踏入十月，又到左一年一度小休嘅時間!!
年頭去完日本中部北陸9日，老爺已經話今年唔想再請咁多假，所以一開始已經好決絕咁講明今年內唔準再去旅行.........我當然唔理佢，佢有佢話唔去，我有我繼續plan........日日返工咁苦悶，做人都係想尋開心啫，正所謂work hard, play hard嘛!! 隔一段時日當然要外出玩玩.........終於響我日哦夜哦嘅攻勢下，佢老人家肯應承去一次小休啦!! Yeah!!!
但今年嘅假期已經所餘無幾，唯有將就D去6日啦........我地嘅目的地又係日本呀 (梗係!!) 話之你D yen 升到上十，日本永遠都係我地嘅第一選擇........今次去睇紅葉呀!! 我地未真正咁去睇過紅葉嫁，所以好興奮........最初plan嘅時候一路有兩個選擇︰青森縣同立山黑部.......兩處地方都未去過，兩處都有吸引力，兩處都係睇紅葉嘅熱點........最終我都係揀左青森，因為上次去東北俾我嘅印象實在太正，好想再踏足多一次喔!!
今次當然又係自駕遊啦，我咁懶.........不過首要任務係做左機位先.......自從JAL響十月份開始摺埋左個凌晨機後，對我地呢D日遊狂熱份子嘅打擊真係好大!! 好在ANA都仲做多個月，我地仲可以響完全摺埋之前去多一次 (當時book機位時CX都仲未confirm會開凌晨機).......最初嘅如意算盤梗係凌晨機去羽田再轉內陸機去青森啦，實行玩盡6日6夜，點知晴天霹靂，原來ANA無內陸機去青森!!
最近嗰個機場係位於秋田縣嘅大館能代機場，仲係只屬於三線機場，相信比金沢嗰個機場仲細.......如果要由大館能代機場揸車去青森等地都好遠，雖然老爺話無所謂，但我都唔係咁想囉，始終剛剛坐完凌晨機又要佢老人家即刻揸幾粒鐘車未免太辛苦........瀏覽下呢個機場嘅網頁，係有接駁車去弘前，不過左轉右轉，又巴士又JR，D班次又疏落，諗起都覺得煩.......思前想後，最後我地都係決定放棄內陸機，改由東京搭新幹線去八戶........咁樣老爺就唔駛一落機就要嘥精神揸車，大家又可以響新幹線眠佢一眠，而我又可以索性將個plan改到響東京stay一晚，真係一舉三得，我都好久無響東京血拼啦!!
有D朋友知道我地去咁多日都只係去青森一個縣覺得好奇怪，俾著佢地多數會橫掃兩、三個縣，不過我個人實在太貪心，度度地方都想去，一個青森縣都已經有N咁多個景點啦.......講真，只係去嗰幾日，想去晒D景點其實都真係唔夠嫁，所以又要好苦惱地做我呢世女最唔識做嘅野
左度右度，總算度左個初步行程出黎啦~~
DAY 1
HK > 羽田 > 東京 > 八戶 > 青森 (宿︰Hyper Hotels Passage)
DAY 2
青森 > 八甲田山 > 奧入瀨溪流 (宿︰野の花 燒山莊)
DAY 3
奧入瀨溪流 > 十和田湖 > 弘前 (宿︰岩木櫻の湯)
DAY 4
弘前 > 十二湖散策 > 不老不死溫泉 (宿︰不老不死溫泉)
DAY 5
不老不死溫泉 > 青森 > 八戶 > 東京 (宿︰八重洲 Yaesu Terminal Hotel)
DAY 6
東京 (血拼!!
----
唔知有無機緣見到火紅嘅樹海呢?
(以上圖片全部源自Google圖片集)
你個plan唔錯.....期待你回來後的遊記 ....何時出發?
