2013年12月新加坡熱辣辣四日 - Day 1

月頭走左轉新加坡....已經好多年無踏足過呢個地方，對上一次去係2000年，已經係13年前嘅事! 嗰次係同老爺第一次搭飛機自遊行呢，睇返d相13年前我仲係得22寸腰，塊面係天然V煞面，而家脹到不似人形成個水桶咁，唉，果真歲月不留人，紅顏彈指老呀，哈哈!!

隔左十幾年無去，個感覺好似唔同左好多....今次去左四日，感覺都唔錯，地方細細，交通都好方便，旅遊景點好集中，d人好 friendly 呢，好主動幫遊客，服務性行業嘅 staff 亦好 nice，作為遊客我地對新加坡嘅印象幾好，不過天氣實在係太太太熱啦，平時唔會點出汗嘅我，日日都香汗淋漓，講得核突d，我d汗係響條事業線不斷咁流過直達肚臍.....熱不特止，又成日落雨，又熱又濕，成身都黐泅泅，好鬼唔舒服!

近呢十年都好少去d 咁熱嘅地方，今次去之前都要有小小預備，就係新加坡旅遊必備三寶︰毛巾仔、太陽眼鏡 & 小型電風扇.....尤其係毛巾仔，響戶外真係抹過不停，真正係朝早連妝都唔駛化，因為一出外好快就會出晒汗，搵毛巾抹多兩抹成個妝都溶鬼晒囉.....至於電風扇，我非常之慶幸有帶去，因為當我地響環球片場呆呆咁排隊時絕對係救左我一命!

今次我地係搭 Scoot 酷航，第一次搭廉航，都ok啦，係座位比較窄，無論個seat位或同前座嘅距離.....航機都幾準時，機程來回都比 schedule 快，不過個價錢都好浮動，如果只係買個位乜都唔要加又就到超低嘅fare就真係好抵，最正係時間真係用到盡，去程朝早0710，回程凌晨0130，返到香港都只係五點鬆d，老爺仲可以返屋企沖個涼然後去美心食埋早餐先返工慳返一日假.....講返去程先，朝早七點機，晨咁早半夜三更就出門口，好似做賊咁，哈哈....不過夜媽媽唔係咁多車響公路又真係幾爽，唔怪得咁多人鍾意深夜賽車，過左青馬橋之後我地仲見到有好大山火，唔知第二日新聞有無報呢.....去到機場都係清晨五點鐘，好少見到carpark有咁多位呀~

因為係廉航，慳得就慳，今次只係一個喼寄艙，另一個細喼去程hand carry 上機，回程驚細喼超過 7kg 所以加$108有15kg......雖然係倒塌咁早，但又有得去玩，而且係新地方，兩隻野都好精神好期待

機場已經有 Xmas decoration la~

雖然只係去四日，但因為驚熱所以都帶多幾件 T shirt 去替換，寄艙都已經 12.3 kg~

又係 free lounge 時間.....未到六點只係得杯麵同麵包可以頂下肚~

食完都夠鐘 boarding~

一上機就瞓，三粒鐘話咁快就到，入境手續超快，十分鐘攞埋行李搞掂~

因為酒店無 free wifi，所以響機場租埋個無限上網同任打IDD 回港先，跟手仲搵埋個 city tour counter book 定第二朝坐 duck tour.....呢度d 人真係好 nice，帶馬拉口音嘅英文亦都好易聽，有d 仲識講廣東話，溝通方便過日本~

搞掂晒就去搭地鐵出市區，呢度嘅地鐵叫 MRT~

先買張  EZ link card，類似我地嘅八達通，有效期五年~

新加坡d地鐵同一般嘅差不多，不過佢地個扶手係一開三，即使d人挨住一枝其他人都仲可以握第二枝~

由機場出市區搭綠色線必須響 Tenah Merah 轉車，我地嘅目的地係 City Hall，車程大約35分鐘.....我地先去酒店放低d行李....新加坡d 酒店普遍都幾貴，而且好多都無 free wifi 同唔包早餐，有成日去新加坡嘅朋友 suggest 我地住 City Hall 嘅 Fairmont or Stamford，因為佢知我鍾意shopping 同埋嗰度交通方便又近d 景點，最後我地響 Priceline 搵到 Fairmont 三晚 total $5422 含早~

去到 City Hall 一出站就係 Raffles City，好多 shops 呀，睇見都心花怒放.....不過無乜指示酒店響邊噃，正當我地研究緊點行之際有位先生主動走嚟幫我地，仲帶埋我地去，好好人呀，對新加坡個印象又提升左!

