2016年11月3日星期四

2016年韓國首爾5日 - 尋找 oppa 的足跡


雖然已經一把年紀,潮流所趨,阿豬媽去韓國當然都要學下小妹妹去搵下韓劇景點,尋找一下 oppa 嘅足跡.....不過時下大眾都 like 嘅宋仲基或者金秀賢等長腿 oppa 都唔係我杯茶,響芸芸韓星中我最欣賞嘅就係池晟.......自從睇過佢嘅「Kill Me Heal Me」就迷上咗佢,oppa.....(雖然佢年紀細過我 DD 但我都係鍾意叫佢做 oppa 囉,正如劇中瑤拉所言︰長得帥的都是 oppa) Oppa 演技了得之餘又靚仔,真係好鍾意佢呀,所以今次去韓國一定要搵下佢 d 劇嘅景點感受一下佢嘅存在呀~

時間有限,再加上韓國嘅交通對一般遊客來講又未至於好方便,所以今次只係去咗幾個景點,最主要係響市區 subway 去得到同埋夾到自己個行程啦~

首先當然係我嘅最愛「Kill Me Heal Me」......認得嗎? 呢度就係車度賢同吳俐珍嘴嘴嘅地方!
(實景)

(劇照)

呢兩個咁型嘅藍色巨人像係位於上岩洞 Digital Media City 嘅廣場上,要去都唔難,可以搭 subway 機場快線響數碼媒體城站 9號出口再步行約十分鐘就到,好方便~  

當日「Kill Me Heal Me」拍攝嘅時候係一、二月,當時仲有個大雪人,夜晚嘅燈色好靚......

(劇照)

不過相隔一年半又唔係冬天所以現場已經唔見個大雪人~

日間嘅藍巨人係另一個景象


劇中第十一集申世期同吳俐珍都有嚟過~~

(劇照)

至型至帥嘅申世期

我必須承認,而家每次見到 oppa 嘅照片都流晒口水....哈哈~~



講返呢兩個藍色巨人像,中間紅色嘅框框就好似一面鏡,兩邊嘅巨人就如鏡子嘅內外,好型~


由日間等到夜晚,只為咗等待巨人發光~






「復仇者聯盟 2」 都有響度取過景



「Kill Me Heal Me」車度賢分裂出來嘅幾個人格,除咗申世期,我最鍾意嘅就係十七歲少女安瑤拉,而呢個廣場亦係瑤拉初次登場嘅地方......第八集,瑤拉同吳俐珍響車上閒扯時,突然見到 JI oppa 於是即刻衝落車.......

(劇照)

(實景)

換上校服嘅瑤拉
(Captured from 官方花絮)

衝落車後瑤拉沿住星光大道奔跑,俐珍響後面一路追.......睇下瑤拉上身後嘅池晟!  Oppa 小跑步姿態好嬌俏呢



(劇照)

(實景)

整條星光大道上有好多明星同歌星嘅手印......Hehe,我當然只係 forcus 響池晟嘅掌印上!


走過星光大道之後就係一個廣場,當時遠遠望見藍色巨人嗰剎那真係好興奮,雖然都唔知點解咁興奮,又唔係池晟響度拍緊戲

呢個廣場就係劇中 Rocking 樂隊舉行聚會嘅地方.....話說瑤拉一路直奔過嚟想衝上台,不過被俐真中途阻攔~

來兩張等待彩排中嘅 oppa


睇下 fans D 眼神同甜笑!!.....羨慕 ing~~


之後瑤拉及俐珍就響廣場上互相廝殺


(劇照)

呢個 Digital Media City 都幾大,廣場四周都係 MBC、SBS、YTN 等所屬大樓




叫得 Star Park,廣場上當然有些明星嘅人形紙板俾大家合照....... 


池晟響「New Heart」嘅醫生造型....可愛嘅李恩成,當年好嫩口呢


廣場上好多一家大細響度 hea,不過其實周圍可以 shopping 嘅地方唔算多~

呢個 MBC Mall Plaza 嘅設計好有型.......

Mall 入面大部份都係食店~






除咗上岩洞呢個 DMC 媒體中心,大家熟悉嘅弘大都有 oppa 嘅足跡......我最想去嘅就係第十三集瑤拉初次與俐溫 oppa 見面嘅咖啡店......

其實呢間 Green Cloud Coffee Shop 響好多韓劇出現過,不過我當然只會集中響「Kill Me Heal me」嘅場景上......

先來看一下當時車度賢跟吳俐溫坐過嘅位置......


車度賢開始變身瑤拉啦!!


重溫一下瑤拉初見 oppa 嘅表情係幾咁嫵媚


(劇照)

好可惜當日到達嘅時候已經有人坐緊,而且一枱都係野無打算離開咁嘅樣......(我其實真係好想走埋去坐一下池晟坐過嗰張凳)

唯有坐旁邊嘅位......一場嚟到,當然要整返個 tea hea 下先~

變身後瑤拉公主就嘈住要俐溫 oppa 買蛋糕俾佢食......

(實景)

再來一張花絮照

接著就係瑤拉要吳俐溫餵食嘅位置.....


(劇照)

拍攝前大家都係響呢張枱開會及對槁......