回覆刪除[版主回覆10/03/2010 17:06:00]10月22日出發呀.....遊記.....我D遊記真係愈堆愈多，唔知要幾時先會寫完
自己 plan 行程唔係懶啦...我去旅行乜都唔想攪,報名跟團算,飛機,行程,食宿乜鬼都唔駛理~
回覆刪除[版主回覆10/03/2010 17:11:00]自遊行同跟團，各有各好玩啦，最緊要enjoy就得.....我鍾意plan行程嫁，不過呢幾次慣左自駕攪到個人懶晒，如果唔自駕要check火車巴士班次就真係叫救命
以你咁既速度, 寫到明年大旅行都未寫完, 我10月就無得去, 唯有等過年...嘿嘿, 最重本出血的一次, 希望可以去13天, 我仲WAIT緊回程呀
回覆刪除[版主回覆10/10/2010 22:48:00]10月唔去咪儲埋過年先去次勁囉......最重本出血.....即係去邊呀??
青森呀，青森！有機會我都想去，不過我得過年先可以去耐咋 唯有去CTsuper買住個蘋果止住咳先啦 大旋行又有乜打算呀？
回覆刪除[版主回覆10/10/2010 22:51:00]你成日都去日本啦，好似過大海咁易.....個個都係過年去次勁嘅，我地出年大旅行如無意外應該會去北海道，好掛住D雪呀!!!
咁快又出發 !紅葉好呀 !青森記得買蘋果呀,好味 !啲yen貴啲妳比得起,不過"中日"單0野未搞掂,為0左人身安全,都係低調啲好 。
回覆刪除[版主回覆10/10/2010 22:53:00]我都有D擔心呀，你知我啦，把口唔收，個樣又寸.....不過我地會儘量收歛啦，我仲要幫你老婆帶膠袋返黎嫁
如果D円升到十,咪仲好計數,一於唔好理!!
回覆刪除HAVE FUN!!
血拼,血拼,再血拼!!
[版主回覆10/10/2010 23:00:00]小姐，我寧願難計D啦!! 我都仲未兌換，仲拖緊，拖得一時得一時.....不過為左血拚，到時去到十我都唔理得咁多lu
piggybread : 依家D "中日關係" 攪到咁 , 真係有D驚呀 . 希望佢快D修補番啦 , 至於 Yen 價 , 真係冇眼睇 .
回覆刪除Bye Bye !
[版主回覆10/10/2010 23:01:00]我會收口低調D嫁啦
睇紅葉好羨慕呀, 我都未看過, 不過依家中日關係咁差, 自遊行驚唔驚呀? 記得萬事小心為上
回覆刪除[版主回覆10/10/2010 23:04:00]個個都叫我小心 ，我真係會收口低調D嫁啦
我都想去睇紅葉呀 ! 咁 o岩我既心目中都係取捨緊東北同立山黑部喎 不過我今年未去得呀，因為沒有假期了 唯有睇定妳 o的料，plan 定明年啦
回覆刪除[版主回覆10/10/2010 23:06:00]唔緊要啦，咪儲埋多D彈藥同假期出年豪佢一次囉
其實最無o野睇係青森市, 你仲出入兩次?
回覆刪除[版主回覆10/10/2010 23:13:00]我都知呀，因為當初一路響度諗到底住唔住三沢嗰間青森屋好，最初希望今次D酒店唔好太貴留多D彈藥出年豪嘛 .....到後來想book青森屋已經full左.....黐線嫁，200幾間房咁大型酒店都咁快full，所以咪唯有stay一晚響青森囉，我想去睇埋青森嗰個縣立美術館嘛.....不過而家都仲十五十六，或者改住一晚淺虫溫泉都唔定.......
wah~ 羨慕死人啦!!!!!
回覆刪除[版主回覆10/10/2010 23:14:00]唔好羨慕啦，你都係時候plan下一次啦
其實你個 trip 都好慳住洗
回覆刪除新年大旅行去邊......北海道 ? 還是....?
[版主回覆10/10/2010 23:16:00]係呀，想留多D彈藥出年豪嘛 .....大旅行應該去北海道啦，因為今年響中部北陸無咩見雪，好掛住呀，再加上之前睇左你響知床D行程，好想去呀!!
