2月21日 (DAY 3 - PART 6)
.gif)
幾經辛苦，終於去到新穗高溫泉嘅槍見館........
旅館老闆第一時間已經走左出黎幫我地拎D行李入去大堂，然後同我地check in......
攪掂晒check in，就約埋晚餐同第二朝早餐時間，之後就講解D溫泉設施.......呢間旅館除左有基本嘅男女大浴場外，仲有兩個景觀好開揚嘅露天混浴溫泉.......不過最吸引我嘅係另外嗰四個貸切風呂，完全唔需要預約，至於點解咁吸引我，遲D講到先再解釋啦~~~
個老闆D英文都OK嫁，溝通完全無問題........不過好攪野，佢特別specify關於毛巾嘅問題
..........攪掂晒後就帶我地入房........
間房唔係好大，差不多一眼見晒咁滯.........
不過一般基本設備都有...........
有個指示叫你唔好閂晒個水喉，要留返D水等佢一路流，因為驚天氣太凍D水會結左冰......
呢兩件野好保暖!!
望出去就係風呂區，一間間嗰D就係貸切嘞~~
有個籃俾你裝住D野去泡湯........
七點鐘先食飯，仲有個幾鐘時間，當然去浸浸浴先啦.........
首先各自去大浴場沖乾淨個身先.......
更衣室都好乾淨企理~
一個人都無，我好似包場咁，點洗點擦個身都得!!
大浴場響旅館嘅basement，而混浴同貸切就響室外........我地當然第一時間約埋去浸浸個無敵露天混浴先啦，唔駛驚尷尬，女性可以包住毛巾浸嫁
不過我對腳係介乎大人同小孩之間，又係試左好耐都無辦法搵到一對啱size
出到外面個天已經開始暗，行去溫泉一帶要先落一條長長嘅樓梯，個梯級仲要舖滿D茅草，我覺得好跣囉，對鞋又甩下甩下，真係一步一驚心
.gif)
雖然無落雪，不過響咁天然嘅環境下泡湯，真係好享受
呢間旅館有兩個混浴，浸完個『槍見の湯』，著返浴衣又走過去另一個『まんてんの湯』浸.......浸到咁上下，個天已經全黑，於是就走人，其餘嗰幾個貸切因為唔需要預約，所以我地打算食完晚餐先再去慢慢浸.........
走返去大堂，個老闆已經企定定響度恭候我地......Sorry!! 唔係問候我地，而係問我地攞返兩條毛巾
.........
上返房hea一陣.......呢個welcome snack都幾好食~
七點鐘就去食事處食晚餐嘞........
又係已經擺定左某部份嘅野食響度........
靚靚嘅碟~
先黎個甜酒，cheers!!
中間兩片生牛肉幾好味~~
好好味嘅朴葉味噌!!
燒岩魚，正!!
呢個係soup，個女將話滾左就加D檸檬落去.......連個女將都識小小英文嫁~
我好鍾意嘅漬物，yummy!!
.gif)
飛驒牛呀!!
我地另外叫左兩枝sake
不過好叫唔叫，就係咁就出事嘞
.......唔知大家仲記唔記得早一日老爺都仲係病到死下死下，尋日朝響金沢睇完醫生食過藥，今日已經好返D，於是就放鬆左啦，今日折騰左一個下晏條友仔話要享受下乾一乾杯，點知飲飽食醉後都未返上房就開始又唔舒服
食飽飽返去房，已經幫我地舖左tatami嘞~~
Hea左一陣有人敲門，原來我地頭先仲有個甜品未食就閃左，佢地特登拎返俾我地
.gif)
老爺唔掂一早攤左響地半屎狀態
.gif)
無得去浸貸切，百無聊賴
，叫我自己一條友行去外面露天溫泉就話有D驚啫，行去大浴場就無難度啦，唔浸貸切同混浴都可以去大浴場泡泡湯喎.......於是就叫醒老爺話佢知我去大浴場，佢病到七彩吽下吽下都唔理得我咁多
去到大浴場又係無人.........
一個人包場浸到皮都縐晒先捨得返上房，見老爺已經進入昏迷狀態，我就都乖乖去搵周公傾計嘞
.......
YEAH!! 第三日行程終於攪掂!!
妳間房大過我住乳頭溫泉"妙乃湯",舖0左tatami連門都開唔到呀........
回覆刪除貸切唔使預約?即係先到先得?入到去鎖門!獨佔!得0左!?
