2012年12月東京熱海快閃72小時 - Part 5

12月15日 (星期六)
熱海 > 新宿

話咁快去到 day 2.......朝早起身當然要去浸下個私家溫泉先，晨早一浸，人都精神舒服d 嫁~~

七點九就去食早餐嘞.......

Hehe, 今次安排我地坐窗邊......老爺就笑我話今次條氣順返晒啦，酒店朝早安排坐窗邊位先有心思，可以對住個大海食早餐，好過夜晚外面黑媽媽乜都睇唔見



早餐係半自助式，基本好似野飲、bread、salad、菜類 & 生果等等響出面自取~


除左牛奶、果汁，waiter 仲會奉上每人一杯青汁，好好飲嫁

呢個pork dish 一人有一份~

今次套杯唔係Wedgwood，係Narumi~~



前面呢張就係我地尋晚dinner 嗰張枱，後尾好似安排尋晚坐窗邊位嘅客坐，睇嚟酒店係安排d 客輪流坐窗邊位


一邊食一邊享受外面熱海風景，好舒服呀.......不過今日好陰天，唔緊要，反正今日我地只係去outlet shopping，個天陰定晴都無所謂啦

食飽飽就出去外面逛下........

酒店外貌......


酒店隔離其實係酒店嘅姊妹店，係傳統日式溫泉旅館......如果自駕者需要由中間個入口駛入去穿過酒店去到後面條街先係car park~


我地走過去海邊逛下.......






又有呢d 津波避難路指示


走落去沙灘行下.......

熱海一望無遺~

點解通去沙灘嘅樓梯咁多沙粒嘅? 莫非尋晚d 海水潮漲得咁厲害??

抽煙處



見到遠遠山上嘅熱海城~

我地間酒店呀~

呢間酒店望落去都幾有派頭咁~



逛左一陣個天開始落雨，shit!......係時候返去酒店~


返到房當然去浸多次浴，等放水期間我地響張圓床上玩打筋斗


好好玩呀! 好多年無玩過


不過樂極生悲，我一個唔覺意打歪左整親條頸，好痛呀!! 嚇到響一旁幫我影緊video 嘅老爺屎屎下，即刻喝住我叫我唔好郁，哈哈.......抖左陣搽左d 治筋肉痛嘅鎮痛劑就好返d......老爺不斷響旁邊哦我咩唔好衰攞嚟衰，成個阿婆咁


Hea 左陣把握時間泡多次湯先

終於搞到差不多十點先去check out~


老爺去找數，我就當然周圍影下相......

好多X'mas decorations~


Souvenier corner!




酒店另外一個dining place~

搞掂晒就去carpark 攞返架車......


仍然只係兩個喼，今日要加把勁shop 呀

OK，next stop，御殿場，GPS 預計11:11 到著~


Bye bye 熱海





我地沿路見到有較大嘅PA/SA 都有停，再加上星期六超多車排隊入outlet carpark，最終搞到十二點先去到outlet，比原定GSP set 嘅時間遲左大半個鐘

呢個outlet 好大，仲分左兩邊，真係逛一日都逛唔晒.......不過落雨呢，雖然話每個zone 都有瓦摭頭，但始終好唔過癮.......

我地逛左兩個多鐘，收穫唔算豐富，只係買左幾樣野，而且d 雨愈落愈大，好無癮，所以就鳴金收兵，諗住早d 返新宿再拼過


離開御殿場，車行左一陣忽然醒起我地未食lunch 喎，真係shopping 到唔知時日........於是即刻響一個叫「足柄」嘅SA 泊低架車，走去醫下個肚先啦~

呢個SA 好大，單係food court 都有好多間食店.........


我地搵左呢間食拉麵~


老爺要醬油拉麵.......


而我就要鹽味拉麵，仲要加隻蛋~
當食物預備好，呢個remote 就會響，你就可以出去攞野食~


開餐lu，shopping 唔覺攰唔覺餓，但一坐低食第一啖就覺得勁肚餓
雖然老爺餓到反艇，但我仲要老點佢去買coke，真係好想飲嘛，but 原來要走到去好遠先有得買，hehe~~


食完當然又要去shopping，呢個SA 好多野shop 呀!!!

唔駛講我當然有少少收獲

唔單止多shops，而且環境優美，呢個係通去toilet 旁邊嘅 courtyard~


Toilet 仲有電子顯示屏show 晒有邊個厠格係available，好型呀


Lawson 都有~

附近仲有個摩天輪添.......呢個其實唔係SA 咁簡單，或者係一個旅遊景點先真??

響度hea 左一個鐘就離開嘞，老爺話已經三點半，返到新宿好晏，如果仲想響新宿shopping 沿途就唔可以hea 咁耐，所以講定要我唔好係SA 都要佢停.......OKOK，你話唔停就唔停，反正唔響SA/PA shop，返到新宿都係一樣shop......不過首先要去入油先~


回歸啦~

話唔停但行到咁上下點都要停一停放下水舒展一下筋骨.........我揀左呢個「海老名」嘅SA，因為個GPS show左水蛇春咁長嘅facilities 呀!!


其實我地尋日由東京去熱海時都有停過對面線嘅「海老名」SA，當時都已經覺得對面嗰個SA 好大，點知呢個仲誇，除左一般設施，入面仲有個「頑固市場」.........


完全係一個shopping mall，有幾可見過一個SA 入面會有concierge?? 仲要有兩層添，死未?!


呢度個人流勁多呀!


逛shops 不忘試食，正!!


既然係IC 嘅大型休憩處，當然唔少得有道路交通情報........

即時知道你附近有無邊度係塞緊車，真係好先進呀~


響呢個SA 逛左半個鐘就俾老爺拉走，我承認我係依依不捨好唔想走.........之後我地都無再停過，直駛返新宿，去到五點多，天已經開始黑~

我地今晚住 Hotel Sunroute Plaza，去到要泊低架車先~


好快搞掂check in，我地住Room 1103~ 

房間真係一眼睇晒，雖然細但唔平囉，兩人合共21300 円 (含早)!! 好貴呢，不過無計啦，我地太急決定個trip，新宿有carpark 嘅hotel 好多都已經full 晒~

都叫做有個衣櫃........

瞓一晚啫，都無乜所謂，房間大又得細又得，我地好能屈能伸



響房間放低d 野，洗個面，之後又拿拿林出去，要把握時間shopping 呀!!

(...待續)