自從爸爸走左之後，我地嘅生活模式改變左好多，平時夜晚邊個有時間就返去陪媽媽食飯，星期日幾姐弟妹一家大細都會一齊同媽媽食飯同搵節目.....我諗我算係比較樂觀嘅人，好多謝咁多位blog友對我嘅鼓勵，睇你地嘅留言令我好感動......日子過去，雖然偶然諗起爸爸仍然會傷心同好掛住佢，但正所謂日子難過仍要過，我相信爸爸在天之靈都會希望我地快D振作以後過得開開心心~
令我情緒復原其中一個原因就係要plan去旅行囉，每年我地都會有個「大旅行」，因為上一次去日本中部北陸唔係咁多雪，所以去年八、九月已經響Cathay Holidays hold左個4日3夜package，決定今年又去北海道玩雪......舊年十一月去完青森返黎求其睇過下條路線，book定左一、兩間好想住嘅酒店後又丟低左無攪，爸爸走左之後，當然無晒心情，拖左好長一段時間，而家距離出發日子愈來愈近，近日終於的起心肝攪埋條路線同book酒店.......
不過未去北海道，我地又先去另一處地方玩玩，今年過年我地會同媽媽去外地散心，不過決定得太遲，離初一唔夠一個禮拜，咩package都full晒，於是改跟團啦，以為跟團會平D，點知真係大鄉里，原來過年D團費勁貴，好似去沖繩5日竟然要萬幾蚊一位!! 黐線嫁，改玩第二度唔去日本啦，韓國5日6千幾7千都OK，不過sorry無晒位，有D又用唔晒紅色假期要請多一兩日假，最後終於搵左個台灣4日仲淨返幾個位，都要5000蚊一位，是但啦，至在同媽咪散下心，佢對腳又唔行得耐，跟團佢就舒服D.....我已經將近10年無跟過團，所以諗起都幾有趣，不過最緊要係希望媽咪玩得開心啦~
講返個「大旅行」，上次響雪地自駕經歷過差D撞雪山事件，老爺已經表明冬天去北海道唔再自駕，所以今次又回復返坐JR同巴士......近呢幾次去日本都自駕，突然要check返JR同巴士D班次，真係頭都大，不過今次好多時都會利用酒店provide 嘅free shuttle bus，所以都唔係太煩，而且洗費仲無咁貴添~
俾大家睇下大致上嘅行程︰
Day 1
HK > 札幌 宿︰札幌 Best Western Hotel Fino
第一日去到札幌都已經近黃昏，不過咁啱有個朋友呢一日響札幌，所以就約定左一齊去食蟹宴~
Day 2
札幌 > 層雲峽 宿︰朝陽リゾートホテル
早上爭取時間響札幌shopping一陣得一陣，之後乘酒店shuttle bus往層雲峽，夜訪冰瀑祭會場.....呢一程由札幌去層雲峽嘅free shuttle bus好抵，亦都因為可以慳一筆先book呢間酒店，不過send fax 同 email去confirm個shuttle bus，已經幾日都無回覆，唔知攪咩......
http://www.sounkyo.net/
Day 3
層雲峽 > 知床Utoro 宿︰知床グランドホテル北こぶし
朝早由層雲峽搭巴士去上川，轉JR去北見，再轉乘酒店shuttle bus往知床Utoro，夜晚睇知床極光show
http://www.shinra.or.jp/
Day 4
知床Utoro > 川湯溫泉 宿︰川湯第一ホテル 忍冬 或 溫泉浪漫の宿 湯の閣
晨咁早起身去玩流冰漫步，已經book左6:30時段，超希望天氣OK有得玩，但而家又有D驚會PK到癲....
