DAY 3
PART 7 (富良野．富田農場)
離開日之出公園，我地就向住中富良野駛去，下一個景點就係著名嘅富田農場~
網址︰http://farm-tomita.co.jp/
地址︰知空郡中富良野町北星
電話︰0167-39-3939
Map Code︰349 276 801
唔駛十分鐘就到喇......Hello!! Farm Tomita, 我地又黎探你啦~~~
或者你會問，又係富田?
去過富良野嘅人都去過晒啦，都無咩新意之餘又好商業化......係呀，我地04年第一次去北海道都有去富田農場，但我可以好肯定咁話你知，無論我去幾多次富良野，我都一定要去逛逛富田，因為當年第一次去富田嘅經歷實在太開心，所以不論之後要再去幾多次我都唔會厭嫁!!
雖然已經係八月中，但富田農場一定唔會令大家失望，仍然遍地開滿鮮花......
富田最殺食嘅地方係有一間溫室，無論你咩時節黎到，都可以睇到紫色嘅薰衣草
......
溫室外面，仍然可以見到淺紫色嘅薰衣草花海!!
沈浸響呢一大片嘅紫色花田，四周瀰漫住陣陣嘅薰衣草香味，真係令人心曠神怡~~
據講，因為富良野位於北海道本土嘅正中心，所以就被稱為北海道嘅肚臍.....紫色嘅肚臍!! 雖然見唔到盛開嘅濃濃深紫，但相比對上一次五月黎時咩花都見唔到，呢一大片嘅淺紫已經令我好滿足喇~~
另一邊嘅傳統薰衣草田就已經謝晒
.......
花人之田，開滿各種唔同顏色嘅花花......
七彩嘅花海好靚呀，我地又不斷咁響度影影影........
另一邊有個木做嘅觀景台，走上去可以遠望成片彩色花田......
逛完影完晒D靚靚花田後，正準備走去做我最拿手嘅野 --> shopping之際，忽然發現響香水之舍後面無咩人氣嘅地方好似仲有D花田咁，於是我地就順道走埋過去昅下咁啦......嘩!! 原來呢度有片向日葵花田嫁，差D唔知miss左添.........
D向日葵好大朵呀!!
小蜜蜂就比人靈敏，邊度有花香都瞞唔過佢地.......
D向日葵真係好大朵嫁，有我成個人頭咁大!!
終於見到人咁高嘅向日葵，好開心呀!!
玩左一陣，我地就懷住好滿足嘅心情去shopping喇.......
下一篇︰最愛富田
嘩! 等你出新篇真係等到頸都長!
回覆刪除啲向日葵真是很大朵, 不過你打格仔那張相很古怪
[版主回覆01/03/2010 22:39:00]Hehe, 怪D都要，費事出真身將D花比下去啦~
我都有同感：當你到過一個地方令你十分難忘，無論之後再去幾多次都唔會厭架 … 我對北海道都有這個情意結 有時我地都會諗：係唔係唔應該第一次去日本，就去左我地最期待既北海道先呢 !? 令到之後的旅遊或多或少都會作出比較
回覆刪除[版主回覆01/03/2010 22:44:00]我以前都有過你呢種諗法，北海道真係我嘅摯愛，因為第一次去真係玩得好好好好開心，曾經都以為唔會再有其他地方會令自己好難忘，不過舊年去完東北又覺得真係好正，我諗係真嫁，其實最緊要係睇你同咩人去囉~
你就好啦, d向日葵咁大咁靚, 我果次反而無咁靚播, 可能太早未長得好都唔定, 你點行入去, 咪要踏入泥堆中law
回覆刪除[版主回覆01/03/2010 22:47:00]行入小小啫，其實唔係真係好大片花田，不過已經好滿足.....你上次見唔倒，咪又俾個籍口自己再去過囉，你成日都係咁同我講啦
向日葵好大棵好靚 真希望有機會可以熱天去一次
回覆刪除[版主回覆01/03/2010 22:48:00]去完冬天嘅北海道，係時候要plan去夏天嘅北海道啦
piggybread : 個個都話想去 , 我都想去呀 .
回覆刪除Bye Bye !
[版主回覆01/03/2010 22:49:00]你過多幾個月都去啦~
自駕真係好方便呀, 想去邊就去邊! 我都好想去睇花田!
回覆刪除[版主回覆01/03/2010 22:50:00]唔好淨係想啦，行動最實際，快D plan啦~