰0167-45-6810
Map Code︰349 669 189
泊低架車，民宿嘅太子仔就走左出黎帶我地去事務所check in，亦即係用餐同休憩嘅地方~
周圍都有好多盆栽植物~~
個太子仔識講英文，好鬼熱情，嗰頭俾張form我地填，嗰頭不斷咁同我地講野，攪到我填左好久都無辦法填好張form.......佢話香港嘅TV Stars楊千華同古天樂都黎住過，又攞好多相俾我地睇，睇佢咁雀躍佢肯定以為呢兩位係香港嘅天皇巨星......
好好笑，仲有兩位所謂 "super star" 嘅真蹟
第三張相入面嗰位就係個太子仔，上面兩張嘅就係老闆同老闆娘，一家人都好nice~~
個太子仔真係好鍾意講野，把口無停過
之前book房時原本打算只食呢度嘅早餐，今晚晚餐諗住出外搵食，但頭先沿路黎嘅時候，覺得美瑛一帶實在太幽靜，驚夜晚無咩食店，再加上呢個pension據聞有個黑咖哩好出名
俾晒錢佢就帶我地去我地間屋仔，介紹左屋入面D設施後，我地就走去架車度將D行李搬返去房先，費事今晚返黎夜媽媽先攪......攪掂晒只係去個toilet，都無點停留，我地又拿拿聲走返出去攞車趕下一個景點 --> 魔幻美術館!!.......出到去car park咁啱撞見個老闆，佢話佢有兩間珍藏室想帶我地去參觀喎，咁我地就話想要趕去附近嗰間美術館，佢好詫異我地仲要出去......見佢好似好有誠意咁款，於是就同佢約定聽朝食完早餐先參觀囉......我諗佢一定覺得好奇怪點解你地D香港人黎旅行成日都趕頭趕命咁........佢見我地話要去美術館，好好人俾左張discount coupon我地，不過老人痴呆去到都唔記得用~~
由Woody Life去魔幻美術館好近，五分鐘都唔駛就去到......
網址︰http://tokachidake.com/art/
地址︰空知郡上當良野町西8線北33號深山峠
電話︰0167-45-3788
響美術館旁有座摩天輪，係富良野區唯一一座，好想坐呀!! 不過有人唔俾
美術館個外貌都好攪野.......
真低能，圍住美術館繞左一個圈都唔見個入口
不過好彩兜左個圈，原來美術館後面係一大片花田
有好多向日葵呀!!
美術館入埸費每位 1,000yen~
呢個美術館就好似以前我地曾經響輕井澤玩過嗰間不可思譏美術館一樣，都係玩錯覺效果，館入面所有嘅作品，都係仿雕塑、玩角度、立體剪裁咁.....
見唔見到Miss Mona Lisa呀?
好立體呀，其實係一張畫......
仿雕塑......
呢幅仲似真.....好似去左羅馬欣賞緊Michaelangelo.......
呢幅畫好得意
當人走向右邊，畫入面條長廊就會移向左邊........
人走向左邊，條長廊又移向右邊.......好過癮嫁~~
原來呢幅畫係利用立體視覺效果~~
兒童不宜
古古怪怪，唔知想表達D咩.....
Exactly我煮飯嘅模樣 --> 雞手鴨腳哩咁hea
救命呀!! 撞埋黎啦)))))
我覺得其實呢幅畫幾靈異.....
純潔嘅天使~~
偷左佢條毛巾先.....
開餐啦~~
睇下我幾大力，連狗狗都托得起~~
有錢拎呀)))
寄封信返香港先....
邊個留低左對臭鞋.....
呢個美術館其實唔係好大，只得一層，相比輕井澤嗰間真係爭好遠，不過都好好玩......我地幅幅相都走埋去擺pose，玩到幾乎唔捨得走呀~~
逛完個美術館，例牌響小賣店巡個圈，之後就離開喇.......
下一篇︰唔願返歸嘅兩個人.......
唔怪得姪女成日都要同妳玩啦 你真係玩得好投入 仲有份感染力
回覆刪除[版主回覆10/07/2009 22:22:00]呢個姪女係我嘅摯愛黎嫁!!
出得去玩，就要玩得盡興嘛 .....咁有無感染到你下一個TRIP去北海道呀??
piggybread : 果位 "太子仔" 都幾有好客之道喎 , 不過就唔理解香港人既作風 , 個美術館都幾得意喎 , 要記低 ~ 收入下次北海道之旅既行程都好 .