食完早餐就乘酒店shuttle bus離開.....不過呢一日跟手嘅行程到而家仲有D愁，呢一晚會去川湯溫泉，原本打算搭觀光巴士遊川湯附近好似摩周湖、屈斜路湖等一帶景點，點知今年由網走開出嘅阿寒摩周國立公園線竟然無啦啦運休，另一條由釧路開嘅觀光線又夾極都夾唔到時間，真係媽媽聲......於是唯有send email試下問酒店，睇下川湯溫泉自己有無咩巴士線，或者同佢book架車作幾小時遊覽咁啦，呢間川湯第一酒店嘅service真係一流，英文勁掂之餘仲要非常快手就回覆，答案係無local 巴士嘅，不過佢地可以幫我地book架的士，三個鐘大約20,500円，當然唔計每個spot要stay嘅時間.....20,500円!! 攞命咩....不過酒店話如果我地真係諗住book，佢可以幫我地同的士攞個fix價咁話喎，不過咁貴我地都應該唔打算book啦......
另一個option，就係呢一段路自駕，老爺話睇下我究竟有幾想去嗰D地方囉，如果真係好想就plan下啦......你話我係咪真係好想呢? 咁就梗係想啦，不過又未至於話非去不可囉，我而家都已經好隨意，事實上呢個世界好多野都唔到你控制，世界咁大，都好難話去得晒你想去嘅地方，去得到就去啦，最緊要係安全啫，所以等過左年睇下D天氣點先算囉，所以呢一日嘅行程到而家仲未定係點......不過點都好，夜晚嘅event就一定唔會放過囉，因為已經book左去摩周湖睇星星同睇個Diamond Dust呀，又係嗰句，希望天公造美啦，個Diamond Dust要遇上天氣好同有-13度氣溫先得嫁.....不過觀乎上一次去青森睇紅葉嘅運勢，我地D運氣都係麻麻地，所以都係抱住隨緣嘅心態啦......不過我響度諗，如果呢一日又唔去摩周湖同屈斜路湖D景點，又遇著個天氣唔好睇唔到星星同diamond dust，咁我地其實走去川湯溫泉做咩呢??
http://www.masyuko.or.jp/pc/event/ev_hoshikikou.html
http://www.masyuko.or.jp/pc/event/ev_diamond.html
Day 5
川湯溫度 > 阿寒湖 宿︰あかん鶴雅別荘 鄙の座
好耐之前睇雜誌介紹已經好想住呢間高級旅館，不過真係唔平，所以晨咁早已經響Jalan book左佢全間酒店最便宜嗰個plan，話最便宜但其實都好貴，所以希望可以早D去住同浸返夠本.....夜晚有阿寒湖冬華美祭典，我想坐香蕉船同玩雪兜呀!!
http://www.lake-akan.com/
http://www.koudai-akan.net/iceland.html
Day 6
阿寒湖 > 十勝溫泉 宿︰三余庵
呢一晚又係一間好出名 [貴] 嘅旅館，因為見blog 友 jokelib寫得實在太吸引，所以原先唔打算去十勝，最後都情願取消住支笏湖改去呢度......又係book左全個旅館最cheap嗰個plan，今次個trip成12日，budget有限，D円又咁高，唔可以好似上次去能登珠洲咁豪啦......十勝川夜晚有個叫彩凜詩嘅祭典，不過我地都未決定會唔會去，好似好趕咁，間旅館咁鬼貴，係咪應該響旅館慢慢享受佢個dinner同浸盡佢D溫泉呢??
http://www.tokachigawa.net/event/sairinka/index.html
Day 7
十勝溫泉 > 然別湖 宿︰然別湖ホテル福原 或 然別湖畔溫泉ホテル風水
朝早響旅館浸到最後一刻鐘先搭shuttle bus去帶廣，上次去食唔到元祖個豚丼，睇下今次運氣點，之後搭巴士或JR去新得轉乘酒店shuttle bus去然別湖......山長水遠走去呢度都係為左個冰上露天風呂!! 超期待呀!! 夜晚仲有ice bar去飲返兩杯先.....