(Captured from 官網花絮)

不過呢一日呢張枱唔知點解 hold 住唔俾人坐


呢間咖啡店有兩層,二樓亦係場景之一......第十三集車度賢同吳俐珍各自去占卜後就響呢度糾纏搶手機.....


(Captured from 官方花絮)

不過現場原來有好多人響度睇書溫習,所以都唔好意思走入去影相~


離開咖啡店,當然係繼續去追蹤瑤拉在大街飛奔嘅路線......

(實景)

充滿活力嘅瑤拉公主移動速度實在太快,好難截一張清晰嘅圖......




(邊跑邊塗口紅!!)



來看一些花絮圖.......當日拍攝時現場好多 fans 圍觀呢.....D fans 真幸福,可以近距離睇到 oppa~~

  


身處現場,一邊回想劇情,一邊幻想 oppa 當日拍攝時熱鬧嘅情況



最後,終於去到吳俐溫失身被擒嘅地方.......

精伶嘅瑤拉將吳俐溫引到巷子中......

大抵因為車度賢日日操練,跑完好一大段路瑤拉依然有時間淡定地補口紅


睇下瑤拉公主幾進取


三個人就響呢個巷子糾纏........

終於!!! 哈哈~~~



要尋找呢條路線其實都唔難,入口就喺 Green Cloud Coffee Shop 對面街,經紅色大樓旁邊石級直下.....


沿斜路落第二個街口轉右......



走多幾步就係啦~~



Yeah~ 慘案發生現場!!




話說響呢條巷影緊相時有兩個女仔一樣響度研究緊個地方,大家視線接觸一剎那都忍唔住笑,然後異口同聲問 "Kill me heal me?"......之後就大家企響度閒聊,仲合照留念,佢地係日本人,又係池晟嘅粉絲,聽佢地講原來 oppa 響日本其實都紅咗好幾年,反而響香港同內地嘅知名度唔算太高.....日本女仔真係好斯文,雖然成日去日本玩,但響韓國遇到日本人個感覺尤其特別,好有親切感~~

除咗「Kill Me Heal Me」,其實池晟仲有另外一部劇響弘大呢度取景,就係今年拍嘅「戲子」,劇中 oppa 飾演嘅申鍚鎬所成立嘅 Mango Entertainment 經紀公司就係響 Green Cloud Coffee Shop 附近,所以順道走去睇下.......

(劇照)

呢個外形咁獨特嘅 building 其實係一間博物館 (Korea Design Museum),劇集大概只係借佢做經紀公司嘅外觀......

(實景)

地下係咖啡店 Cafe 101....


劇中就將門口嘅名牌換咗做 "Mango Entertainment"~




(劇照)


另外,第十七集中出現過嘅 Florte Flower Cafe 就響弘大站 6 號出口附近,反正當日離開弘大時要搭機場快線去 Digital Media City,當然順便去看一下......

Oppa 就坐響室外嘅位置~



去呢一日咖啡店都坐滿晒人......因為已經響 Green Cloud Coffee 食過 tea,所以只係響呢度影幾張相到此一遊~


呢間 Cafe 其實環境幾靚~


池晟當日就係坐響中間嗰張枱啦~~



除咗「Kill Me Heal Me」& 「戲子」嘅場景,響市內仲有邊 D 場景係有 oppa 嘅足跡而我係好想去睇下但又唔難去呢?......今個 trip 一開始決定要去首爾,老爺因為知道我鍾意池晟,第一時間已經響網上搵定 oppa 於另一套我好鍾意嘅「秘密」第十四集中男女主角響某公園一個大長椅上約會嘅位置,發覺都好容易去,所以又抽咗一個朝早走去逛逛~

先來看看劇照.....整部「秘密」我個人覺得最 sweet 嘅一幕




呢張大長椅係位於龍山家族公園內,交通相當方便,只需要搭 subway 去二村站,非常簡單,如由明洞前往甚至唔需要轉線,一程四號線十一分鐘就到~

二號 "National Museum of Korea" 出口,然後經地下通道直走再上地面......



一上地面前方就係 National Museum of Korea~


一路 keep 住右手邊沿小徑走就可以,久不久都有「龍山家族公園」嘅標示~

見到呢個 sport zone 再行入少少就係啦~


遠遠已經見到張巨大長椅!


現場睇真係好巨大嫁~

男女主角就係坐響度聊天.......


兩隻 bear bear 話要重演呢一幕

Sooooooo sweet


第十五集白天都有響度拍攝過.......




因為我地係一朝早先去,所以當時都無乜人,可以盡情影好多造型照~~







長椅後面係兒童遊樂區~

其實呢個公園都幾大,周圍環境都唔錯,睇完劇集嘅場景就慢慢逛下......




呢個就係 National Museum of Korea~

見過網路上嘅照片,如果秋天嚟紅葉開遍風景會好靚~







尋找池晟 oppa 嘅足跡告一段落,完滿結束好高興好滿足呢,希望下次去韓國可以再去搵多 D oppa 拍攝過嘅景點啦~~

最後,再來幾張池晟響電影「我的 PS 搭擋」中嘅劇照......YEAH~~ 竟然響首爾期間俾我響電視上睇到 oppa 嘅電影,超級開心呀!!






(...待續)







沒有留言:

發佈留言