今次 主力 關東 ， 會走小小 福島同新潟 ， 希望食正紅葉期~~~ 今次仲係三人行，真係一個大挑戰 ~~~
回覆刪除[版主回覆10/11/2010 23:38:00]嘩你地好勇啫，個baby咁細都三人行，不過第一次三人行，到時一定好happy，就算撞唔正紅葉都應該好難忘啦
去喜歡奈良美智咩? 如果係就值得去縣立美術館.
回覆刪除不過如果只係想睇室外的大狗狗, 就唔一定要購買入場券.
[版主回覆10/11/2010 23:45:00]係呀，我鍾意佢個夢游娃娃.....我呢D嘥錢精，去到九成都要買入場券啦
想去新潟, 酒店訂晒, 但D YEN系咁升, 可以改行程, 太貴了....覺得唔值囉, 因為YEN升得勁, 一晚房差千幾蚊
回覆刪除[版主回覆10/11/2010 23:47:00]都仲有時間，睇定D先囉....希望在明天嘛，我覺得佢一定會跌嫁 ，我地一齊俾多D念力發功啦
啊! 我地下個月尾出發 , package 錢都比晒啦!
回覆刪除都有唸過連住三日温泉旅館 , 但比豆豆睇過 plan , band 晒
因為如果現在日元昇值時刻 , 有人有樣學樣就大濟
主要目的是睇紅葉嘛
其中一晚如果一晚50000 yen , 豆豆話有人可以駛好耐
這番話令我發人心醒 , 又再改 plan
[版主回覆10/12/2010 23:22:00]哈哈~你咁講我呢個敗家精係咪應該去撞牆呢 我都知日元高企，所以今次去青森除左奧入瀨嗰間比較貴 (真係好唔抵不過無計)，其他D都OK啦，同你一樣諗法，今次主打係紅葉唔係溫泉嘛
豪 ?那些 三余庵 , 阿寒鶴雅別莊 鄙の座 今年好多人去喎
回覆刪除上年新假期狂 sell 宏園園 , 阿寒鶴雅別莊 鄙の座
今年新假期狂 sell 三余庵
要有心理準備啊!
[版主回覆10/12/2010 23:26:00]宏樂園以前住過所以可以skip左佢，另外兩間我都真係有興趣嫁，你真係知我心意 .....但真係好貴囉，要慢慢計掂條數先，不過而家都唔得閒理住，去完青森返黎先攪啦~
知床真係一個唔錯地方 , 最後秘景 , 好值得去
回覆刪除希望你揾到你屬於你嘅旅程 , 遇到滿滿嘅流冰
[版主回覆10/12/2010 23:28:00]係呀，好想去流冰漫步，不過我都知好睇當時天氣，睇你去嗰日就知啦 .....多謝你嘅祝福呀，希望承你貴言啦~
你真係好喜歡北海道 你個紅葉之旅都未去, 又已經計劃北海道！羨慕死人啦！
回覆刪除[版主回覆10/12/2010 23:30:00]唔駛羨慕我啦，我都好耐無去啦 ....你出年又有無咩打算呀?
未呀, 老公想去澳洲, 我就當然想去日本, 見你去年上藏王山看樹冰好像幾吸引, 不過都重要就埋小朋友啲假期.
回覆刪除[版主回覆10/14/2010 22:28:00]如果打算農曆年假期去，而家要攪啦，之前已聽有D網友話機位已full只能做緊waiting
22號！出發咗添 姍姍來遲 我都想睇紅葉好耐啦 希望你也睇到紅海，影多D靚相返嚟呀
回覆刪除[版主回覆10/31/2010 11:50:00]返左黎啦，不過今次無咩紅葉睇，我地同日本D花花草草都係無咩緣份
野の花 燒山莊 呢間O唔OK呀?? 我揀緊酒店,又想試 奥入瀬渓流ホテル ??
回覆刪除[版主回覆05/30/2011 16:56:00]我覺得普通ok啦，不過價錢唔算平囉，我其實係想book奧入瀨溪流，不過當時full左，如果有得揀我諗我會揀奧入瀨溪流囉~
你又返老家...好羨慕呀!!
BOOK咗奧入瀨溪流,番嚟話你知正唔正!!
回覆刪除