2010年2月日本中部北陸9日 - 白川鄉最美的一隅

2月21日  (DAY 3 - PART 2)

離開大田屋，我地正式開始第三日嘅行程.......

 

 

原本今日計劃嘅行程應該係離開白川鄉去飛驒大鐘乳洞，下午經平湯睇下個平湯大潼再去新穗高，但尋日因為俾個屎GPS老點嘥左一奏時間，一場黎到無理由連白川鄉條街都未行過就走左去，所以我地決定改改行程，打算朝早先去逛逛白川鄉，中午至去飛驒鐘乳洞，而平湯大潼就只有放棄唔去囉~~

 

由大田屋去商店街一帶好近，一兩分鐘車程就到......朝早好清靜!!

先搵個地方泊車.......

呢個荻町駐車場都幾大，日泊500円~

呢一條街就係穿越成個荻町合掌造集落嘅主要街道，車路兩邊有好多土產店同埋一D合掌屋展館，而大部份嘅民宿都係集中響呢度附近嫁~~

未夠九點，D店舖都未開，我地就周圍逛下影下相.......沿路有好多合掌屋呀!!

披上白雪嘅合掌村好靚呀!!

呢個小型合掌屋好cutie~~

D店舖幾時開呢? 我好想入去洗劫一翻呀!!

開舖未呀? 我D shopping mood準備就緒啦.......

呢間幸工門係民宿，網友嘅評價都唔錯，之前訂房時都有考慮過，可以上佢嘅網頁download預約表格經fax做reservation，不過因為覺得佢嘅地點比較近商店街驚會嘈所以最後都係揀大田屋~~

行行下就見到であい橋嘅指示.......呢條橋係主要景點黎嫁，整個白川鄉分東西兩邊，一邊係佈滿合掌屋、民宿同店舖嘅荻町，另一邊係合掌造民家園同博物館，兩邊被一條莊川分隔，であい橋就係由荻町通向民家園嘅主要通道~~

一去到であい橋就被四周嘅風景吸引

......忍唔住嘩一聲叫左出黎，真係好靚呀!!!

個人覺得成個白川鄉最優美嘅風景就係であい橋，橫掃過去四面八方嘅景色都靚到不得了~~

 

D白雪好似糖霜咁，將白川鄉一草一木、一天一地都變成左白色嘅童話世界........

呢條就係荻町隧道，呢個trip我地前前後後行左唔知幾多次，對佢真係又愛又恨......

我最鍾意好似鋪左綿花嘅雪地~

大家快D走出黎影靚靚造型照啦~~

今朝嘅陽光實在太正，晒到眼仔都睜唔開......

整返張背光先......好似有D聖光照住個熊頭.....聖熊呀!!

好型......呢D叫迎風而立.......

不過紫bear好似仲未瞓醒咁......wake up))))))

 

天氣好，D相影出黎嘅效果真係好正，黎左日本三日終於見到藍天，希望晴天可以一路keep住落去啦...... (奢望 -.-)

連D樹都靚D

........

條莊川鋪左一層厚厚嘅白雪......好想跳落去打筋斗......

清晨嘅陽光洒落河邊一帶樹木，耳畔不時傳來陣陣嘅風聲同流水聲，氣氛一絕!!

咁靚嘅風景，真係唔想離開.......

 

呢條であい橋遠睇好似一條吊橋，其實係水泥橋，不過企響上面，有人行過都會感受到輕微震動~

橋另一邊嘅風景都好靚........

 

 

 

遊客開始多.......

過左橋遠遠就見到合掌造民家園，呢個係白川鄉出名嘅景點，園入面展示左九座過百年歷史嘅合掌造民居，就響巴士總站旁邊~~

一場黎到白川鄉，我地當然要走去逛逛.......

(待續

)