(白川鄉觀光情報網頁圖片)
又到左身痕嘅時間，踏入十月，係時候要開始預備出年一年一度嘅「大旅行」!!
今次揀選嘅地點係日本中部......係呀，又係日本呀!!! 近呢兩年出去旅行，基本上日本都係我地嘅第一選擇.......唔好再問點解啦，明白嘅人唔駛解釋都會明白日本嘅吸引力，唔明嘅人點講都唔會明~
原來日本中部北陸都好大，總共有六個縣，想一次過去晒當然無可能，呢牌成日鋤 PACE嗰本旅遊書，發覺當中最具吸引力一定係岐埠縣，因為有我最最最期待嘅白川鄉!!
籌備旅行嘅第一步當然係先confirm機票，ANA酒店+機票package已經出左明年嘅價錢，好貴!! 過年附加費要$1200一個人!! 擺明搶錢
而家正積極咁計劃緊條路線，不過實在太多地方都想去，除左金澤同白川鄉，好似有小京都之稱嘅高山、擁有無敵開揚大露天混浴秘湯嘅奧飛驒、日本三大名湯之一嘅下呂溫泉、好出名嘅伊勢神宮，同埋想去左好耐嘅能登半島，咁多景點真係好難取捨!!
我都計劃緊 12 月尾既旅行去邊，好大可能會去白川鄉，但我地只去中部 2、3日咋
回覆刪除係呢，大田屋難唔難 book 架 ? 係唔係 send e-mail 過去就得架喇 ?
[版主回覆10/11/2009 10:13:00]歡迎光臨~
Send e-mail就OK，佢會好快send番e-mail話你知有無房，如果有就叫你再send多次e-mail同佢confirm，好方便~
大田屋好似都幾多香港人book嫁，你12月尾去要快D book喇，因為近聖誕同新年，應該都幾緊張~
傳聞美金有排弱 諗下早D換定D yen好喎
回覆刪除[版主回覆10/11/2009 10:15:00]我都知呀，不過而家都已經86、87，痴線嫁，再睇定D先啦
舖滿雪既白川鄉一定係好靚架啦 !
回覆刪除[版主回覆10/11/2009 10:16:00]係呀! 我就係俾佢D雪景吸引左，好童話feel呀~
想問吓你係唔係新年出發呀? 冇諗過咁早就有新年嘅價 錢！.......我 宜家都心 思 思plan緊新年去返 轉" 東北 "
回覆刪除[版主回覆10/11/2009 10:37:00]我過左紅色假期先出發，ANA都係上個月中先出，JAL就仲未有.....唔好心思思啦，即刻做planning啦，東北好玩D景又靚，我都想去多次，因為仲有青森未去
嘩又去, 羨慕死人啦 . 白川鄉兩張相好靚
回覆刪除[版主回覆10/11/2009 10:38:00]唔駛羨慕啦，Xmas你都去北海道啦
你 post 咗出嚟連飛都 book 埋, 即係已經攪掂咗老爺啦! 恭喜恭喜!
回覆刪除[版主回覆10/11/2009 10:39:00]係呀，終於攪掂，我地講嗰招都幾見效，不過要用得有D技巧嫁
好開心你又出發呀 ~ 似乎己經揾到想去地方 , 是取捨時間 ~
回覆刪除去金澤轉機簡直明智選擇 , 個人喜好金沢 , 多個名古屋 , 何況你會繼續日本旅行 , 名古屋一定有機會 ~ 東京shopping己經可滿足你好多願望~
金沢雖然唔係一個超好玩地方,但一定好玩過高山, 如果好彩見到美麗雪景會唔錯, 有得食, 有小小shopping,又有景點~
我想講如果去下呂,冬天去未必係最啱時間, 一般評語唔係太好,未必滿足到你, 你己經去左咁多温泉旅館, 如果去真要認真選擇,不如去能登, 因為你今次飛金沢會順路,能登難去d !
[版主回覆10/11/2009 10:50:00]而家真係諗到頭都暈，又係衰多心，一方面度度都想去，但又唔想太趕，再加上冬天早天黑，一日唔可以插太多景點.....能登一開始就想去，我其實想去珠洲，不過睇返個車程好遠，又好似唔係好化算，而家仲踱緊，好多謝你嘅意見，係啦，我響EC2見下呂D comment好似都係一般，但係想住好小小就都幾貴，好彩今年早左planning，可以慢慢諗下
去中部睇台灣網友 BLOG 會清楚好多 , 可能能解你心中好多疑慮 ~
回覆刪除[版主回覆10/12/2009 22:22:00]電占兄，咁請問有無邊位台灣網友blog可以介紹下?
piggybread : 去 "日本" 既心態 , 絕對可以理解 , 淨係個 "北海道" 都夠玩 3+5+7 年 , 不過妳返黎冇耐又再度行程 , 實在令人佩服得 "五體投地" , 但係農曆年間出發 , 真係好有被搶錢既感覺 , D Yen 又升到七彩 , 真係雙重搶錢 , 之不過有樣野非常同意 , Planning 係一種樂趣 , 每日都腦交戰 , 淨係買唔買 Pass 都已經 R 爆個頭 . hahaha .....
回覆刪除Bye Bye !
[版主回覆10/12/2009 22:30:00]係啦，D yen真係升到七彩，真攞命，不過都仲有四個幾月先出發，唔駛咁急住....我都係咁嫁，日日個腦一有空就響度諗D路線，好似痴左線咁 ，不過真係好enjoy囉~
嘩,一定見到白雪紛飛嘅情景,好正呀!!!
