PIGGYBREAD

2月19日 - DAY 1 (PART 2)

響酒店放低D行李，我地就出發去逛金沢市喇..........

金沢係石川縣嘅首府，亦係成個北陸地區最繁榮嘅大城市，但另一方面由於金沢已經有成四百幾年歷史，所以好多地方都保留住古城嘅風貌.......我地今次個旅程就以呢個地方為基地，因為ANA個package包兩晚酒店，所以我地就揀左頭尾兩晚stay響金沢，打算至少有兩日可以慢慢細味呢個古都.........

不過可以同大家預告一下，細味古都呢D咁深層次嘅野我地兩丁友就做唔到喇，好 "哩hea"

同互片就有份

........但響講吵大鑊遊歷之前，首先想同大家分享一下我地響金沢市內搭車嘅經驗，因為出發前做左D資料搜集，再加埋實地考察，自己都覺得D料唔錯

........既然料都刮左響度，無謂嘥左佢，順便攤出黎俾大家參考下啦~~~

遊覽金沢，基本上都係乘搭市內巴士，一般旅遊書都會recommend專為遊客而設嘅城下町金沢周遊巴士 (Kanazawa Loop Bus)，呢種觀光巴士係一條循環線，由金沢站東口出發，途經市內絕大部份嘅景點好似兼六園同東茶屋街咁，一共二十個站，尾站返番去金沢站東口，環繞一個圈大約40分鐘，巴士費每程一律200円，如果打算遊覽幾個景點可以買one day pass，500円咋，搭三程車已經抵返晒.........

One day pass

附送埋時刻表同車站地圖~~

城下町金沢周遊巴士站

巴士款式好懷舊嫁.......總共有三款，每款仲有名堂添，都係以金沢著名嘅大文豪而命名，下面藍色呢款叫犀星號係最靚嫁 (嗰位文豪叫室生犀星喎)........

我地總共搭過兩款，下面紅色呢款叫鏡花號，阿文豪先生叫泉鏡花 (個名夠畸怪!!)，仲有一款叫秋聲號係綠色嫁 (個文豪叫德田秋星)~~

巴士入面有廣播，亦有顯示屏show到站名，一定唔會唔識落車......記得按掣落車呀~~

基本上呢個觀光巴士幾方便，D車站好易認，每十五分鐘一班車，但最早嗰班車開8:30，尾班車開18:00，想早D搭去遲D搭返就唔係咁方便

，而且呢條循環線只得一個方向行駛，換句話講，如果你想先去第15個站然後再去第4個站玩就好麻煩

，雖然話買one day pass可以無限次上上落落，但時間就係金錢，無理由搭一個圈去完第15站又再搭返去總站重新再搭多個圈去第4站啫

......而我地設計嘅行程就正正遇到呢種情況

，當然你可以話咁咪改路線就番條行車線囉，但係對於我地呢D咁「鍥而不捨」嘅自遊人士又點會咁輕易罷休呢

，我總唔信成個金沢市只係得呢條巴士線掛!! 於是我就發揮我愛八嘅精神

，不斷上網明查暗訪，最後發覺其實金沢市內仲有好多巴士線去解決唔同嘅需要嫁!!

除左上面嗰個金沢周遊巴士，金沢市另外仲有一種俾遊客用嘅觀光巴士，就係金沢隨心遊巴士 (金沢ふらっとバス)........

(官方網頁圖片)

呢種小型巴士都係循環線，每程只係100円，單程計俾金沢周遊巴士平，而且佢有幾條巴士路線︰(1) 以金沢站東口為起點嘅此花路線、(2) 以武藏ケ辻．近江町市場為起點嘅材木路線、同埋 (3)以香林坊為起點嘅菊川路線，選擇性要俾金沢周遊巴士多D，夾唔啱周遊巴士個時間表可以試下搭呢個，100円抵好多!!

呢個就係停車站，有列明路線嫁~

不過講到方面，其實金沢市內俾一般市民使用嘅北陸鐵道路線巴士 (Hokutetsu Local-line Bus) 仲方面，因為係俾市民平常用，路線有好多條，覆蓋範圍好廣泛，巴士車身有列明主要途經嘅車站，睇見啱路就上車

，唔駛一定要夾準觀光巴士嘅時間表，我地騎騎呢呢都唔覺意搭左好多次

........

北鐵巴士站標誌

響每個巴士站都會有電子屏幕show晒有邊條巴士將近到站，好似下面幅相咁，個屏幕顯示左將近會到站嘅五條巴士線，架車快到嘅時候就會有個綠色巴士公仔響嗰條巴士線前頭閃閃下，好清楚嫁~~

呢個北鐵巴士費每程要200円，好似貴左D咁，不過其實我地都蠢左，原來買金沢周遊巴士one day pass，除左可以一日內無限次搭loop bus 觀光巴士外，亦可以無限次搭呢個local-line bus 嫁!! 因為我地第一日去唔諗住搭周遊巴士所以無買個one day pass，朦查查搭左幾次呢個北鐵巴士