12月27日 (星期日)
烏來
搭纜車去雲仙樂園，來回收費每位220台幣，包埋入園費........
車程其實好短，遠處盡頭就已經係到站~
響纜車望落去下面嘅溪流同瀑布.........
望返去下面嘅瀑布街........
雲仙樂園有咩玩有咩睇呢?.........其實係無咩玩亦無咩睇嘅........一出左站有個類似鬼屋，都好殘舊下，睇個樣都唔敢入去，而且要另外收費.......但無理由上左黎又即刻搭返車落山啫，於是唯有好無耐地行上山，希望上面有D野睇下啦........
一邊行會見到條瀑布~
好慘，要行好長梯級上山..........
行無耐望返轉頭嘅纜車站~
行石級行到氣喘，行行下忽然見到有個瀑布.......
乘機停停影下相抖下先~
上到山頂就係雲仙樂園酒店........
有個人工湖，有人響度撐艇........
幾經辛苦上到黎，其實真係無咩睇，但點都無道理即刻走，無無聊聊，最後我地決定去撐艇.....都唔知已經有N年無泛過舟........
費用30台幣一位，限時20分鐘~
撐艇!! 兩隻熊響度閒聊話呢個trip真係好hea........
加油加油!!
呢條橋下面就係剛剛上黎時見到嘅瀑布.......
橋下面就咁有幾條鐵欄住.......都幾恐怖........
呢邊仲驚，只係得條鐵錬......我地差D沖左落去，好驚呀!!
20分鐘啱啱好環繞湖一周......
泰雅族人像~
撐完艇實在無咩好做，於是我地就搭返纜車落山~
再搭台車走人.......
落到山又行返去條烏來老街......呢檔豬肉腸好多人排隊........
真係勁多人排........
我地當然唔會排，周圍都係賣豬肉腸，我地是但搵左檔幫襯~
每條30台幣.......
都OK幾好味~
食完腸就諗住去搵下個免費露天溫泉浸下足湯.......不過離遠見到都已經唔想走過去，好多人好似響度洗腳咁..........
唔係眼花，甚至有人響度游水.......乜溫泉水唔係好熱嘅咩???
見識完個烏來溫泉，已經三點，係時候去醫肚......(待續)