回覆刪除Bye Bye !
P.S. : 一直都想問 , 呢D係乜野黎 ? 經常見到既 ?
[版主回覆10/07/2009 22:26:00]其實原本係D分隔線，不過唔知點解會變左俄羅斯文，我都唔係好明點解會咁 ...總之YAHOO BLOG就特別多麻煩野發生~
真係好真.
回覆刪除[版主回覆10/07/2009 22:28:00]好多都好立體，不過影得唔似，所以無post晒出黎
唔包早餐都13000yen一人, 唔平喎, 仲有個兩個真跡d字好似一樣既, 系唔系太子自己寫架
回覆刪除[版主回覆10/07/2009 22:34:00]13000係包早餐，係比一般D民宿貴DD，不過因為係兩層樓嘅屋仔，而且有齊toilet, bathroom, TV & air-conditioner，所以都照book啦
我都覺得兩張字嘅形好似，不過是但啦，我地又唔係嗰兩條友嘅fans，真同假對我地黎講都無咩所謂~
啲畫全部都可以用手摸? 都幾有趣
回覆刪除[版主回覆10/07/2009 22:38:00]係呀，絕對歡迎參觀者成為作品一部份，任摸唔嬲
摩天輪呀, 我見到都是必坐的, 是我飛佛之一
回覆刪除有時遇著太過熱情的招待, 我會怕怕架
[版主回覆10/07/2009 22:48:00]我都好鍾意坐摩天輪，不過有人因為畏高，總會想盡藉口拒絕我
太熱情有時真係好唔慣，住民宿可能就係要適應呢樣野，或者我地年紀唔細，已經唔係咁熱衷於同外地人太熱情嘅交流，所以平時都好少book民宿，不過今次去美瑛富良野，當地住宿係sell呢樣野，所以就試下啦.....不過基本上個感覺都好OK好warm嘅~
我都有喺輕井澤玩過哩啲美術館, 真係好過癮呀! 但今次去北海道就冇去啦! 啲畫真係好迫真呀!
回覆刪除[版主回覆10/07/2009 22:50:00]歡迎光臨!! 輕井澤嗰間大好多，D畫仲多種類，真係好好玩~~
我想講好耐 , 你老爺好少影相 ~ 去美術館佢有冇玩呀 ?
回覆刪除晚餐其實係唔係太子仔煑架 ?
[版主回覆10/08/2009 23:23:00]哈哈，佢唔鍾意影相嫁，當然響美術館都有影下，不過佢唔會俾我post出黎，朦面都唔得，反面都似，佢話佢係做大事嘅人，唔可以俾D客見到佢做D低能pose，而且出鏡呢D野都係等我呢D美少女負責好D啦~~
晚餐就唔知，早餐就見到係個太子仔同老闆娘煮~
乜咁鬼似架, M君又是有dd畏高架 , 所以次次都係為左陪我先玩, 次次都係我主動要坐架, 其實我地兩個係咪難為左佢地呢 , 不過真實是我地幫緊佢地克服心理關口咋, 用心良苦
回覆刪除[版主回覆10/08/2009 23:32:00]我同你一樣諗法!! 明知佢畏高，但好多時係都要佢陪我坐摩天輪、吊車呀咁，上次坐吊車上藏王山佢驚到死，但我就仲要佢幫我從唔同角度影相 ，有時都覺得自己好衰，偏偏我又成日鍾意做埋D古靈精怪嘅野，攪到佢成日無教好瞓，不過正如你講都係訓練佢地多D啫
好得意個美術館, 你比車撞那張很搞笑
回覆刪除[版主回覆10/10/2009 10:15:00]其實撞得都唔係好似，不過好難影，我地試左幾次個效果都係麻麻~
我都有去, 个日仲落大雨 , 好彩係室內 值得一去
回覆刪除[版主回覆10/10/2009 10:18:00]所以我都係就夜d時間先去，唔駛嘥左白天賞花時段.....話時話唔該你快d出blog啦，入秋喇，仲慢過我
又係慢咗d嘅 try my best la, haha
回覆刪除下一篇 …下一篇 … 好心急
回覆刪除[版主回覆10/14/2009 23:11:00]Hehe...剛剛post左喇.....