http://www.nature-center.jp/
Day 8
然別湖 >トマム > Tomamu 宿︰Alpha Resort Tomamu
朝早希望可以坐熱汽球，食完早餐搭酒店shuttle bus去新得，轉JR去トマム再搭酒店shuttle bus 去Alpha Resort Tomamu.....呢度唔駛多介紹，呢兩年已經好紅......都係嗰句，盡早去玩盡佢D設施啦~~
Day 9
Tomamu > 美瑛 宿︰Pension Jacatra
朝早響resort玩盡佢，中午搭返酒店shuttle bus去トマム，然後轉JR去美瑛，再轉搭pension shuttle bus，上次住Woodland Farm嘅經驗幾好，所以今次又book左一間細細嘅cottage，雖然係cottage，但唔貴囉，8,750円一個人，包早晚餐.....去美瑛絕對係因為之前睇左電占兄嘅blog，D雪景實在太靚!!
Day 10
美瑛 > Rera Outlet > 札幌 宿︰札幌 Best Western Hotel Fino
朝早join Pension 嘅 photo tour 去美瑛山一帶影相!! 中午就搭返JR去南千歲，玩到第十日，係時候俾D時間自己去血拼一下啦!!
Day 11
札幌 > 小樽 > 札幌 宿︰札幌 Best Western Hotel Fino
我摯愛嘅小樽，上一次夏天忍痛無去，今次要去足一日!!
Day 12
札幌 > HK
呢一日唔需要多講，當然早D去機場，新加建左之後都未去過，一於最後一擊 shop shop shop啦~~
旅行散心果然係治療傷痛既良方，加油 ! 振作 !
回覆刪除大旅行既出發日期丫 ~ 唔該 !
[版主回覆02/01/2011 23:37:00]多謝呀....我地19號出發~
我覺得摩周湖、屈斜路湖呢 o的景點幾值得去架，川湯溫泉都唔錯，但唔知點解我去既時候人影都冇隻，店鋪又未開，冇得 shop，都幾冷清下 ! 我都想知其他人去既時候係咁既呢 ?
回覆刪除我都好想去摩周湖睇星星，等睇妳 o的相呀 ~
[版主回覆02/01/2011 23:40:00]你幾時去嫁? 嗰時係搭咩車去呢? 如果有觀光巴士就唔駛諗咁多....唔知有無得睇嫁，希望天公造美啦~~
好開心你重新振作，多處部媽媽都好，因淨下她一人容易想東想西！冬天唔揸車都好，加上今年太在雪，連jr都常因為噤受阻，你們真要小心！玩得開也些
回覆刪除[版主回覆02/01/2011 23:45:00]多謝呀....希望唔好太大雪啦，都有D擔心會遇暴風雪，不過都唔愁得咁多，煮到黎先算啦~
唔揸車唔緊要, 日本交通好方便, 最緊要安全, 今年太多雪, 今朝睇報紙都話北陸線去金澤因太多雪, 乘客要在火車上過一晚。其實最緊要係有得去, 揸車或是搭火車都係咁開心.....
回覆刪除[版主回覆02/01/2011 23:47:00]係呀，其實我都唔係咁想老爺自駕，始終雪地自駕經驗太小，搭火車都唔錯，至少有野買同可以瞓教~
啊, 我在08年也是和家人一起到台灣4天, 因為父母年紀大, 坐飛機太久反而不好 呢 不過, 媽咪中風後, 大家都少了一起出行的機會 . . . 你們玩得開心點啊, 有花博, 雖然人多, 跟團總可以逛一下 北海道嘅行程 . . . 你唔駛我地比意見啦
回覆刪除[版主回覆02/01/2011 23:56:00]多謝你呀....你真係講野，你D旅遊記錄咁厲害，真係要你俾意見就真啦!! 你都就快出發喎，亦都祝你一切順利，玩得開心D呀!!
見到你出新篇真係好開心, 同媽咪去散散心都好, 始終要時間去復原同適應, 希望你地玩得開心!
