2014年新春九州好hea 6日 - 吟松

今個 trip 第三間亦係最後一間溫泉旅館係位於鹿兒島指宿溫泉嘅吟松 (每次一讀呢個名就想笑)~

由指宿站搭的士去只係六、七百円左右.....一落車就有兩個職員招呼幫我地拎行李~

酒店 lobby，我地就坐響度 check in~

Welcome drink 係好好味嘅綠茶

Lobby 都好大，中間有個日式庭園.......

庭園旁邊有一幅好長嘅壁畫，有幾層樓高呢~

周圍陳列左好多古典茶具器皿~

酒店臨海，lobby 另一邊有門口可以直出去海邊......

有專用拖鞋，住客可以蓍住出去逛海灘或附近嘅砂樂會館~

我地間房都係向海，好正~

搞掂晒 check in 就上房，我地間房叫菜之花~

Washroom 基本設備有齊.....

客廳係和式......又有暖桌

低能嘅我一直以為暖桌係張氈發熱，原來係地下放置左個暖爐.....呢個客廳有個地台，所以可以將對腳放落一級，坐得舒服好多

基本浴衣、襪子、大小毛巾、浴袍都有，最奇怪係個雪櫃係收埋響個衣櫃入面.....間房都唔係好細啫，未至於擺唔落個雪櫃噃

有咖啡機，雖然唔係 Nespresso 只係蒸餾，但都 ok 唔錯啦~

最正係近窗邊有多一張好大嘅床，攤響度欣賞海邊景色好舒服~

望出去係一望無際嘅大海，一邊浸浴一邊賞景，人生一樂也

私家溫泉池唔係太大，不過一個人都好鬆動......但最唔好係房間只得 shower，就響正個浴池隔離，冬天沖涼 d 海風吹埋嚟真係幾凍，而且太近浴池，沖涼 d 水好易灑左過去囉！

今次個 trip 我無 post 其他團友房嘅相，除左下面呢一張，因為團友另外一間房入面除左有私家溫泉之外，仲有個好大嘅泳池，好正！所以要 post 埋出嚟......夜晚我地走左去游水，very good ar!!

我地間房旁邊有個休息室，可以 hea 下~

響房攤抖左一陣我地就去酒店附近嘅砂樂會館玩沙浴......玩完返嚟當然要泡下湯，趁天未黑齊拿拿聲走上去頂樓嘅「天空野天風呂」，上到去勁多人，而且個 view 其實同我地間房係一樣，所以只係浸左一浸就閃人.......

(Photo from hotel web site)

我其實係想洗頭沖涼，因為怕響房個 shower 係露天又向海會好凍，於是就走去家族風呂望下......家族風呂有兩個，就響我地房嗰層樓嘅另一邊，唔需要預約，又係去到見係空室就可以關埋門慢慢浸......呢個溫泉係室內，設備都好齊全，沐浴用品係馬油，仲有個好求其只係放張膠凳俾人坐嘅 sauna room，不過去水系統唔係好掂，d 水浸晒入去個 sauna 房，好核突呢!!

最後我都係返去自己房浸，走來走去好繁忙呢.....浸完已經夠鐘食 dinner......

好得意飯桌中間係一個熱湯，據講真係溫泉水嚟嫁，所以呢張枱叫溫泉桌，d 水真係滾熱，我地去到時 d 蛋仲放左響熱湯上面煮緊，好似溫泉蛋咁呀

三隻 bears 話唔食野要泡湯喎

熱湯一邊煮雞蛋，另一邊就炸 d 類似魚蛋咁嘅野，呢款食物有個名堂叫【さつま揚げ】，係呢間酒店嘅名物.....招呼我地嘅妹妹好 kawaii，雖然完全唔識英文但都好努力同我地溝通

前菜每一款都幾好食~

Sashimi 份量略為小左d 囉~

我地今個晚餐嘅名堂係鹿児島３大【黒ブランド】，先嚟鹿兒島黑豚，shabu shabu 好好味呢  

跟住有個雪芭俾大家清一清味蕾~

之後就到鹿兒島黑牛

最後係鹿兒島黑薩摩雞飯.....一次過品嚐晒鹿兒島三大名物

食埋個甜品就捧住個大肚腩就啦

返到房當然整返個即磨咖啡 relax 下~

浸下個私家溫泉又再去另一間房嘅私家泳池玩下水，玩到筋疲力盡就去教豬啦

第二朝起身天都未光晒......

當然第一時間泡下湯......

一邊浸浴一邊欣賞日出，好正呀!!

七點半就去食早餐.....今次個溫泉桌一邊係煮豆腐......

另一邊係煮湯~

妹妹又幫我地處理豆腐，唔該晒~

呢個早餐唔算好豪好豐富，但係有魚有菜樣樣有 d，食落都好飽~

食飽飽就去 souvenir shop 做我最拿手嘅事 shop 下平

之後返房 hea 下.....房間可以望到附近嘅砂樂會館~

又同 d bear bears 影下造型照先

大家都好 like 呢張大床

要 bye bye 啦，有 d 唔捨得添

三晚嘅溫泉之旅咁就玩完啦，總括而言，整體上我地最滿意係阿蘇內牧溫泉嘅親和苑，環境方面當然係湯布院嘅ゆふいん花由最正，但食方面就比較普通，呢間吟松就食住都算唔錯啦~~

寫晒旅館篇，下一篇仲有觀光篇同最開心嘅戰利品篇

(....待續)