[版主回覆10/10/2010 23:27:00]妙乃湯D房就特別細啦，我住到最貴嗰間都無槍見館呢間咁大....係呀，唔駛預約，去到門口有個牌將佢反轉show使用中就可以，有成四間咁多去到一定有得俾你揀，你地下次都可以諗下，各方面都OK唔錯喎
piggybread : 叫人節約用水記得關水喉就見得多 , 為唔好結冰而長開水喉 , 真係從未聽過 , 真係孤陋寡聞 , 我至鍾意正宗日式溫泉同埋佢地既晚餐 , 又勾起我既回歸添 , 正呀 .
回覆刪除獨佔整個溫泉既感覺真係好正架 .
Bye Bye !
[版主回覆10/10/2010 23:43:00]係呀，希望成日都可以包場一個人浸啦 .....你上次響北海道都有幾次包場啦，真係好正，快D開始攪下一次啦
piggybread : 下次希望農曆年過後去 "知床" 果頭 , 仲有破冰船 , 一諗起就渾身是勁 , 充滿能量 .
回覆刪除Bye Bye !
[版主回覆10/11/2010 23:06:00]喂我地都有打算出年去知床喎，應該都係過左農曆年，你咩時候呀? 我好想試嗰個流冰漫步囉!!
哩個老闆對毛巾真係一絲不苟喎 睇啲相，你都手震得頗厲害喎 真係凍成咁
回覆刪除[版主回覆10/11/2010 23:11:00]哈哈~我不嬲都手震嫁啦，邊關天氣凍事，我隻手成日都抽筋咁......再加上我D散光超勁，對con又無配散光，一去到暗嘅地方或夜晚我D傑作就好杰啦
你就好, 可以獨佔成個溫泉, 我次次浸都有d日本大嬏係度, 仲要聊下你講野咁...傾計唔係唔好, 但有時想靜靜享受一下架麻
回覆刪除我都好鐘意住溫泉旅館, 晚餐又豐富, 最鐘意多款式又精緻!
[版主回覆10/11/2010 23:14:00]係呀，好難得可以包場嫁，我都係試過一兩次，真係幾正.....D日本人好鍾意一邊泡湯一邊吹水，佢地可以吹成半粒鐘都唔走，有時真係幾嘈囉
呀靚, 你今期影D相手震喎, 我都鍾意去溫泉酒店, 但匯率實在恐怖, 我訂左6間, 如果再系咁升, 唔CUT都唔得LU
回覆刪除[版主回覆10/11/2010 23:19:00]哈哈~唔係今期呀，我不嬲期期都手震嫁啦，我隻手成日都抽筋咁，再加上我D散光超勁，對con又無配散光，一去到暗嘅地方或夜晚我D傑作就好杰啦
吓，D yen再升就cut溫泉酒店? 都仲有成幾個月先到，你地俾得起就咪cut啦 .....不過你咁快就已經book晒D酒店，好快手，我都仲未開始攪喎
回覆刪除每次見親呢 o的陣容、擺設就覺得超靚，又有衝動去住一住喇 ! 唔 … 究竟朴葉味噌的味道係咪好甜架 ?
下一篇係咪有得睇個大露天混浴風呂呀 ? 期待 ing ~
[版主回覆10/11/2010 23:27:00]你上次去白川鄉同高山無食朴葉味噌咩?? 做咩咁嘥料呀......甜又未至於好甜，其實係面豉醬咁囉，我覺得送飯好正呀，不過唔緊要，搵次再去囉
有嫁，下一篇會post晒全酒店入面嘅貸切同混浴風呂，因為我地又係包場咁滯呀
乜老爺咁唔忍得口 都未好番哂就飲酒 如果揸唔到車點算呀
回覆刪除[版主回覆10/11/2010 23:28:00]咪係，你話佢係咪五行欠緊樣野呢!!
piggybread : 流冰慢步一個人叫係太方便玩 , (影相有D難度) , 不過淨係睇風景都夠殺 , 仲有道東三湖餵天鵝 , 諗起都高興 .
回覆刪除如果一切順利 , 希望可以農曆年二十果陣出發 .
Bye Bye !
[版主回覆10/11/2010 23:35:00]好巧呀!! 我地都係打算嗰段時間去，應該早你幾日出發....你攪左機票未? 到時JAL同ANA無左凌晨機真係好唔方便.....喂我地遲D要多D交流下個行程呀，我都想去道東三湖喎
我上次有食呀 ! 但我食到既係好甜下喎( 自問都食得甜架 ! ) ~ 我唔知咁既味係咪正宗既味道嘛 ! 因為見到個個都話好好味 … 唔通要搵多次再去求證下先得 ?