回覆刪除你個大旅行又係返鄉下, 睇個行程好想去呀, 我地今年去NZ, 初一出發, 唔知會唔會機場遇見呢
[版主回覆02/01/2011 23:58:00]多謝你呀....今年原來去NZ，玩得開心D呀，我諗多數遇唔到，因為個團係要我地清晨4:45響機場集合......
你同老爺要玩得開心 d 呀 , 加油... 旅行好多嘢係控制唔到 , 只要盡量樂觀面對每件事 , 運一定會返嚟架.... 唔駛擔心 ~ 比 d 士氣 有得旅行就開心 la........勁 shop 啦!
回覆刪除[版主回覆02/02/2011 00:00:00]多謝呀......我一定會遵從你嘅吩咐，勁shop嫁啦!!
(Empty)
回覆刪除[版主回覆02/02/2011 00:12:00]Thanks ar~
玩就要盡興，忘記之前唔開心，從新起步 ... yo！
回覆刪除[版主回覆02/02/2011 00:14:00]多謝你呀....近來都無時間去探D你地......你去左珠洲未呀??
我係 2/09 去架，呢幾日 ( Day 3 to Day 5 ) 既遊記同妳想去既行程有 o的相似，我地係乘坐民宿的車遊覽的，妳有時間可以黎睇睇丫 ! 當然，我 o的資料唔夠齊全，電占兄齊全 o的，又最清楚，妳有咩可以問佢架 ! (希望電占唔介意我「御」左去佢度啦 ! )
回覆刪除http://hk.myblog.yahoo.com/lilyyu0101/article?mid=4382&fid=-1&action=prev
[版主回覆02/02/2011 00:22:00]Thank you晒呀.....你住嗰間民宿係咪電占都住過嗰間呀? 其實間野近唔近川湯溫泉呢? 因為我好想睇diamond dust囉，如果近我都考慮下改住呢間，今年咁大雪，始終我都唔係咁想自駕~
P.S. 電占兄一定唔會怪你，因為佢都過左好多料俾我呀!!
快喇快喇！初二到珠洲，快過你出呀
回覆刪除[版主回覆02/02/2011 00:27:00]呢個就肯定啦.....咁我等你返黎先再同你交流下，玩得開心D，勁浸佢個私家風呂，仲有個貸切仲正嫁，一定要浸呀!!
係同一間呀，睇日子計，我地應該係前後腳入住，爭一日
回覆刪除我都唔知近唔近，因為係民宿主人載我地去 o的景點時，途經川湯溫泉，仲話俾我地知明晚我地 住果間湯の閣 就係 o係度喇。我估計車程計應該半小時 ok !?
[版主回覆02/08/2011 22:56:00]我搞掂左喇，book左呢間pension，不過同你唔係好同，佢幫我地book架taxi做sightseeing，4000円一個人，夜晚dinner後就車我地去川湯睇diamond dust，不過就要放棄睇星星，因為唔夠時間，我地仲book埋第二朝玩canoeing.....真係唔該晒你介紹呢間pension俾我地呀，個主人好nice，仲suggest我地響摩周站某間餐廳lunch~
！我三萬幾咁流，點同你五萬幾交流唧 BTW多謝你提點，我唔浸到巢皮唔罷休架喇
回覆刪除[版主回覆02/08/2011 23:05:00]其實個私家風呂唔算大，個貸切正好多，真係浸到唔捨得走....個露天風呂都好正，上次得我一個人包場，不知幾正!!
恭喜發財!!
回覆刪除[版主回覆02/08/2011 23:05:00]Thanks ar!! 希望你假期玩得開心~~
回覆刪除萬事如意 , 身體健康
[版主回覆02/08/2011 23:06:00]Thanks ar!! 我都祝你地一家身體健康，心想事成~~
(Empty)
回覆刪除[版主回覆02/08/2011 23:08:00]Thanks ar!! 我祝你今年快D放假去玩玩
祝兔年身體健康 事事如意 ~
回覆刪除[版主回覆02/08/2011 23:09:00]多謝你呀!! 我都祝你身體健康，心想事成~~
piggybread : 好 ~ 得閒去玩 , 好正架 .