回覆刪除真係好貴呀!! 我一直都未試過旺季出發架!!
[版主回覆10/12/2009 22:36:00]都唔敢太大奢望會見到落雪嫁，好似今年係暖冬，見有D網友去金澤一粒雪都無......
你直頭係鍾意幾時去就隨時出發都得啦 ，啱啱九州返黎無耐又話去賞紅葉~~
嘩 ... 過咗紅日都要加千二呀？咁我打算初一出發咪好甘！
回覆刪除[版主回覆10/12/2009 22:38:00]Hehe...初一出發要加千六呀!!!
我出年都去白川鄉呀, 都係過咗年先去, 依家同你一樣都係plan緊行程呀! 我又係勁多地方想去, 所以依家都努力plan緊!
回覆刪除[版主回覆10/12/2009 22:44:00]歡迎光臨~
你咩時候去呀? 幾時出個行程出黎大家參考下 .....而家好慘呀，真係日日諗到頭都爆，一個人貪心就真係自己攞黎煩，但係一場去到無奶油唔盡去o架~~
hello~~~~我都有少少意思想去..........下雪時一定好靚^^
回覆刪除[版主回覆10/12/2009 22:47:00]歡迎光臨~
希望白川鄉會有雪啦.....去啦去啦，大家一齊去，可以參考下，返黎都可以有排講啦
我今日問過A準，佢話未有價住，咁你宜家ANA出幾錢呀？抱歉！我祗係個凡(煩)人
回覆刪除[版主回覆10/12/2009 23:00:00]唔煩呀，隨便問啦
我book藍天假期三日兩夜酒店+機票package，羽田轉飛金澤，$5230+$1200 x 2 (好攞命!!).....你快D攪機票啦，初一好full嫁，我依幾日攪掂晒機票，個心就定左D，之後慢慢plan好條路線先攪其他酒店~
我依家暫定係2月21日出發, 但我都仲未check機票價錢, 但我哋好可能會喺大阪落機!
回覆刪除我咪同你一樣, 又係諗爆頭, 到到都想去! 所以行程都仲未諗掂! 如果plan好行程, 我哋可以大家互相參考下啦!
[版主回覆10/13/2009 23:24:00]2月21日唔駛加附加費啦，我因為想睇白川鄉點燈，所以要20號前出發.....大阪都幾好呀，我地揀東京係因為貪羽田有凌晨機....遲D plan好條路線我地post出黎，大家參考下大家D行程啦 ，因為真係幾R頭~
你的動作不是一般的快, 回才有幾耐又開始plan......厲害 , 我就系每年過年被宰的肥羊, 我年廿九出發, 一想到張機票個心就開始滴血, 所以都用到張機票盡, 去得幾耐去幾耐 , 傅生次次都話駛唔駛去咁盡呀, 要架, 唔系心理會唔平衡.
回覆刪除你去幾天?
[版主回覆10/13/2009 23:28:00]哈哈，大家D心態都係一樣，有咁盡得咁盡 .....我地今次去九日，但其實都唔係好夠 ....你去幾日呀? 攪掂條路線未? 好似係去九州同東北係咪??
嘩這麼快又去, 真替你高興, 看來今次又是泡溫泉+美食團 你地兩公婆真懂得享受人生
回覆刪除我也開始搞啦, 第一次試自遊行雖然很煩, 但很興奮 遲些再問你意見
[版主回覆10/13/2009 23:32:00]人一世物一世嘛 ，我地又唔鍾意玩刺激野嘅，浸下溫泉食下野最適合我地 (有埋shopping就最perfect!!)
路線未致確定啦, 但在之前仍有兩次小旅行, 所以現在plan小旅行的路線啦...嘿嘿, 我去12天呀, 原本想去16天, 但傅生唔比
回覆刪除[版主回覆10/15/2009 23:54:00]你就好啦，可以去咁耐，如果我家老爺可以俾12日我，就唔駛諗得咁鬼煩，不過佢成日都話就算俾一個月我我都係會唔夠喎~
究竟幾時係點燈日呢 !? 因為有 o的資料話 12-1 月的 Sat & Sun，有 o的就話 1-2 月 ……
回覆刪除[版主回覆10/16/2009 00:02:00]今年嘅點燈日係一月尾至二月中嘅某D星期六日，去下面條link睇下啦
http://lightup.asia/schedule/
你咪仲好, 我都係去下d小旅行, 你就次次都可以去日本, 咪係仲好咩????我諗我黎緊都要同人一齊逼下, 要係旺季先可以出發, 除非我可以放低黑貓bb啦!!
回覆刪除[版主回覆10/17/2009 10:47:00]黑貓B遲D升左上小學就真係要就假期先可以出去玩，你又點會捨得放低佢自己出去玩喎，所以而家呢幾個大小trip你地真係要玩盡D呀!!
hi~你好~我明年都plan去白川鄉~~都打算住大田屋~期待你回來分享經驗~ 不過我仲未買機票呢~ 只係book左高山的住宿~~
回覆刪除[版主回覆11/25/2009 23:07:00]歡迎光臨 !! 同道中人，你幾時去呀 ? 如果又係二月差唔多要出機票呢 ~
"明白嘅人唔駛解釋都會明白日本嘅吸引力，唔明嘅人點講都唔會明"~~~身邊都有呢D人點講都唔明嘅朋友 ~~~
回覆刪除[版主回覆01/20/2010 23:07:00]Hey, 好耐無見啦!!
Hehe, 我諗鍾意去日本嘅朋友身邊都一定會有呢D人囉~~