回覆刪除[版主回覆10/12/2010 00:05:00]我覺得你真係要去多次求證下囉，橫掂我記得你上次好似無睇點燈......我舉雙手雙腳支持呀
piggybread : 機票未攪呀 , 聽 "小zoo" 講 "快運"航空直航都係 4千幾 , 我諗住睇點 , 直航都唔錯 .
回覆刪除真係要好好咁交流D行程 , 係咪自駕遊呀 , 我就一定係 .
Bye Bye !
[版主回覆10/12/2010 00:10:00]你就好啦，我都想自駕呀，不過有人唔肯呀，淨係諗起要夾JR同巴士時間都有種想死嘅感覺呀......CX個package4日3夜全包7千3百幾，包左三晚札幌酒店我覺得都OK啦~
piggybread : CX果個都唔錯 , 不過佢地唔做單人 , 但係三晚 "札幌" 又好似唔多適合我喎 , 因為我主打 "網走" & "道東三湖" .
回覆刪除我就係唔想有果種 "想死" 既感覺 , 所以先至揀自駕遊 , 同埋果D道東巴士團 , 唔會俾太多時間餵天鵝 , 不過唔緊要 , 仲有時間 , 叫你家 "老爺" 重新考慮啦 .
Bye Bye !
[版主回覆10/12/2010 22:37:00]我都嫌三晚stay響札幌太多，不過為起黎又覺得唔算太貴，咁諗住頭尾晚基本上都係響札幌，咁搵多日去小樽即日來回札幌囉，初步係咁打算~
你好勇喎，一個人雪地自駕，我老爺響HK好多年揸車經驗但都唔係太想雪地自駕，因為試過上次幾乎撞埋去雪山好有陰影......道東嗰邊好似成日都有暴風雪喎，你如果真係自駕真係要小心D，到時遇上暴風雪封左路真係唔知點算，你最好問下D成日都雪地自駕嘅blog友，至少攪清楚點樣check個GPS嘅封路消息好D囉~
網走坐破冰船正啦，不過好睇當時天氣，我地早幾年去D流冰已經唔算好多，去之前又成日擔心天氣唔好會停航，好彩都叫做坐過，你最好預朝早第一班船囉，一晚過後未有船破過D流冰會正好多，我上次響船上餵海鷗high得滯攪到俾D工作人員鬧，因為係第一次餵海鷗所以好難忘，不過唔知點解返黎HK問親個個人都無響破冰船上餵海鷗，但我嗰次就一船D人都係咁餵，希望你都有得餵，因為真係好好玩!!
平時去溫泉酒店都會有拿走細毛巾, 老公話抹車好用 , 大毛巾就真係無想過拿, 你哩間酒店老板咁緊張啲毛巾, 莫非真係比人拿得多? 大毛巾質數好好咩? 你老公真抵打 , 已經病開, 第二日又要駕車, 重要飲酒 .
回覆刪除[版主回覆10/12/2010 22:43:00]我都只係拎細毛巾愛黎留念，我老爺都話D毛巾抹車好，不過我俾佢之嘛 .....大毛巾D質地又真係唔錯，或者真係俾人拎得多先咁緊張啦~
如果只系比兩個大人錢我捨得架, 而加要比多個傅小孩70%呢, 佢食都話, 佢又唔食既, 餐餐要兩個人食3個餐呀, 普通一晚都要4萬幾YEN, 仲未計我呢D奢侈怪上身, 要BOOK有私人溫泉房呢 , 1 月至算了, 到時決定. 但住少兩晚D錢可以用來PLAN下D小旅行...嘿嘿
回覆刪除你地就好可以過左旺季先去, 又無咁多人, 唔駛同人爭, 我地只可以最多人既時間出法..唉.
[版主回覆10/12/2010 22:49:00]咁又係，小朋友又真係好唔抵，淨係酒店人頭價慳埋慳埋真係可以去多次小旅行.....我咪又係嘥錢精，又係鍾意book私家風呂房，不過都無可能晚晚咁奢侈，自己都過唔到自己.....去完青森返黎先再慢慢攪啦~
呢間槍見館都唔錯喎! 呢到食啲嘢好似我哋住嗰間新穗高喎!
回覆刪除[版主回覆10/31/2010 11:48:00]係呀，整體我覺得OK唔錯嫁，第二朝仲有表演睇~
回覆刪除Happy Halloween
[版主回覆10/31/2010 11:44:00]Thank you, happy halloween
想請問你，房間係咪只有廁所，要洗澡就去大浴場呢？
回覆刪除另外你是經那裡book 槍見館？
[版主回覆01/14/2012 12:16:49]Sorry, 我唔係好記得, 應該係直接去旅館個web site 做booking~
房入面只有toilet, 要去大浴場bathing~