回覆刪除Bye Bye !
[版主回覆02/08/2011 23:10:00]嘩，你咁快已經去完返黎，我仲以為你出發嘅時間同我差不多添~
新年快樂、出遊愉快!
回覆刪除[版主回覆02/10/2011 23:20:00]Thank you ar~ 你地已經去完返黎，今次玩14日咁勁，一定有好多有趣事，等睇你個遊記，好肯定你一定出得快過你老婆啦~
回覆刪除哈哈 我返咗嚟啦 , 我先祝你們一家 日日快樂 !
我在北海道的一個星期天氣晴朗 道路狀況 . . .主要系道央, 旭川, 大雪山, 層雲峽. . 比較風大雪大, JR出面白茫茫, 無嘢睇 . . . 札幌 . . .凍, 所以雪祭好多人, 勁好睇,中國人好自豪 我急步行晒大通(唔計影相)要用30分鐘 同埋好多好嘢食 小樽燈祭. . .正, 日影, 夜影都唔肯走 不過呢邊雪唔大路好好行 網走. . . 我去嗰兩日都好好天, 間中有D雪落, 團友開心到暈, . . .不過D流冰融咗, 得幾塊碎片, 反而, 而家又有得破 我仲撞穿個頭. . .血光之災 你地都小心. 唔好好似我咁見到D雪太興奮
[版主回覆02/10/2011 23:26:00]嘩! 血光之災咁恐怖，一定玩到忘晒形啦，D流冰融晒咁我個流冰漫步睇怕都兇多吉小.....等睇你個遊記!!
希望你玩得開心啲啦~ 我都已經去完返嚟喇~ 三余庵住極都唔厭架~
回覆刪除[版主回覆02/12/2011 11:16:00]就係你搞到我鬼咁期待囉!!
如果去完唔滿意, 唔好向我投訴......
回覆刪除希望你新一年能開開心心,身體健康,新年愉快....
回覆刪除旅行果然是你的靈丹妙藥! 我去完返來了, 今次自駕最後一日遇上大風雪, 又比GPS點行了條錯路, 嚇餐死, 兩條友都驚到唔敢出聲, 幾驚返唔到上高速, 傅生同你老爺一樣, 下次去有雪既地方唔自駕得唔得.
回覆刪除最近系別人的BLOG見得最多既系"三余庵"呢3個字, 等你返來評下系唔系咁直得去, 我下年都去北海道, 唔知住唔住三余庵好. 玩得開心D!
Wei Wei, 我係時候重溫你d遊記，不過，唔該寫快d! 我想下你訂國泰假期，係hold定即比？我依家仲十五十六，唔知點，心就想坐Ana,但時間同package又好似無噤好，不過就可以札幌入，函館出。睇黎我地都係時候出黎聚聚
回覆刪除[版主回覆08/15/2012 17:26:41]但係你有冇需要stay咁多晚響札幌先? 佢郊區d溫泉酒店其實又未必咁啱心水，同埋如果join ana 價錢爭幾多? 爭唔得多就不如ana啦，行李都俾多d kg啦
[黑貓回覆08/15/2012 16:21:15]所以針係無兩頭利，你覺得我應唔應該等呢？依家佢仲衰，加多左一晚郊區的酒店或溫泉，好煩
[版主回覆08/15/2012 15:30:54]聚聚當然no problem，問埋其他幾個姊妹啦.....CX holidays無得hold喎，要即科水嫁，你出年去北海道? 咁CX直航係好d，不過d package全部係4D3N，無咁好plan...我都想寫快d，不過真係有心無力，而且十月又出發