去到酒店諗住放低件行李，職員好 friendly，仲 upgrade 我地 signature room，不過間房要過多一個鐘先 ready~

放低行李我地就出發去 Orchard Road，今日第一個行程係 shopping 呀，hehe.....搭MRT 紅色線只係三個站就到，唔需要轉線~

Orchard Road 好似我地嘅彌敦道，大道兩旁全部係 shopping mall、名店，星期六成條 Orchard Road 都好多人......

d buildings 都好有型~

行行下有機構派免費水，我地當然唔客氣 

去 shopping 之前當然係醫肚，我地嘅目的地係文華酒店......

旅遊書介紹五樓嘅 Chatterbox 嘅海南雞飯好正，當然要去試下~

午餐時間都要等一陣先有位~

我當然要 signature dish，老爺最初要龍蝦叻沙，不過後尾話無龍蝦改左要海鮮，有人好失望

開餐啦~~

好大碟雞，不過唔算好滑噃~

油飯OK唔錯....

仲有個好好味嘅雞湯

老爺嘅海鮮叻沙....唔駛揸車，條友仔餐餐飲啤酒!

埋單S$96.5，呢個 lunch 超貴!

食完逛下間酒店.....周圍都有聖誕裝飾~

跟住當然去 shopping~

又有 free drink....街頭試飲，Tiger lemonade，有小小啤酒味，幾過癮~

沿路好多雪糕車，天氣咁鬼熱，整返個涼下先......

新加坡好出名嘅雪糕三文治，只係 S$1，有好多種口味揀.....

我地要左個菠蘿味......厚厚嘅雪糕塊，大熱天時真係好正

好快行到去義安城......

大門外有個小型 fun fair，好熱鬧~

好大棵聖誕樹呢~

同一般 shopping mall 一樣 up 得出嘅名店都有，不過我地只係集中逛 basement，d shops 大路d，仲有 supermarket、高島屋，好多野逛呢，高島屋 basement 有 Harrods，好 happy，最後都有小小收穫

新加坡d街道都種左好多樹，幾好逛~

逛完義安城就去 Orchard Road 必逛嘅 ION Orchard..... 

呢間 Rubi Shoes d 鞋超平!

逛到攰一攰，係時候整返個 tea hea 下先.....我地響 TANGS Plaza 見到有亞坤咖啡店.....

當然試下佢最出名嘅咖央多士.....我地要左一個set 包括四件咖央牛油多士、兩隻半生熟蛋、同一個咖啡，另加一杯奶茶.....多士好香脆，夾住牛油同甜甜嘅咖央醬，yummy!!

呢個半生熟蛋係要加胡椒粉同醬油搞勻食，個口感幾古怪~

 咖啡一般......

反而奶茶幾香滑~

埋單只係 S$6.4~

食飽飽就搭 MRT 返酒店~

返到酒店我地間房已經 ready，仲已經將我地嘅行李搬埋上去......

酒店周圍放左好多蘭花，好靚~

原本我地 book 最平嘅 standard room，而家酒店 upgrade 左 signature room 俾我地，我唔知有咩特別，但間房好大~

呢張 king size 嘅床太軟，我地好唔慣，不過 size 真係好大，聽聞有人話瞓響一邊伸長隻手都掂唔到我喎.....試驗過，兩隻 bears 由床一邊碌去另一邊紫 bear可以碌五個轉，mini F bear 就可以碌六個轉，比屋企張床多兩個轉嫁!!

床頭有晒成間房d 電器嘅 remote，包括電動窗簾，好正~

Closet 係一間房~

Washroom 亦好闊落，有齊 shower 同浴缸~

設備齊全，係欠張凳.....

不過個 sink 盆好高，d 水好易淺晒出嚟，最鬼憎

Sanitary pack 每日都會添加~

Mini pantry....

有 Nespresso，夜晚又可以沖咖啡飲~

每日送兩枝水~

有個 balcony.....

