2月22日 - DAY 4 (PART 4)
摩周湖 > 硫磺山
離開摩周湖第一展望台，我地向住第二個景點硫磺山進發，呢段車程都幾遠，大約行左二十多分鐘.....
硫磺山係一座活火山，一落車就聞到硫磺味，遠遠已經見到好多噴氣.....
嘩，d氣咁鬼勁，我地仲要走埋去，會唔會突然爆發嫁? 我未想死住，就算係都唔想死響硫磺山囉
，係都響知床好d喎....
成座山都有好多噴氣孔呀，行得愈近d硫磺味就愈勁~
去到咁上下就唔可以繼續再行，有欄杆攔住危險地帶~
d旅遊書又話有溫泉蛋賣，都無嘅!!
天氣咁正，曬下日光浴先~
地上面有好多呢d小泉眼，司機叔叔叫我試下掂d水，佢試俾我睇話泉水ok喎，不過我掂左就覺得都真係幾熱囉~
噴氣孔....如果我企響度影影下相突然有氣嘖出黎咁咪大鑊?!
呢度d熱氣咁勁，點解d雪唔溶呢??
等我同d bear bear影返d到此一遊相先......
影影下，大概兩隻野實在太可愛，司機叔叔忍唔住走埋黎幫我同佢地擺pose....
就係呢位司機叔叔嘞，佢真係好nice嫁~~
山下面嗰座building就係休憩室，影完晒相當然行返落去睇下有無野shop啦~~
入面唔係十分大，至少無摩周湖嗰個咁多野賣....不過老爺今次醒水，無再催我，任得我行到叫走唯止......
另外一邊仲有架古典火車展覽~
呢度都有d野shop (其實幾沉悶嘅shop我都有本事搵到野啱買)，為左彌補上一個景點無點買野嘅遺憾，我響呢度買得就買，連摩周湖蒸餾水都入左幾枝，雖然老爺話唔相信會同一般蒸餾水有咩分別，不過佢為左以後行程可以好過d，佢決定唔再阻止我，由得我鍾意買咩就買咩喎
搞掂晒就閃人....離開硫磺山，我地向住第三個景點川湯溫泉進發~~
(呢篇遊記寫得比較 "行"，除左因為近期比較lazy，仲有就係不經不覺已經去到七月中，我個心又開始野，掛住要plan下d小休，所以無咩時間詳細寫住，下一篇個內容希望會豐富d嫁啦，敬請見諒~)
(...待續)
我去果次都冇行到咁上睇噴氣孔呀，因為時間不多、Ricky 又話臭、o的積雪又深、又要預留時間 shopping … 我地求其影左個木牌就算喇
回覆刪除既然心野，咪寫下小休 planning 先囉，我地都 o岩睇架
[版主回覆07/19/2011 16:11:00]其實d硫磺味真係幾臭，不過響呢度我地預左stay半個鐘，所以老爺都影左十多分鐘相~
我d小休真係好小野，所以都懶得寫，呢排真係好鬼懶
都唔算好行啦, 不過你快啲寫啦, 不要又爛尾 . 小休去邊度玩呀?
回覆刪除[版主回覆07/19/2011 16:12:00]應該去幾日北九州啦~
終於可以盡情shopping了, 哈哈
回覆刪除我明天出發到北海道, 主要會到道東的知床網走, 道北的稚內利尻禮文旭川, 及道央的札幌函館, 希望一切順順利利吧!
[版主回覆07/19/2011 16:15:00]嘩，北海道，我又好想去呀!! 稚內我都未去過，希望你玩得盡興，食多d買多d，一路順風!!
piggybread : 唔 "行" 咯 , 呢度D相好靚 , 靚過我果D好多 .
回覆刪除Bye Bye !
[版主回覆07/22/2011 15:55:00]唔係掛，你唔好同我講埋呢d野啦，我d相咁求其，你d專業好多!!
我舊年暑假去, 有一 pair 老夫婦賣溫泉蛋, 可能太凍少遊客無開當
回覆刪除[版主回覆07/22/2011 15:54:00]咁及係，凍冰冰，當時真係無咩遊客，無理由仲響度擺檔食西北風~
piggybread : 一於唔好客氣 , 大家都係好專業既 ...
回覆刪除我去 "硫黃山" 果陣係黃昏 , 所以影得麻麻 , 你到果陣烈陽普照 , 所以真係好靚 .
有時間可以去呢個連結睇睇 .
Bye Bye !
[版主回覆07/23/2011 11:17:00]我之前睇左啦，雖然係黃昏比較暗，但你嗰日多雪d都好正啦~
其實個間野係有溫泉蛋賣架！我上次咪係呢度買囉~~~
回覆刪除[版主回覆08/04/2011 16:55:00]真係...買溫泉蛋都要講機遇...