2月21日 星期四
我地又去北海道啦！雖然已經是第三次往北海道，但我仍然覺得好興奮
。興奮指數係
我地乘坐國泰CX580直航機直飛往札幌，9:40出發，下午3時多便到了。喺飛機上我已經忍唔住出手啦，係咁意就買左L'Occitane 嘅hand cream 同Clinique eye mask
我都覺得自己好過份，未到日本就已經出血，不過我必須謹記我嘅出門座右銘：出外旅遊，最緊要係唔好比自己後悔呀~~~
題外話：呢個咁精警嘅座右銘其實係源自我家老爺嘅座右銘：出外旅遊，千萬唔好比佢後悔呀 (因為番返香港以後會好大鑊架！！！)
今次嘅package係包埋來回酒店機場，我地揀左坐JR，同國泰D工作人員攞左車票後，就拿拿林去搭JR啦，雖然係自由席，但都有位坐喎。直航真係快好多，第一次去到札幌唔係夜晚呀
！！ 睇下車窗外個黃昏景幾靚~~~
今次我地住番京王，番酒店check in 後，就走去JR案內所reserve定以後幾日D車票，然後就梗係即刻飛奔去血拚啦！！
擾攘一輪，最後只係喺comme ca 同100yen店有收獲，然後就搭地鐵去薄野食我地嘅晚餐，食乜野？梗係食蟹啦。因為上兩次都係食蟹將軍，今次就決定試下蝦蟹合戰。去到都唔使等，竟然得幾張檯有人坐咋。我地叫左兩個4200yen嘅放題，加埋啤酒，9300yen埋單。
睇下隻長腳蟹同毛蟹幾大~
呢個蝦蟹放題我覺得都OK啦，不過我家老爺就覺得一般，佢認為都係蟹將軍好食D，老人家念舊，無辦法啦！食飽之後就番返酒店瞓教啦，不過喺回程中途我又PK啦。臨返到酒店，老爺又話要去lawson買啤酒小食，我打死都唔肯再去，因為上次過馬路時PK呀，遙望住果條鋪滿左冰嘅馬路，真係有童年陰影嘛，所以今次就改去7-11啦，諗住唔行同一條馬路應該無事掛，點知買完後行過最後一條馬路都要臨尾香，仲要係四腳朝天果隻呀
當晚得-4度咋~~~
沒有留言:
發佈留言