可以望見旁邊嘅 Raffles Hotel，新加坡最豪嘅酒店，Michael Jackson 都係住呢間~

響房 hea 左一陣我地就又出動去魚尾獅公園，其實由酒店行去唔係好遠，不過初嚟埗到唔係好熟環境第一日我地都係搭MRT去，搭紅色線去 Raffles Place 只係一個站......新加坡d人都好discipline，真係企晒響旁邊等車~

出左 MRT 沿新加坡河方向行，遠遠高高嗰座圓形 building 係 Stamford Hotel，我地間 Fairmont Hotel 就響旁邊~

遠處就係 Boat Quay，好多食店同酒吧，夜晚好熱鬧~

Cavenagh Bridge

呢個 notice 好搞野，過橋有重量限制，對象除左人仲有牛同馬

橋旁邊有好多雕像.....

呢個小朋友當街除褲露何B仔

原來係成班小朋友跳海玩水.....好可愛嘅 design~

魚尾獅公園位於濱海灣，位置可以話係飽覽晒新加坡最出名嘅地標......一邊係 Singapore Flyer 同 Esplanade.....

Esplanade 係個藝術中心，因為外型好似榴槤，所以大家都索性叫佢做榴槤~

另一邊係金融中心......

面向 Marina Bay Sands.....

背靠 Fullerton Hotel.....四方八面都係景點位~

不過最吸引遊客嘅相信都係由三座 building 構成嘅金沙~

好多人呢~

影下隻魚尾獅先.....

個個都響度玩飲水造型照.....

兩隻 bears 都要玩

幾時搵次去住下呢間金沙，走上去最頂嘅空中花園逛下遊下佢嗰個無邊界泳池

Duck boat，我地聽朝都 book 左坐~

月亮出來了~

大魚尾獅後面有個小魚尾獅像，cute~

響度 hea 左一陣個天開始暗，我地打算等睇埋個夜景......

天黑著晒燈好靚呀!

蓮花博物館好搶眼!

望下錶已經七點半，係時候搵地方 dinner，本來想去附近嘅老巴剎，不過好驚熱所以就打算去海傍嘅食店，我地要食蟹呀，於是揀左 Palm Beach，不過無訂位要等半粒鐘，咁就繼續響附近影下個夜景先啦~

夜晚有小小海風，無日頭咁熱，響度慢慢逛都幾舒服~

夜色下嘅金沙好靚~

忽然見到對岸著晒五顏六色嘅燈光，應該係金沙每晚逢八點都會上演嘅激光 show.....

原本我地都打算聽日去開 Gardens by the Bay 夜晚去埋金沙睇呢個 show，正! 而家可以由另一個角度欣賞，連激光都有得睇埋

睇完激光就去 Palm Beach 睇下有枱未，終於都要等多十五分鐘先有位.....我地坐室外，好在近海邊有小小海風，唔會太熱~

座位個 view 都唔錯嫁，一邊食一邊睇住靚景，正~

咁高興當然啤啤佢，cheers!

先嚟個併盤，有聖子、魷魚同軟殼蟹.....

最好味係呢個軟殼蟹

奶油香酥蝦，yum yum~~

大大條芥蘭亦好食~

重頭戲當然係黑椒蟹，一個字，超正

隻蟹好大隻，睇下單係隻蟹拑都大過條 spoon 呀!

呢個黑椒蟹好貴，要 S$96! 不過真係好好味食得好滿足......呢餐 dinner 食左 S$233.16，day 1 單係食都用左一大半旅費，聽日開始要慳住食啦

食到飽一飽，我地就沿住海傍散下步.....夜晚嘅 Fullerton Hotel 好靚~

好特別嘅聖誕樹~

響新加坡成日都響街道見到唔同嘅雕塑，個個都好有型.....

我公司其中一個樓盤甚至 apply 左呢個 design 嘅 copyright 放響屋苑 (真係毫無創意)~

本來打算行過去老巴剎食個沙爹串燒，不過行行下發覺已經十點半，實在有d 攰同眼瞓，於是就決定返酒店.....返到去當然食埋個夜宵，就係下午買嘅班蘭蛋糕.....呢隻蛋糕係新加坡名物，不過我地都覺得個味道怪怪，唔明點解咁多人要響機場訂返香港....

再沖返杯 nespresso 嘆下

 

終於搞到差不多一點先瞓，前一晚只係瞓左三個鐘，其實已經好攰，一瞓落床就處於昏睡狀態......第一日行程好完滿咁完結啦~~

(...待續)